ប្រទេសចិន ៖ នៅពេលដែលប្រទេសចិនកំពុងតែប្រយុទ្ធប្រឆាំងនឹងការផ្ទុះឡើងនៃវីរុសកូរ៉ូណា កីឡាកររត់ប្រណាំជនជាតិចិនដែលមិនអាច ឬមិនចង់ចាកចេញពីផ្ទះរបស់ពួកគេកំពុងស្វែងរកវិធីច្នៃប្រឌិតកាន់តែខ្លាំងឡើងៗដើម្បីរត់នៅក្នុងផ្ទះ ។ មនុស្សជាច្រើនចែករំលែករឿងរ៉ាវកំប្លែងនេះតាមអ៊ីនធើណេតដែលបានទាញការគាំទ្រ និងការលើកទឹកចិត្តពីទង្វើទាំងនេះ ។
ជើងខ្លាំងក្នុងសហគមន៍រត់ប្រណាំង Pan Shancu មកពីហាំងចូវលោក Pan ធ្វើការជាអ្នកព្យាបាលសុខភាពតាមវេជ្ជសាស្ត្រចិន និងជាអ្នករត់ម៉ារ៉ាតុងដ៏ពូកែម្នាក់ ដែលអាចរត់បានរយៈពេល២ម៉ោង៥៩នាទី ។ ស្រាប់តែនៅពេលនេះ គាត់បានធ្វើរឿងចម្លែកមួយ ដោយរត់នៅក្នុងបន្ទប់ដេករបស់ខ្លួនដល់ទៅ ៦២៥០ជុំ ព្រោះតែមិនហ៊ានចេញទៅក្រៅផ្ទះ ។
គាត់បានសរសេរថា៖«ខ្ញុំមិនបានទៅខាងក្រៅផ្ទះជាច្រើនថ្ងៃមកហើយ ។ ខ្ញុំមិនអាចអង្គុយស្ងៀមតទៅទៀតទេ ។ ខ្ញុំបានហ្វឹកហាត់រត់នៅក្នុងបន្ទប់ជាច្រើនជុំ ដែលមានចម្ងាយសរុប៥០គីឡូម៉ែត្រ»។ នៅក្នុងការបង្ហោះ Weibo របស់គាត់ គាត់បានបញ្ចូលវីដេអូអំពីខ្លួនគាត់កំពុងរត់ហ្វឹកហាត់ ។
ការធ្វើរឿងមិនងាយមានបែបនេះ បានធ្វើឱ្យមនុរ្សជាង ២៦០០០នាក់ មកមើលវីឌីអូរបស់គាត់ ។ លោក Pan បានពន្យល់ថាគាត់មិនធ្វើឱ្យមានសម្លេងរំខាននៅពេលកំពុងរត់ទេ ពីព្រោះគាត់ថ្នមជើងមែនទែន ៕
ប្រភព ៖ scmp , កែសម្រួលដោយ ៖ សំណាង
ចែករំលែកព័តមាននេះ