ADផ្ទាំងផ្សព្វផ្សាយពាណិជ្ជកម្ម

ស្តែងៗ! បាក់ដងសន្ទូចសង្កត់ពីលើរថយន្តរបស់ស្ថានទូតអាមេរិក (វីដេអូ)

4 ឆ្នាំ មុន

ភ្នំពេញ
០៤ ខែ កុម្ភៈ ឆ្នាំ ២០២០ ម៉ោង ១៦:២៦

រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា សម្ថកិច្ចបានចាប់ខ្លួនបុរសជាមេការជនជាតិចិន២នាក់ និងបុរសខ្មែរម្នាក់ដែលជាអ្នកបើកបរអាហ្គ្រែន ក្រោយពីធ្វើការដោយខ្វះការប្រុងប្រយ័ត្នក្នុងការដ្ឋានសំណង់មួយកន្លែង ហើយបានបាក់ដងសន្ទូចសង្កត់ពីលើរថយន្តរបស់ស្ថានទូតអាមេរិក១គ្រឿងរងការខូចខាត និងធ្វើឱ្យយស្ត្រីជាមន្ត្រីរបស់ស្ថានទូតអាមេរិកម្នាក់រងរបួស បង្កឱ្យមានការភ្ញាក់ផ្អើលកាលពីម៉ោង៨ព្រឹកថ្ងៃទី៤ ខែ…

បើតាមប្រភពពីនគរបាលបានប្រាប់ឱ្យដឹងថា បុរសទាំង៣នាក់ខាងលើនេះ ១-ឈ្មោះ FAN YUA HANG ជនជាតិចិន អាយុ៤០ឆ្នាំ មុខរបរជាអ្នកគ្រប់គ្រងការដ្ឋានសំណង់ ២-ឈ្មោះ ZHANG JIN ZHU ជនជាតិចិន អាយុ៥០ឆ្នាំ មុខរបរប្រធានផ្នែកបុកគ្រឹះ ទាំងពីរនាក់ស្នាក់នៅដីឡូតិ៍គ្មានលេខ ផ្លូវលេខ៧៨ ក្នុងសង្កាត់ទន្លេបាសាក់ ខណ្ឌចំការមន រីឯបុរសទី៣ជាជនជាតិខ្មែរមិនបានស្គាល់អត្តសញ្ញាណនោះទេ។ ចំណែកឯជនរងគ្រោះមានឈ្មោះ JESSICA MOONING អាយុ៣៧ឆ្នាំ មុខរបរជាមន្ត្រីទូតអាមេរិក ស្នាក់នៅ ក្នុងសង្កាត់ទន្លេបាសាក់ ខណ្ឌចំការមន។

នគរបាលបន្តថា មុនកើតហេតុ ខណៈពេលការដ្ឋានសំណង់ខាងលើ កំពុងតែដំណើរការបុកគ្រឹះនៅក្នុងការដ្ឋានរបស់ខ្លួនជាធម្មតា ដោយមានគ្រឿងចក្រជាច្រើនគ្រឿង និងអាហ្គ្រែន១គ្រឿងកំពុងតែស្ទូចដែកពុម្ពសសរគ្រឹះខាងក្នុងផងដែរ។ ហើយខណៈដែលមានគ្រឿងចក្រជាច្រើនគ្រឿង និងអាហ្គ្រែនមួយគ្រឿងកំពុងតែស្ទូចដែកពុម្ពសសរគ្រឹះនៅខាងក្នុងការដ្ឋាននោះ ក៏ស្រាប់តែបាក់ដងសន្ទូចមកលើផ្លូវ ហើយក៏ត្រូវលើរថយន្តពណ៌សមួយគ្រឿង ដែលកំពុងតែបើកបរលើផ្លូវនោះ បណ្តាលឱ្យក្រពឹតដំបូល និងបែកកញ្ចក់ ថែមទាំងបណ្តាលឱ្យស្ត្រីជ មន្ត្រីស្ថានទូតម្នាក់រងរបួសត្រង់ដៃ និង ផ្ទៃមុខស្រាលផងដែរ។

ក្រោយពេលកើតហេតុ ស្ត្រីជាមន្ត្រីរបស់ស្ថានទូតត្រូវបានគេបញ្ជូនយកទៅព្យាបាល ចំណែកឯបុរសជាមេការជនជាតិចិន និងបុរសជនជាតិខ្មែរជាអ្នកបញ្ជាអាហ្គ្រែនស្ទូចទាំង ៣នាក់ ក៏ត្រូវកម្លាំងសមត្ថកិច្ចធ្វើការចាប់ឃាត់ខ្លួនបញ្ជូនយកទៅកាន់ស្នងការនគរបាលរាជធានីភ្នំពេញ ដើម្បីចាត់ការទៅតាមផ្លូវច្បាប់ ចំណែកឯការដ្ឋានសំណង់ខាងលើក៏ត្រូវបានគណៈកម្មការចម្រុះចុះមកធ្វើការបិទការដ្ឋានផងដែរ។ (កែសម្រួលដោយ ៖ បុប្ផា)