បុរសវ័យ៣០ឆ្នាំម្នាក់មកពី Sheffield ថ្មីៗនេះបានធ្វើឱ្យជាប់នៅក្នុងព័ត៌មាននៅចក្រភពអង់គ្លេស ដោយសារតែការចំណាយប្រាក់៤២៥ផោន ដើម្បីជួលផ្ទាំងប៉ាណូនៅលើផ្លូវមមាញឹកមួយក្នុងទីក្រុង Manchester ដោយសង្ឃឹមថានឹងអាចរកសង្សារបាន ។ Mark Rofe…
បុរសវ័យ៣០ឆ្នាំម្នាក់មកពី Sheffield ថ្មីៗនេះបានធ្វើឱ្យជាប់នៅក្នុងព័ត៌មាននៅចក្រភពអង់គ្លេស ដោយសារតែការចំណាយប្រាក់៤២៥ផោន ដើម្បីជួលផ្ទាំងប៉ាណូនៅលើផ្លូវមមាញឹកមួយក្នុងទីក្រុង Manchester ដោយសង្ឃឹមថានឹងអាចរកសង្សារបាន ។
Mark Rofe បាននៅលីវអស់រយៈពេលមួយឆ្នាំហើយ ។ ការប្រើកម្មវិធីណាត់ជួបតាមអ៊ីនធើណេតហាក់បីដូចជាមិនមានប្រសិទ្ធភាពសម្រាប់គាត់ឡើយ ។ ដូចនេះហើយ គាត់បានសម្រេចចិត្តជួលផ្ទាំងប៉ាណូ ។ ក្រោយពីដាក់បានពីរបីថ្ងៃគាត់ត្រូវបានទាក់ទងដោយមនុស្ស១០០នាក់រួចបាត់ទៅហើយ ។ អ្វីដែលមិនសូវសប្បាយចិត្តគឺមនុស្សស្ទើរតែពាក់កណ្តាលគឺជាមនុស្សប្រុស ។
គាត់បាននិយាយថា ៖«ខ្ញុំបាននិយាយជាមួយមិត្តរួមការងាររបស់ខ្ញុំថា ខ្ញុំកំពុងតែពិបាករកសង្សារតាមអ៊ីនធើណេត ។ ខ្ញុំសួរគេថា តើគួរតែដាក់ផ្សព្វផ្សាយលើប៉ាណូឬអត់ ។ គេក៏បាននាំគ្នាសើច»។
គាត់បានបន្តថា ៖ «អ្នកខ្លះគិតថាខ្ញុំចំណាយច្រើនលើការផ្សព្វផ្សាយនេះ។ តែសម្រាប់ខ្ញុំ គឺវាថោកទេ។ ខ្ញុំធ្វើវាឱ្យមើលទៅគួរឱ្យចង់សើច ដូចនេះគេមិនអាចថាខ្ញុំជាមនុស្សដាច់ដាបចង់បានសង្សារខ្លាំងពេកនោះទេ»។
នៅលើផ្ទាំងប៉ាណូនោះ Mark បានសរសេរថា ៖ «នៅលីវមែនទេ0x017d7 យក Mark ធ្វើជាសង្សារ ។ នេះអាចជាអ្វីដែលអ្នកកំពុងតែចង់បាន។ ចូលមើលវេបសាយ DatingMark.co.uk»។ នៅលើវេបសាយនោះ Mark បានរៀបរាប់ថា លោកគឺជាបុរសសង្ហារ និងដាក់ខ្លួន ព្រមទាំងមានម្រាមដៃវែងល្អ និង អាចថើបមនុស្សស្រីម្តងបានច្រើនជាង៣នាក់ ។
Mark បាននិយាយថាគាត់ងាកទៅជួលផ្ទាំងប៉ាណូ ព្រោះការណាត់ជួបតាមអ៊ីនធើណេតមិនសូវជាឱ្យផល ហើយមិត្តភក្តិរបស់គាត់សុទ្ធតែបានរៀបការរួចអស់ហើយនៅឡើយតែគាត់ ៕
ប្រភព ៖ odditycentral , កែសម្រួលដោយ ៖ សំណាង
ចែករំលែកព័តមាននេះ