ផ្ទុះ​ជំងឺ​កូ​រ៉ូ​ណា​ធ្វើ​ឱ្យ​សាលា​មួយ​ចំនួន​បង្ខំចិត្ត​បិទទ្វារ​ពន្យា​ពេល​ចូល​រៀន


តៃប៉ិ ៖ ការ​ចូល​កង​របស់​មហាវិទ្យាល័យ និង​សាកលវិទ្យាល័យ​នៅ​កោះ​តៃវ៉ាន់ បន្ទាប់​ពី​ការ​សម្រាក​រដូវរងារ ត្រូវ​បាន​ពន្យារពេល​ទៅ​ក្រោយ​ថ្ងៃ​ទី​២៥ ខែកុម្ភៈ ក្នុង​កិច្ច​ប្រឹងប្រែង​មួយ ដើម្បី​ប្រយុទ្ធ​ប្រឆាំង​នឹង​ការ​រីក​រាលដាល​នៃ​វីរុស​ឆ្លង ដែល​មាន​ដើម​កំណើត​នៅ​ទីក្រុង​វូ​ហាន​របស់​ប្រទេស​ចិន​។ នេះ​ជា​ការ​ប្រកាស​របស់​មជ្ឈមណ្ឌល​បញ្ជាការ​រីក​រាលដាល​កណ្តាល (CECC) កាលពី​ថ្ងៃ​ចន្ទ​។

ទន្ទឹម​នឹង​នេះ​ដែរ កោះ​តៃវ៉ាន់​ធ្លាប់​បាន​ពន្យារពេល​ការ​ចូល​រៀន​របស់​និស្សិត​ចិន​ដែល​កំពុង​សិក្សា​នៅ​ទី​នេះ រយៈពេល​២ ស​ប្តា​ហ៍​គឺ​ចាប់ពី​ថ្ងៃ​ទី​២៦ ខែមករា ដល់​ថ្ងៃ​ទី​៩ ខែកុម្ភៈ ហើយ​ពេល​នេះ​នឹង​ត្រូវ​ពន្យារពេល​បន្ថែម​ទៀត នេះ​បើ​យោង​តាម CECC បន្ទាប់​ពី​បាន​អនុម័ត​លើ​សំណើ​របស់​ក្រសួង​អប់រំ​។

ដើម្បី​ការពារ​សិទ្ធិ​របស់​និស្សិត​ចិន ក្រសួង​អប់រំ​នឹង​ផ្តល់​ប្រាក់​ឧបត្ថម្ភ​ដល់​សាលារៀន​ដើម្បី​បង្កើត​យន្តការ​ដើម្បី​ផ្តល់​ឱ្យ​សិស្ស​នូវ​ជំរើស​ជា​ច្រើន សម្រាប់​ការ​ទទួលយក​វគ្គ​សិក្សា​ដែល​អាច​បត់បែន​បាន ដូច​ជា​ការ​ធ្វើ​ស​ន្និ​សិ​ទវី​ឌី​អូ​ពី​គ្រូ​ទៅ​កាន់​ផ្ទះ​របស់​និស្សិត​។ នេះ​បើ​តាម​សម្តី​របស់​រដ្ឋមន្ត្រីក្រសួង​អប់រំ Pan Wenchung​។

វិធានការ​នេះ​បាន​ធ្វើ​ឡើង បន្ទាប់​ពី CECC បាន​ប្រកាស​មួយ​ថ្ងៃមុន​នេះ​ថា ការ​បើក​សាលារៀន​នៅ​កោះ​តៃវ៉ាន់​នៅ​កម្រិត​វិទ្យាល័យ នឹង​ត្រូវ​ពន្យារពេល ២​ស​ប្តា​ហ៍​។ សាលារៀន​នឹង​មិន​បើក​វិញ​ទេរ​ហូត​ដល់​ថ្ងៃ​ទី​២៥ ខែកុម្ភៈ​។ ក្រសួង​អប់រំ​និង​តំណាង​ស្ថាប័ន​អប់រំ​ឧត្តម​សិក្សា​នៅ​ទូ​ទាំង​ប្រទេស បាន​ឈាន​ដល់​ការ​ព្រមព្រៀង​គ្នា​នៅ​ឯ​កិច្ចប្រជុំ​មួយ​កាលពី​ថ្ងៃ​ចន្ទ​ថា ការ​ឈប់​សម្រាក​រដូវរងា​គួរតែ​ត្រូវ​បាន​បន្លាយពេល ដើម្បី​ការពារ​ការ​រីក​រាលដាល​នៃ​វីរុស​ឆ្លង​កូ​រ៉ូ​ណា​ថ្មី (2019-nCoV)​។ នេះ​បើ​យោង​តាម​សម្តី​លោក Michael Chen សាកល​វិទ្យា​ធិ​ការ​នៃ​សាកលវិទ្យាល័យ Shih Chien​។ មហាវិទ្យាល័យ​និង​សាកលវិទ្យាល័យ​ត្រូវ​បាន​គេ​គ្រោង​នឹង​បើក​នៅ​ថ្ងៃ​ទី​១០ ខែកុម្ភៈ ឬ​ថ្ងៃ​ទី​១៧ ខែកុម្ភៈ ប៉ុន្តែ​ឥឡូវនេះ​គេ​រំពឹង​ថា​នឹង​បើក​នៅ​ថ្ងៃ​ទី​២ ខែមីនា ។

នៅ​ល្ងាច​ថ្ងៃ​ចន្ទ សាលា​មួយ​ចំនួន​រួម​មាន​សាកលវិទ្យាល័យ​ជាតិ​តៃវ៉ាន់​សាកលវិទ្យាល័យ​ជាតិ​តៃវ៉ាន់​ទូទៅ សាកលវិទ្យាល័យ​ជាតិ​តៃវ៉ាន់​នៃ​វិទ្យាសាស្ត្រ​និង​បច្ចេកវិទ្យា សាកលវិទ្យាល័យ​ជាតិ​ឆៅ​ទុង សាកលវិទ្យាល័យ​ជាតិ​ស៊ី​ង​ហួ សាកលវិទ្យាល័យ​ជាតិ​យ៉ាង​យ៉ាង សាកលវិទ្យាល័យ​យ៉ាង​យ៉ាង សាកលវិទ្យាល័យ​ជាតិ​ចេ​ង​កុង សាកលវិទ្យាល័យ​ជាតិ​តៃវ៉ាន់​មហាសមុទ្រ សាកលវិទ្យាល័យ​ហ្វុ​ង​ឈី សាកលវិទ្យាល័យ I-Shou និង​សាកលវិទ្យាល័យ Shih Hsin បាន​ប្រកាស​ថា ពួក​គេ​នឹង​បើក​ដំណើរការ​វិញ​នៅ​ថ្ងៃ​ទី​២ ខែមីនា​។

មេរោគ​ឆ្លង​កូ​រ៉ូ​ណា​ថ្មី (2019-nCoV) មាន​ដើម​កំណើត​នៅ​ទីក្រុង​វូ​ហាន​ប្រទេស​ចិន បាន​រាលដាល​ដល់ ២៤​ប្រទេស ដែល​កំពុង​ប្រកាស​អាសន្ន​ពី​អាជ្ញាធរ​សុខភាព​សាធារណៈ​នៅ​ទូ​ទាំង​ពិភពលោក​។ តៃវ៉ាន់​មាន​ករណី​ចំនួន​១០ ដែល​បញ្ជាក់​ពី​ការ​ឆ្លង​វីរុស​នេះ ៕

ប្រភព ៖ focustaiwan , កែសម្រួល​ដោយ ៖ សំណាង

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ