ការចរចាលើប្រាក់ខែជារឿងគួរឲ្យខ្លាចមួយសម្រាប់មនុស្សជាច្រើនដែលកំពុងតែធ្វើការ ។ ជាក់ស្តែង វាមិនមែនជាអ្វីដែលមិនអាចកើតមានឡើងទាំងស្រុងទេ តែវាអាស្រ័យទៅតាមស្ថានការរបស់មនុស្សខុសៗគ្នា ។ ដូច្នេះ តើធ្វើយ៉ាងដូចម្តេចទើបអ្នកអាចដឹងថា ពេលណាមួយជាពេលល្អក្នុងការទាមទារឡើងប្រាក់ខែ ?…
ការចរចាលើប្រាក់ខែជារឿងគួរឲ្យខ្លាចមួយសម្រាប់មនុស្សជាច្រើនដែលកំពុងតែធ្វើការ ។ ជាក់ស្តែង វាមិនមែនជាអ្វីដែលមិនអាចកើតមានឡើងទាំងស្រុងទេ តែវាអាស្រ័យទៅតាមស្ថានការរបស់មនុស្សខុសៗគ្នា ។ ដូច្នេះ តើធ្វើយ៉ាងដូចម្តេចទើបអ្នកអាចដឹងថា ពេលណាមួយជាពេលល្អក្នុងការទាមទារឡើងប្រាក់ខែ ?
១. ពេលដែលអ្នកមានជម្រើសដទៃ៖
ច្បាប់មូលដ្ឋានមួយនៃការចរចាលើប្រាក់ខែ គឺអ្នកមានអំណាចច្រើនពេលដែលអ្នកដឹងថា ពួកគេត្រូវការអ្នក ។ ដូច្នេះប្រសិនបើអ្នកមានជម្រើសការងារច្រើនដែលចង់បានអ្នកឲ្យចូលរួមនោះ អ្នកអាចយកឱកាសនេះ ដើម្បីទាមទារប្រាក់ខែបន្ថែមពីកន្លែងធ្វើការសព្វថ្ងៃ ឬកន្លែងការងារថ្មីជាដើម ។ កត្តាដែលសំខាន់ គឺអ្នកមិនគួរប្រញាប់សម្រេចចិត្តពេកឡើយ និងធ្វើការពិចារណាឲ្យបានដិតដល់ ។
២. ពេលអ្នកមើលឃើញតម្លៃខ្លួនរបស់អ្នកនៅកន្លែងធ្វើការ៖
ចំណុចមួយចំនួនដែលអ្នកត្រូវចងចាំ គឺក្រុមហ៊ុនរបស់អ្នកមិនខ្វល់ពីថ្លៃជួលផ្ទះ ថ្លៃទឹកថ្លៃភ្លើង និងថ្លៃចំណាយលើកូនៗរបស់អ្នកឡើយ ។ អ្វីដែលពួកគេចាប់អារម្មណ៍ គឺលទ្ធផលដែលអ្នកអាចយកទៅឲ្យក្រុមហ៊ុនតែប៉ុណ្ណោះ ។ ដូច្នេះប្រសិនបើអ្នកចង់ទាមទារប្រាក់ខែបន្ថែម អ្នកគួរតែបង្ហាញពីតម្លៃខ្លួនរបស់អ្នកក្នុងក្រុមហ៊ុន ដើម្បីប្រាប់ដល់ពួកគេថា អ្នកពិតជាសាកសមក្នុងការទទួលបានប្រាក់ខែបន្ថែមពិតមែន ។
៣. ពេលដែលចំនួនអ្នកទទួលបានធ្វើឲ្យអ្នកស្អប់ការងារអ្នក ៖
ប្រាកដណាស់ លុយមិនគួរជាកត្តាតែមួយដែលធ្វើឲ្យអ្នកស្អប់ ឬស្រលាញ់ការងារខ្លួនឡើយ ប៉ុន្តែវាអាចជាកត្តាមួយដែលជះឥទ្ធិពលលើអារម្មណ៍របស់អ្នកពេលដែលទៅធ្វើការជារៀងរាល់ថ្ងៃដែរ ។ ដូច្នេះប្រសិនបើចំនួនលុយដែលអ្នកទទួលបានធ្វើឲ្យអ្នកខឹង អាក់អន់ចិត្ត និងគិតច្រើនអស់រយៈពេលជាយូរណាស់មកហើយ អ្នកគួរតែចាប់ផ្តើមចរចាឡើងវិញជាមួយនឹងក្រុមហ៊ុន និងប្រាប់ពីទស្សនៈរបស់អ្នក ។
៤. ពេលដែលអ្នកសម្ភាសចូលធ្វើការដំបូង៖
ខណៈនេះជាស្ថានការ និងឱកាសល្អបំផុតសម្រាប់មនុស្សម្នាក់ក្នុងការចរចាលើប្រាក់ខែរបស់ពួកគេឡើងវិញ ប៉ុន្តែមនុស្សជាច្រើនបានប្រព្រឹត្តិខុសពេលដែលពួកគេលឺចំនួនប្រាក់ខែដែលខ្លួនមិនពេញចិត្ត និងមិនទុកឱកាសឲ្យក្រុមហ៊ុននោះបន្ត ។ ពេលដែលអ្នកឮចំនួនប្រាក់ខែដែលខាងក្រុមហ៊ុនថ្មីស្នើដាក់លើតុឲ្យអ្នកហើយ ប្រសិនបើអ្នកមិនពេញចិត្ត អ្នកគួរតែឆ្លើយតបវិញជាមួយនឹងចំនួនដែលអ្នករំពឹងទុកនិងចាប់ផ្តើមការចរចាគ្នា មិនមែនដើរចេញទៅទាំងស្រុងទេ ៕ កែសម្រួលដោយ ៖ សុឃាក់
ចែករំលែកព័តមាននេះ