ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ខណៈពេលដែលកំពុងបើកការដ្ឋានស្តារបារាយមេប្រាសាទបុណ្យនោះ ក៏ប្រទះឃើញតោទំងន់ជិត១តោនដែលមានអាយុមិនតិចជាងរយឆ្នាំ ដែលត្រូវបានយកចេញពីក្នុងដីនៅថ្ងៃទី០៣ ខែកុម្ភៈ ឆ្នាំ២០២០ ស្ថិតឃុំបន្ទាយឆ្មា ស្រុកថ្មពួក។…
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ខណៈពេលដែលកំពុងបើកការដ្ឋានស្តារបារាយមេប្រាសាទបុណ្យនោះ ក៏ប្រទះឃើញតោទំងន់ជិត១តោនដែលមានអាយុមិនតិចជាងរយឆ្នាំ ដែលត្រូវបានយកចេញពីក្នុងដីនៅថ្ងៃទី០៣ ខែកុម្ភៈ ឆ្នាំ២០២០ ស្ថិតឃុំបន្ទាយឆ្មា ស្រុកថ្មពួក។
បើតាមមន្ត្រីក្រុមការងារការដ្ឋានបានប្រាប់ថា ក្រោយពេលលោកជំទាវ ម៉ៅ ម៉ាល័យ ដែលជាភរិយាលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារចុះជួយខេត្ត បានរៀបចំស្តារបារាយមេប្រាសាទមេបុណ្យ ដែលការបើកការដ្ឋាននេះនាថ្ងៃទី០២ ខែកុម្ភៈ ឆ្នាំ២០២០កន្លងទៅ ក្រុមបច្ចេកទេសបានជីកដីដើម្បីស្តារ ស្រាប់តែប្រទះឃើញតោដែលគេគប់ក្នុងដីបារាយប្រាសាទមេបុណ្យ មានជម្រៅជាង២ម៉ែត្រ។
មន្ត្រីដដែលបញ្ជាក់ថា ក្រោយពេលជីកប្រទះឃើញតោក្នុងបារាយប្រាសាទមេបុណ្យនោះហើយ ក្រុមការងារការដ្ឋានបានជីកឃើញតោដែលកប់ក្នុងដី ដោយជើងឡើងលើក្បាលចុះក្រោម ហើយតោនេះអាចជាតោដែលកប់ក្នុងភក់មិនតិចជាងរយឆ្នាំនោះទេ។ ក្រោយមកមន្ត្រីជំនាញបានប្រើពេលជីករយៈពេល២ថ្ងៃ ទើបអាចប្រើម៉ាស៊ីនសន្ទូចយកឡើងលើបាន ក៏ឃើញតោនេះមានរូបរាងនៅល្អស្អាតដែលធ្វើអំពីថ្មភួកមានកំពស់១.៩០ម៉ែត្រ បណ្តោយ៨៨សង់ទីម៉ែត្រ ទទឹង៧២សង់ទីម៉ែត្រ ដែលមានទំងន់ជិត១តោន។
មន្ត្រីរូបនោះបានបញ្ជាក់ថា តោដែលរកឃើញនោះ ស្ថិតនៅខាងលិច និងខាងត្បូងស្ពានភ្ញាប់និស្ស័យបារាយណ៍មេបុណ្យ ចម្ងាយពីប្រាសាទប្រមាណ៨០០ម៉ែត្រ ហើយបារាយណ៍មេបុណ្យមានបណ្តោយប្រវែង១.៧០០ម៉ែត្រ និងទទឹង៨០០ម៉ែត្រ ដែលត្រូវបានស្តារបារាយមេបុណ្យនេះឡើងវិញ ទើបប្រទះឃើញតោដែលមានអាយុមិនតិចជាងរយឆ្នាំកប់ក្នុងដី ហើយត្រូវបានកាយសន្ទូចយកឡើងមកលើ រួចក្រុមការងារធ្វើការលាងសំអាត និងរក្សាទុកនៅក្បែរកន្លែងប្រទះឃើញនោះ។
មន្ត្រីបានបញ្ជាក់ថា តោដែលរកឃើញនេះ មានចំនួន៤ ហើយមានតោចំនួន៣ ត្រូវបានរកឃើញនៅប្រាសាទបន្ទាយឆ្មារ ដែលតោទាំង៣គឺបាក់បែកទៅហើយ ចំណែកតោដែលរកឃើញនៅបាយរាយណ៍មេបុណ្យនាពេលនេះ ល្អស្អាតរូបរាងដូចស្តេចតោ ហើយមានតោចំនួន២ទៀត ដែលទុកនៅសាលាស្រុកថ្មពួក ដែលជាតោនៅបារាយណ៍ប្រាសាទមេបុណ្យដែលត្រូវបានយកទៅរក្សាទុកនាសម័យសង្គ្រាម ដោយខា្លចជនខិលខូចលួចទៅបាត់។
ទើបពេលនេះលោកជំទាវ ម៉ៅ ម៉ាល័យ ភរិយាលោកឧបនាយករដ្ឋមន្ត្រី កែ គឹមយ៉ាន និងយកតោ២នៅសាលាស្រុកថ្មពួក មកទុកជុំគ្នាជាមួយតោដែលរកឃើញ និងនិមន្តព្រះសង្ឃប្រោះព្រហ្មសុំសេចក្តីសុខសេចក្តីចំរើន និងសន្តិភាព៕ (កែសម្រួលដោយ ៖ បុប្ផា)
ចែករំលែកព័តមាននេះ