ការហាមឃាត់ការហោះហើរពីតំបន់នានាក្នុងប្រទេសចិន ដែលរងផលប៉ះពាល់ដោយមេរោគថ្មីនេះមិនមែនជាវិធីប្រសើរដើម្បីបញ្ឈប់ជំងឺនេះពីការឆ្លងចូលទៅទឹកដីថ្មីនោះទេ។ នេះគឺជាការលើកឡើងរបស់អ្នកជំនាញខាងអេពីឌីមីសាស្ត្រ ដែលធ្លាប់ដឹកនាំការឆ្លើយតបនឹងជម្ងឺសារបស់អង្គការសុខភាពពិភពលោកកាលពីឆ្នាំ២០០៣។ លោក David Heymann បានថ្លែងនៅក្នុងសន្និសីទខ្លីមួយនៅឯ Chatham House…
ការហាមឃាត់ការហោះហើរពីតំបន់នានាក្នុងប្រទេសចិន ដែលរងផលប៉ះពាល់ដោយមេរោគថ្មីនេះមិនមែនជាវិធីប្រសើរដើម្បីបញ្ឈប់ជំងឺនេះពីការឆ្លងចូលទៅទឹកដីថ្មីនោះទេ។ នេះគឺជាការលើកឡើងរបស់អ្នកជំនាញខាងអេពីឌីមីសាស្ត្រ ដែលធ្លាប់ដឹកនាំការឆ្លើយតបនឹងជម្ងឺសារបស់អង្គការសុខភាពពិភពលោកកាលពីឆ្នាំ២០០៣។
លោក David Heymann បានថ្លែងនៅក្នុងសន្និសីទខ្លីមួយនៅឯ Chatham House ថា៖«ការបិទជើងហោះហើរពីតំបន់ឆ្លង មិនអាចបញ្ឈប់ជំងឺឆ្លងបានទេ។ ប្រជាជនគិតថា ប្រសិនបើពួកគេបិទជើងហោះហើរពីតំបន់ខ្លះ ពួកគេអាចបញ្ឈប់ការឆ្លងជម្ងឺបាន។ ប៉ុន្តែចុះបើអ្នកដែលកំពុងឈឺនោះផ្លាស់ប្តូរជើងយន្តហោះទៅយន្តហោះផ្សេង ហើយបានបន្តជើងហោះហើរមកជាក្រោយ? ពួកគេនៅតែអាចចូលមកប្រទេសរបស់អ្នក»។
ក្រុមហ៊ុនអាកាសចរណ៍អន្តរជាតិជាង២០ បានបញ្ឈប់ការហោះហើរចូលនិងចេញពីប្រទេសចិននិងបណ្តាប្រទេសមួយចំនួនរួមទាំងសហរដ្ឋអាមេរិកផងដែរ។ ជនបរទេសដែលបានមកធ្វើទស្សនកិច្ចនៅប្រទេសចិនក្នុងរយៈពេល១៤ថ្ងៃមុន ពេលពួកគេមកដល់សហរដ្ឋអាមេរិកមិនត្រូវបានអនុញ្ញាតឱ្យចូលក្នុងប្រទេសឡើយ។
ការវិលត្រឡប់របស់ពលរដ្ឋអាមេរិកដែលបានស្ថិតនៅក្នុងខេត្តហ៊ូប៉ី ដែលជាចំណុចកណ្តាលនៃការផ្ទុះឡើងនៃវីរុសនេះ នឹងត្រូវនៅដាច់ពីគេរហូតដល់ពីរសប្តាហ៍។ អ្នកជំនាញនៅ Chatham House បាននិយាយថាកត្តាសំខាន់មួយទៀតក្នុងការបញ្ឈប់ការរីករាលដាលនៃជំងឺនេះ គឺភាពខ្លាំងនៃប្រព័ន្ធថែរក្សាសុខភាពរបស់ប្រទេសមួយ។ ដូច្នេះអ្នកជំងឺដែលអាចបង្ហាញរោគសញ្ញាអាចត្រូវបានត្រួតពិនិត្យនិងព្យាបាលភ្លាមៗ៕
ប្រភព ៖ scmp , កែសម្រួលដោយ ៖ សំណាង
ចែករំលែកព័តមាននេះ