ទោះបីជាមិនខ្លាំងដូចលិខិតឆ្លងដែនប្រទេសលោកខាងលិចក្តី ប៉ុន្តែលិខិតឆ្លងដែនកម្ពុជាធម្មតាអាចធ្វើអោយយើងធ្វើដំណើរទៅកាន់១០ប្រទេសនេះ ដោយមិនចាំបាច់ស្នើសុំវីសា ឬទិដ្ឋាការឡើយ ។ នេះបើយោងតាមឯកសារផ្លូវការរបស់ក្រសួងការបរទេស ។ ឯកសារនោះបានអោយដឹងថា អ្នកកាន់លិខិតឆ្លងដែនកម្ពុជាអាចទៅស្នាក់នៅ ប្រទេសប្រ៊ុយណេ…
ទោះបីជាមិនខ្លាំងដូចលិខិតឆ្លងដែនប្រទេសលោកខាងលិចក្តី ប៉ុន្តែលិខិតឆ្លងដែនកម្ពុជាធម្មតាអាចធ្វើអោយយើងធ្វើដំណើរទៅកាន់១០ប្រទេសនេះ ដោយមិនចាំបាច់ស្នើសុំវីសា ឬទិដ្ឋាការឡើយ ។ នេះបើយោងតាមឯកសារផ្លូវការរបស់ក្រសួងការបរទេស ។
ឯកសារនោះបានអោយដឹងថា អ្នកកាន់លិខិតឆ្លងដែនកម្ពុជាអាចទៅស្នាក់នៅ ប្រទេសប្រ៊ុយណេ រយៈពេល១៤ថ្ងៃ ដោយមិនបាច់មានទិដ្ឋាការ ប្រទេសឡាវ៣០ថ្ងៃ ប្រទេសឥណ្ឌូនេស៊ី៣០ថ្ងៃ ប្រទេសម៉ាឡេស៊ី៣០ថ្ងៃ ប្រទេសភូមា១៤ថ្ងៃ ប្រទេសហ្វីលីពីន៣០ថ្ងៃ ប្រទេសសិង្ហបូរី៣០ថ្ងៃ ប្រទេសថៃ១៤ថ្ងៃ ប្រទេសវៀតណាម៣០ថ្ងៃ និងប្រទេស Seychelles ចំនួន១៥ថ្ងៃ ។
ឯកសាររបស់ក្រសួងការបរទេសក៏បានអោយដឹងផងដែរថា លិខិតឆ្លងដែនផ្លូវការ និងការទូតកម្ពុជាវិញអាចធ្វើដំណើរទៅកាន់ប្រទេសចំនួន៣៥ ដោយមិនបាច់មានទិដ្ឋាការ ។ ឯកសារនេះបានផ្សព្វផ្សាយនៅពេលដែលក្រសួងការបរទេសបានធ្វើសន្និបាតបូកសរុបលទ្ឋផលការងារ ឆ្នាំ២០១៩ និងទិសដៅការងារឆ្នាំ២០២០ ៕
ចែករំលែកព័តមាននេះ