រាជធាននីភ្នំពេញ ៖ សម្តេចក្រឡាហោម ស ខេង នាយករដ្ឋមន្ត្រីស្តីទី បានស្នើដល់គ្រប់អង្គការសង្គមស៊ីវិលទាំងផ្តល់ព័ត៌មានពិត ពីបង្ហាញប្រឈមនៅតាមមូលដ្ឋាន ដើម្បីដោះស្រាយបង្ហាញចៀសវាងបំប៉ោងព័ត៌មាន ។ សម្តេច ស ខេង បានលើកឡើងថា ក្នុងវេទិការស្តីពីភាពជាដៃគូរវាងរដ្ឋាភិបាល និងសង្គមស៊ីវិល លើកទី៤ នាព្រឹក ថ្ងៃទី០៣ ខែកុម្ភៈនេះ នៅទីស្តីការក្រសួងយ៉ាងដូច្នេះ ៖«រាជរដ្ឋាភិបាលស្វាគមន៍ជានិច្ច ចំពោះការផ្តល់របាយការណ៍របស់សង្គមស៊ីវិលពិតប្រាកដពីបញ្ហាប្រឈមនៅតាមមូលដ្ឋាន ដើម្បីដោះស្រាយដោយជៀសវាងបំប៉ោងព័ត៌មាន» ។
សម្តេចក៏បានឲ្យដឹងថា កន្លងមកនេះក្រសួងមហាផ្ទៃបានទទួលតែ២ករណីប៉ុណ្ណោះទាក់ទង និងការសួរនាំរបស់អាជ្ញាធរមូលដ្ឋានចំពោះអង្គការសគមន៍ស៊ីវិល គឺនៅខេត្តបាត់ដំបង និងខេត្តបន្ទាយមានជ័យ ។ ប៉ុន្តែករណីនេះត្រូវបានក្រុមការងាររបស់អន្តរក្រសួងបានធ្វើការទាក់ទងទៅអង្គការផ្ទាល់ដោយបានដោះស្រាយបានរួចរាល់ជាស្ថារព ។ សម្តេចក៏បានលើកឡើងថា កន្លងមកអង្គការសង្គមស៊ីវិលខ្លះបានលើកឡើងមានបញ្ហារាប់រយករណីយើងខ្ញុំមិនបដិសេធន៍ទេ ប៉ុន្តែមានចម្ងល់ថា ហេតុអ្វីបើមានករណីបែបនេះគាត់បានយកទៅផ្សព្វផ្សាយដោយមិនផ្ទាល់មកសមត្ថកិច្ចរបស់រាជរដ្ឋាភិបាលដោះស្រាយទៅ ។
សម្តេចបានបន្ថែមថា ការមិនផ្តល់ព័ត៌មាននេះប្រៀមដូចជា មានការលាក់លៀម ហើយមិនតម្លាភាពហើយមិនមែនជាការកសាងភាពជាដៃគូបែរជាការមើលបំណាំគ្នាទៅវិញ ។ សម្តេចបញ្ជាក់ថា ៖«យើងខ្ញុំស្វាគមន៍ព្រោះថា យើងមានយន្តការអចិន្ត្រៃយ៍ក្នុងការដោះស្រាយបញ្ហានានា ហើយមានយន្តការវេទិកាតាមមូលដ្ឋាន ដើម្បីទទួលដោះស្រាយបញ្ហា ។ អីញ្ចឹងបើពួកគាត់លាក់អីចឹងមិនដឹងដោះស្រាយយ៉ាងម៉េច0x017d7 តែបើគាត់លាតត្រដាង និងបើកចំហរ ហើយមិនដោះស្រាយនោះជាកំហុសរបស់សមត្ថកិច្ចរបស់មន្ត្រីរាជរដ្ឋាភិបាល និងកំហុសរបស់អាជ្ញាធរមានសមត្ថកិច្ច» ។
សម្តេចក៏បានលើកឡើង បើសិនសង្គមស៊ីវិលធ្វើការផ្សាយព័ត៌មានបញ្ហាទាំងរឿងពិត និងរឿងមិនពិត នោះអាចចាត់ទុកថា ជាភាពចន្លោះប្រយោង ឬស្មារតីសហការការកសាងភាពជាដៃគូររបស់អង្គការសង្គមស៊ីវិលជាមួយរដ្ឋាភិបាលមិនល្អ ។ សម្តេចសង្កត់ធ្ងន់ថា ៖«អីញ្ចឹងខ្ញុំស្នើព័ត៌មានកុំលាក់ បើមានព័ត៌មាននៅកន្លែងណាប្រាប់មក បើលាក់យើងមិនដូច្នេះដោះស្រាយបែបណា ។ ផ្ទុយទៅវិញបើគាត់ ផ្សាយបន្ទុះព័ត៌មានថា ឆ្នាំនេះមានរាប់រយករណី ។ សុំឲ្យគាត់ផ្តល់ព័ត៌មានជាក់លាក់មក តែគាត់អត់ហ៊ានផ្តល់ទេ អីញ្ចឹងបានន័យថា គាត់បំប៉ោងព័ត៌មាន ។ ខ្ញុំអាចនិយាយអីចឹងពីព្រោះថា ឲ្យគាត់បញ្ជូលនបញ្ជីបញ្ហានឹងមកយើងខ្ញុំចង់បានត្រង់នឹង» ។
សម្តេចក៏បានកំណត់ឲ្យក្រុមការងាររបស់រាជរដ្ឋាភិបាលកំណត់៦ខែម្តង ធ្វើបញ្ជីបូកសរុបពីបញ្ហាប្រឈមរបស់ប្រជាពលរដ្ឋនៅតាមមូលដ្ឋានថា អ្វីខ្លះបានដោះស្រាយ ហើយអ្វីខ្លះបានកើតឡើងបន្តដើម្បីដោះស្រាយបន្តទៀត ។ នាយករដ្ឋមន្ត្រីស្តីទីបានស្នើដោយគូសបញ្ជាក់ថា ៖«អម្នេះតទៅយើងគួរផ្តល់ព័ត៌មានឲ្យគ្នាព្រោះថា យើងសមាគមន៍ និងអង្គការមិនមែនរដ្ឋាភិបាលអាចចែកជា២ប្រភេទ គឺប្រភេទតស៊ូមតិ និងប្រភេទចូលរួមគាំទ្រកម្មវិធីរបស់រាជរដ្ឋាភិបាល» ។ សម្តេចបានបន្តថា ទោះបីជាយ៉ាងណាក្តីរាជរដ្ឋាភិបាលប្តេជ្ញាលើកទឹកចិត្តក្នុងការធ្វើកិច្ចសហប្រតិបត្តិការភាពជាដៃគូរយ៉ាងពិតប្រាកដជាមួយអង្គការសង្គមស៊ីវិលក្នុងការចូលរួមចំណែកអភិវឌ្ឍន៍សេដ្ឋកិច្ចនៅតាមមូលដ្ឋាន ។
សម្តេចក៏បានលើកឡើងថា ក្រសួងមហាផ្ទៃបានកំពុងសហការជាមួយកម្មវិធីអភិវឌ្ឍន៍នៃអង្គការសហប្រជាជាតិ ដោយមានការគាំទ្រពីស្ថានទូតជប៉ុនប្រចាំនៅកម្ពុជា ដើម្បីពង្រឹងសមត្ថភាពរបស់អង្គការសង្គមស៊ីវិល និងមន្ត្រីរាជរដ្ឋាភិបាលក្នុងការចូលរួមចំណែកពង្រីង ដំណើរលទ្ធិប្រជាធិបតេយ្យ និងការអភិវឌ្ឍន៍សេដ្ឋកិច្ចសង្គមនៅកម្ពុជា ៕
ចែករំលែកព័តមាននេះ