រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នារសៀលថ្ងៃទី៥ កុម្ភៈ ឆ្នាំ២០២០ អាជ្ញាធរខណ្ឌច្បារអំពៅ ដោយមានលោកចេង មុន្នីរ៉ា អភិបាលខណ្ឌច្បារអំពៅ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នារសៀលថ្ងៃទី៥ កុម្ភៈ ឆ្នាំ២០២០ អាជ្ញាធរខណ្ឌច្បារអំពៅ ដោយមានលោកចេង មុន្នីរ៉ា អភិបាលខណ្ឌច្បារអំពៅ បានដឹកនាំក្រុមមន្ត្រីក្រោមឱវាទ ចុះទៅសួរសុខទុក្ខជនរងគ្រោះចំនួន៣នាក់ដែលរងរបួសធ្ងន់ដោយសារគ្រោះអគ្គិភ័យឆាបឆេះស្ថានីយប្រេងឥន្ធនៈមួយកន្លែងកាលពីយប់ថ្ងៃទី៤ កុម្ភៈ ហើយកំពុងសម្រាកព្យាបាលនៅមន្ទីរពេទ្យកាល់ម៉ែត្រ ។ ក្នុងការចុះសួរសុខទុក្ខនេះ ក៏មានផ្តល់ថវិកាមួយចំនួនដល់ជនរងគ្រោះទាំង៣នាក់ផងដែរ ។ គួររំលឹកថា ដឹងមូលហេតុហើយ! ករណីអគ្គិភ័យឆាបឆេះស្ថានីយប្រេងយប់មិញ (មានវីដេអូ)
ជនរងគ្រេាះដែលរងរបួសធ្ងន់ទាំង៣នាក់ខាងលើរួមមាន ១-ឈ្មេាះ ស្រួច ញៀន ភេទប្រុស អាយុ១៨ឆ្នាំ ជាកម្មករលាងឡាន ២-ឈ្មោះកួង បូរ៉ា ភេទប្រុស អាយុ១៧ឆ្នាំ ជាកម្មករលាងឡាន និង៣-ឈ្មោះស៊ន សុីថា ភេទប្រុស អាយុ៣៨ឆ្នាំ ។ ជនរងគ្រោះទាំង៣នាក់ជាបុគ្គលិកលក់ហ្គាសក្នុងស្ថានីយប្រេងកើតហេតុ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ