ប៉ាឡេស្ទីន ៖ ប្រធានាធិបតីប៉ាឡេស្ទីនលោកម៉ាមូដអាប់បាស់ ប្រកាសកាលពីថ្ងៃទី១ ខែកុម្ភៈ ឆ្នាំ២០២០ ពីការកាត់ផ្ដាច់រាល់ទំនាក់ទំនង ក្នុងនោះរួមទាំងផ្នែកសន្តិសុខផង រវាងអាជ្ញាធរប៉ាឡេស្ទីន និងអ៊ីស្រាអែល…
ប៉ាឡេស្ទីន ៖ ប្រធានាធិបតីប៉ាឡេស្ទីនលោកម៉ាមូដអាប់បាស់ ប្រកាសកាលពីថ្ងៃទី១ ខែកុម្ភៈ ឆ្នាំ២០២០ ពីការកាត់ផ្ដាច់រាល់ទំនាក់ទំនង ក្នុងនោះរួមទាំងផ្នែកសន្តិសុខផង រវាងអាជ្ញាធរប៉ាឡេស្ទីន និងអ៊ីស្រាអែល ព្រមទាំងសហរដ្ឋអាមេរិក ខណៈលោកដូណាល់ត្រាំប្រកាសពីផែនការ ស្ដីការដោះស្រាយជម្លោះអ៊ីស្រាអែល-ប៉ាឡេស្ទីន។
ក្នុងប្រតិកម្មដំបួងរបស់អ៊ីស្រាអែល លោក BENNY GANTZ គូប្រជែងរបស់នាយករដ្ឋមន្ត្រីលោកបេនចាមីននេតាន់យ៉ាហ៊ូ ក្នុងការបោះឆ្នោតសភាកាលពីខែមីនាវាយតម្លៃថា ប្រធានាធិបតីបា៉ឡេស្ទីន មិនត្រូវទុកឱកាសឲ្យរំលងផុត ដោយបដិសេធសំណើដោះស្រាយជម្លោះឡើយ។
លោកអាប់បាសថ្លែងនបែបនេះនៅទីក្រុងគែ ក្នុងឱកាសនៃកិច្ចប្រជុំវិសាមញ្ញមួយរបស់សម្ព័ន្ធអារ៉ាប់ ដែលធ្លាប់ប្រកាសរួចហើយកាលពីខែកក្កដាឆ្នាំ២០១៩ ពីចេតនារបស់ខ្លួនមិនអនុវត្ត បណ្ដាកិច្ចព្រមព្រៀងដែលចុះហត្ថលេខាជាមួយអ៊ីស្រាអែល។
ចំពោះផែនការរបស់លោកត្រាំនេះ សម្ព័ន្ធអារ៉ាប់ក៏បានបដិសេធជាផ្លូវការ។ អង្គការនេះអះអាងថា ផែនការនោះមិនគោរពបណ្ដាសិទ្ធិជាសារវន័និងបំណងប្រាថ្នារបស់ប្រជាជនប៉ាឡេស្ទីនហើយសន្យាថា បណ្ដាមេដឹកនាំអារ៉ាប់នឹងមិនរួមសហការជាមួយក្រុងវ៉ាស៊ិនតោនឡើយ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ