រាជធានីភ្នំពេញ ៖ ក្រសួងការបរទេស និងសហប្រតិបត្តិការកម្ពុជាបានអះអាងថា មកដល់ពេលនេះគ្មានប្រជាជនខ្មែរក៏ដូចជា សិស្ស និស្សិតកម្ពុជារស់នៅប្រទេសចិនឆ្លងជំងឺកូរ៉ូណានោះទេ ។ យោងតាមការចេញផ្សាយរបស់ក្រសួងការបរទេសស្តីពីការពាក់ព័ន្ធនឹងសភាពការណ៍វិវឌ្ឍនៃនៅសាធារណរដ្ឋប្រជាមានិតចិនថា កន្លងមករាជរដ្ឋាភិបាលកម្ពុជាបានតាមដានដោយយកចិត្តទុកដាក់នៃការណ៍វិវត្តនៃការរាលដាលជំងឺឆ្លងកូរ៉ូណា ។
ក្រសួងការបរទេស និងសហប្រតិបត្តិការ អន្តរជាតិ និងបណ្តាស្ថានតំណាងនៅសាធារណរដ្ឋប្រជាមានិតបានធ្វើការទាក់ទងយ៉ាងជិតស្និទ្ធ និងក្រសួងការបរទេស ដើម្បីតាមដាននៃសុខុមាលភាពរបស់ប្រជាជន ជាពិសេសនិស្សិតខ្មែរដែលកំពុងរស់នៅក្នុងប្រទេសចិន ។ ទន្ទឹមនឹងការផ្តល់ទំនុកចិត្តលើចំណាត់ការប្រកបដោយទទួលខុសត្រូវរបស់អាជ្ញាធរចិន ក្រសួងការ និងសហប្រតិបត្តិការបានណែនាំឱ្យស្ថានតំណាងព្រះរាជណាចក្រកម្ពុជាប្រចាំសាធារណរដ្ឋប្រជាមានិតចិនទាក់ទងជាប្រចាំជាមួយនឹងអាជ្ញាធររបស់ចិន ដើម្បីផ្ញើជូននិស្សិតខ្មែរនូវគ្រឿងបរិភោគ និងអនាម័យចាំបាច់នានា ។
ក្រសួងការបរទេស និងសហប្រតិបត្តិការក៏បានទទួលការបញ្ជាក់ប្រកបដោយភាពកក់ក្តៅដោយថាសាកលវិទ្យាល័យចិនបានឧបត្ថម្ភស្បៀង និងសម្ភារៈនានាដល់និស្សិត ហើយបានសំណូមពរអោយអនុវត្ត និងគោរពតាមវិធានការ និងទប់ស្កាត់ដែលអាជ្ញាធរ ដើម្បីធានានូវសុវត្ថិភាព និងសុខភាពផ្ទាល់ខ្លួននិងសាធារណៈផង ។ ក្រសួងបានបញ្ជាក់ថា៖«មកដល់បច្ចុប្បន្នពុំមានករណីឆ្លងមេរោគនេះក្នុងស្មារតីយកចិត្ត និងតាមដានសុខុមាលភាព ជាពិសេសនិស្សិតខ្មែរ និងសិក្សានៅប្រទេសចិនទេ» ។
ក្នុងស្មារតីយកចិត្តទុកដាក់ជួយឧបត្ថម្ភ និងតាមដានសុខុមាលភាពរបស់ពលរដ្ឋយើងជាពិសេសនិស្សិតខ្មែរដែលកំពុងស្នាក់នៅ និងសិក្សានៅប្រទេសចិន ក្រសួងការបរទេសសហប្រតិបត្តិការនិងស្ថានតំណាងកម្ពុជានៅសាធារណរដ្ឋប្រជាមានិតចិនបានបង្កើត WeChat ជាមួយនិស្សិតខ្មែរនៅប្រទេសចិនដើម្បីសម្រួលដល់ដល់ទំនាក់ទំនង និងការផ្តល់ព័ត៌មានបានទាន់ពេលវេលា ។ ជាមួយគ្នាក្រសួងបានឲ្យដឹងទៀតថា ក្រសួងក៏បានរៀបចំជាប្រព័ន្ធទូរស័ព្ទដល់មាតាបិតា ឬអាណាព្យាបាលនិស្សិតដែលកំពុងស្នាក់នៅប្រទេសចិនផងដែរ ៕
ចែករំលែកព័តមាននេះ