រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានថ្លែងក្នុងពិធីសំណេះសំណាលជាមួយប្រពលរដ្ឋ និងពលករ សិស្ស និស្សិត នៅក្នុងប្រទេសកូរ៉េប្រមាណជាង១ពាន់នាក់…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានថ្លែងក្នុងពិធីសំណេះសំណាលជាមួយប្រពលរដ្ឋ និងពលករ សិស្ស និស្សិត នៅក្នុងប្រទេសកូរ៉េប្រមាណជាង១ពាន់នាក់ នារសៀលថ្ងៃទី០៣ ខែកុម្ភៈ ឆ្នាំ២០២០ បានអះអាងថា សម្តេចតេជោទៅទីណា ជាពិសេសនោះនៅក្រៅប្រទេសមានអ្នកស្វាគមន៍ច្រើនជាក្រុមប្រឆាំង ។
សម្តេចបានបន្តថា ៖«ម្សិលថ្ងៃឈប់ ខ្ញុំស្មានតែមានបាតុកម្ម ឬមនុស្សច្រើនជន់លិចទីក្រុងសេអ៊ូលទៅហើយ ។ តែមិញនេះខ្ញុំបើកមើលហ្វេសប៊ុកគេបញ្ជូលមកមានអ្នកស្រែកមួយ ហើយមានអ្នកស្រែកពីក្រោយដោយស្រែកយ៉ាងតឹកលិកៗប៉ុន្មាននាក់ ហើយមកធ្វើបាតុកម្មប្រឆាំងហ៊ុន សែន នោះមិនអាចទៅរួចទេ» ។ សម្តេចតេជោបានបន្តថា ស្ថានភាពដូចជា មានភាពខុសគ្នាឆ្ងាយទោះបីគេបើកឲ្យធ្វើតែមានចំនួនតិចយ៉ាងនឹងធ្វើអ្វីកើត ជាក់ស្តែងកាលពីម្សិលមិញថ្ងៃឈប់គួរមានមនុស្សច្រើន ។
សម្តេចបានបញ្ជាក់ថា ៖«ខ្ញុំញូយ៉ក ទឹកដីអាមេរិកក៏នៅតែមានអ្នកស្វាគមន៍ហ៊ុន សែន ច្រើនជាង ! ទៅបារាំងក៏មានអ្នកស្វាគមន៍ហ៊ុន សែនច្រើនជាង ! ទៅប៊ែលហ្វ្សិកក៏មានអ្នកស្វាគមន៍ហ៊ុន សែន ច្រើនជាង ! តែលើកលែងទីក្រុងហ្ស៊ឺណែវទេ ពួកបាតុករធ្វើបាតុកម្មអត់មានទាល់តែសោះ មិនដឹងឆុងអ្វីទេ0x017d7» ។ សម្តេចតេជោ ក៏បានលើកឡើងថា កាលទៅទីក្រុងហ្ស៊ឺណែវលើកក្រោយ ទាល់តែ ហ៊ុន សែន ចេញបាត់ទើបមានបាតុកម្មកើតឡើង ។ តែបាតុកម្មនេះមិនមានលទ្ធផលអ្វីទេ ។
សម្តេចតេជោបានបន្ថែមថា សម្រាប់កម្មករ សិស្ស និស្សិត និងប្រជាពលរដ្ឋដែលមានប្តីប្រពន្ធជាជនជាតិកូរ៉េមកដល់ពេលនេះមានបញ្ហានោះ គឺសឹងនិយាយដន្លងនឹងគ្នាទៅហើយ ។ សម្តេចបានគូសបញ្ជាក់ថា ៖«កម្ពុជា និងកូរ៉េ បច្ចុប្បន្ននេះសឹងជាដន្លងនឹងទៅហើយដោយទាំងស្ត្រី និងបុរសមានប្រមាណជាង៨ពាន់នាក់ដែលមានគ្រួសារជាកូរ៉េ បើអីញ្ចឹងកូនឡើងជា១ម៉ឺននាក់ហើយ» ។
ជាមួយគ្នានោះដែរ សម្តេចក៏បានឲ្យដឹងថា សម្តេចក៏បានជួបពិភាក្សាជាមួយនាយករដ្ឋមន្ត្រីកូរ៉េ ដោះស្រាយបញ្ហាកូនៗ ចៅដែលជាកូនកាត់ដែលគេចេះទាំងភាសារខ្មែរផង និងកូរ៉េផង ។ សម្តេចបានបន្តថា ការទំនាក់ទំណងកម្ពុជា-កូរ៉េ បានធ្វើទំនាក់ទំនងការទូតឆ្នាំ១៩៩៦មកម្លេះ ។ លោកឡុង ឌីម៉ងឯកអគ្គរាជរដ្ឋទូតកម្ពុជាប្រចាំនៅសាធារណៈរដ្ឋកូរ៉េបានឲ្យដឹងថា បច្ចុប្បន្ននេះ ទាំងប្រជាជនជាង៦ម៉ឺន៥ពាន់នាក់រស់នៅប្រទេសកូរ៉េ ៕ កែសម្រួលដោយ ៖ សុឃាក់
ចែករំលែកព័តមាននេះ