កីឡាករ Cristiano Ronaldo បានស៊ុតពិន័យ១១ម៉ែត្រពីរគ្រាប់ក្នុងជ័យជម្នះ៣-០របស់ Juventus លើក្រុម Fiorentina កាលពីយប់មិញ បានធ្វើឱ្យរូបគេបង្កើតកំណត់ត្រាមួយ។
បើតាមប្រភពពី BBC បានឱ្យដឹងថា ពីរគ្រាប់នេះបានធ្វើឱ្យខ្សែប្រយុទ្ធព័រទុយហ្គាល់ វ័យ៣៤ឆ្នាំរូបនេះ ក្លាយជាកីឡាករដំបូងក្នុងក្រុម Juventus ដែលអាចស៊ុតបញ្ចូលទី៩ប្រកួតជាប់គ្នា គិតចាប់តាំងពីជំនាន់លោក David Trezeguet ដែលធ្វើបានកាលពីខែធ្នូ ឆ្នាំ២០០៥។
គិតមកទល់ពេលនេះ C.Ronaldo បានស៊ុតបញ្ចូលទីបាន៥០គ្រាប់ក្នុងការបង្ហាញខ្លួន ៧០ប្រកួតចាប់តាំងពីចូលរួមជាមួយក្លិបយក្សអុីតាលីមួយនេះ កាលពីឆ្នាំ២០១៨ ៕ (កែសម្រួលដោយ ៖ ធីតា)
ចែករំលែកព័តមាននេះ