រាជធានីភ្នំពេញ ៖ អាជ្ញាធរខណ្ឌពោធិ៍សែនជ័យ ដោយមានការចូលរួមដោយអាជ្ញាធរសង្កាត់ចោមចៅទី៣ ក្រោមការដឹកនាំដោយលោកអភិបាលរងខណ្ឌប៉ាង លីដា បានចុះរៀបចំសណ្ដាប់ធ្នាប់ និងរំដោះយកចិញ្ចើមផ្លូវ ព្រមទាំងប្រឡាយអមផ្លូវជាតិលេខ៤ ដោយបានធ្វើការរុះរើតូបលក់ដូរមិនរឹងមាំជាច្រើនតូបដែលបានសង់រំលោភលើប្រឡាយចិញ្ចើមផ្លូវជាតិលេខ៤…
រាជធានីភ្នំពេញ ៖ អាជ្ញាធរខណ្ឌពោធិ៍សែនជ័យ ដោយមានការចូលរួមដោយអាជ្ញាធរសង្កាត់ចោមចៅទី
៣ ក្រោមការដឹកនាំដោយលោកអភិបាលរងខណ្ឌប៉ាង លីដា បានចុះរៀបចំសណ្ដាប់ធ្នាប់ និងរំដោះយកចិញ្ចើមផ្លូវ ព្រមទាំងប្រឡាយអមផ្លូវជាតិលេខ៤ ដោយបានធ្វើការរុះរើតូបលក់ដូរមិនរឹងមាំជាច្រើនតូបដែលបានសង់រំលោភលើប្រឡាយចិញ្ចើមផ្លូវជាតិលេខ៤ បង្កភាពអនាធិបតេយ្យ និងបាត់បង់សណ្ដាប់ធ្នាប់ចរាចរណ៍សោភ័ណភាពដងផ្លូវ ជាពិសេសទទួលរងការរិះគន់យ៉ាងខ្លាំងពីគ្រប់មជ្ឈដ្ឋានថា អាជ្ញាធរបណ្ដែតបណ្ដោយឲ្យបញ្ហាខាងលើនេះកើតឡើង ។
ប្រតិបត្តិការនេះ បានធ្វើឡើងកាលពីវេលាព្រឹកថ្ងៃទី៣ កុម្ភៈ ឆ្នាំ២០២០ នៅតាមបណ្ដោយផ្លូវជាតិលេខ៤ ចាប់ពីត្រង់ចំណុចភូមិព្រៃស្វាយ រហូតដល់ភូមិអូរដឹម ជាពិសេសមុខសាលាបឋមសិក្សាអូរដឹម សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
អាជ្ញាធរបានប្រាប់ឲ្យដឹងថា សំណង់តូបលក់ដូរដែលត្រូវធ្វើការរុះរើចេញនាពេលនោះ ជាសំណង់មិនរៀបរាយនិងគ្មានលក្ខណៈរឹងមាំនោះទេ តែបានសង់ពីឈើនិងឫស្សីប្រកតង់ហើយបាតក្រោមក្រាលដើមឫស្ស ជាតូបសម្រាប់លក់ដូរដែលបងប្អូនប្រជាពលរដ្ឋបានសង់នៅលើប្រឡាយនិងលើលើចិញ្ចើមផ្លូវជាតិលេខ៤។កន្លងមកអាជ្ញាធរមានក្ដីព្រួយបារម្ភខ្លាំងណាស់ចំពោះសុវត្ថិភាពរបស់ពួកគាត់ដែលបាននាំគ្នាមកតាំងកន្លែងរកសុីបែបនេះ ទន្ទឹមនិងការព្រួយបារម្ភនេះដែរអាជ្ញាធរចាប់ពីភូមិ សង្កាត់ រហូតដល់ខណ្ឌក៏បានសំណូមពរឲ្យពួកគាត់ដែលបានសង់រួចធ្វើការរុះរើ និងអ្នកដែលពុំទាន់សង់និងមានបំណងសង់ថ្មីកុំសង់អី ។
ប៉ុន្តែពួកគាត់មិនព្រមស្ដាប់សោះ ផ្ទុយទៅវិញអ្នកសង់រួចមិនព្រមរុះទេ ចំណែកអ្នកសង់ក្រោយនៅតែនាំគ្នាសង់ជាបន្តបន្ទាប់ទៀតទើបពេលនេះលោកអភិបាលរងខណ្ឌពោធិ៍សែនជ័យ ប៉ាង លីដា បានដឹកនាំកម្លាំងដោយនាំយកទាំងគ្រឿងចក្រទៅជាមួយផងចុះធ្វើការរុះរើចេញតែម្ដង។
ប្រភពដដែលបានបន្តថា អាជ្ញារធរមិនអាចទុកឲ្យមានសំណង់អនាធិបតេយ្យស្ថិតនៅបែបនេះបានទព្រោះវាបង្កផលប៉ះពាល់ជាច្រើនក្នុងនោះប៉ះពាល់ដល់សណ្ដាប់ធ្នាប់សាធារណៈ សណ្ដាប់ធ្នាប់ចរាចរ និងបង្កភាពអាប់អួរដល់សោភ័ណភាពផ្លូវតែម្ដង ។ដូច្នោះហើយទើបចុះធ្វើការរុះរើដើម្បីរំដោះចិញ្ចើមផ្លូវសម្រាប់ទុកជូនអ្នដំណើរថ្មើរជើងបានដើរស្រួល បញ្ចៀសនូវឧប្បត្តិហេតុគ្រោះថ្នាក់ចរាចរ ដល់បងប្អូនអ្នកដំណើរក៏ដូចជាបងប្អូនដែលជាអ្នកលក់ដូរទាំងនោះ ហើយក៏ធ្វើឲ្យដងផ្លូវស្រឡះទូលាយ ក្រៅពីនេះក៏បានរំដោះប្រឡាយអមផ្លូវជាតិនេះផងដែរ។
មិនតែប៉ុណ្ណោះក៏ធ្វើការស្ដារប្រឡាយភ្លាមៗបន្ទាប់ពីរុះរើតូចនោះរួច ព្រោះប្រឡាយនៅចំណុចនោះមានការកកស្ទះទៅដោយសម្រាមជាច្រើន ហើយអាជ្ញាធរសង្ឃឹមថាចាប់ពីពេលនេះតទៅបងប្អូនទាំងអស់និងឈប់សង់តូបនៅចំណុចនោះទៀតហើយ៕
ចែករំលែកព័តមាននេះ