ទឹកចិត្តដ៏ស្អាតបរិសុទ្ធ សុខស្ងប់ដោយបីតិសោមនស្ស មិនក្តៅក្រហាយ មិនរវើរវាយ និងប្រកបដោយចេតនាជ្រះថ្លា រីករាយពេញចិត្ត ហ្នឹងហើយជាតួបុណ្យ ។
បើមិនមានចេតនាគឺការសប្បាយរីករាយពេញចិត្តហ្នឹងទេ ទោះបីជាយើងកំពុងតែប្រារព្ធពិធីបុណ្យសង្ឃទានក្តី បុណ្យបច្ច័យបួនក្តី បុណ្យកឋិនក្តី ឬមហាបុណ្យផ្សេងៗក្តី ក៏មិនឈ្មោះថាជាអ្នកធ្វើបុណ្យ ឬបានបុណ្យកុសលផលអានិសង្សច្រើនដែរ ។
ម្ល៉ោះហើយទើបបណ្ឌិតណែនាំថា គ្រប់ពេលដែលធ្វើបុណ្យកុសល ទោះបីជាធ្វើបុណ្យអ្វីក៏ដោយ ត្រូវតែធ្វើចិត្តឱ្យបានសប្បាយ រីករាយជ្រះថ្លាខ្លាំង ។ បើមានសេចក្តីជ្រះថ្លា រីករាយ ពេញចិត្តខ្លាំងហើយ សូម្បីតែធ្វើបុណ្យតិចតួចក៏ដោយ ក៏គង់បានផលានិសង្សច្រើនក្រាស់ក្រៃដែរ គឺបានផលច្រើនទៅតាមចិត្តចេតនា ដែលជ្រះថ្លាពេញចិត្តនោះឯង។ សាន សារិន
ចែករំលែកព័តមាននេះ