ប្រទេសចិន ៖ ក្រសួងកសិកម្មនិងកិច្ចការជនបទប្រទេសចិនបានប្រកាសកាលពីថ្ងៃសៅរ៍ថា ប្រទេសចិនបានរាយការណ៍ពីការផ្ទុះនៃវីរុសផ្តាសាយបក្សីប្រភេទ H5N1 នៅកសិដ្ឋានមួយក្នុងទីក្រុង Shaoyang នៃខេត្តហ៊ូណានភាគខាងត្បូង។ ករណីនេះបានកើតឡើងនៅក្នុងកសិដ្ឋានមួយដែលមានមាន់ចំនួន៧៨៥០ក្បាល ក្នុងនោះ…
ប្រទេសចិន ៖ ក្រសួងកសិកម្មនិងកិច្ចការជនបទប្រទេសចិនបានប្រកាសកាលពីថ្ងៃសៅរ៍ថា ប្រទេសចិនបានរាយការណ៍ពីការផ្ទុះនៃវីរុសផ្តាសាយបក្សីប្រភេទ H5N1 នៅកសិដ្ឋានមួយក្នុងទីក្រុង Shaoyang នៃខេត្តហ៊ូណានភាគខាងត្បូង។
ករណីនេះបានកើតឡើងនៅក្នុងកសិដ្ឋានមួយដែលមានមាន់ចំនួន៧៨៥០ក្បាល ក្នុងនោះ ៤៥០០ក្បាលបានងាប់ដោយសារជំងឺផ្តាសាយបក្សី។ អាជ្ញាធរបានចាប់សត្វបក្សីចំនួន ១៧៨២៨ក្បាលបន្ទាប់ពីការផ្ទុះជំងឺប្រភេទនេះ ។
មិនមែនតែប្រទេសចិនទេដែលព្យាយាមកាត់បន្ថយការរីករាលដាលនៃវីរុសនេះ កាលពីដើមសប្តាហ៍នេះអាជ្ញាធរក្នុងប្រទេសឥណ្ឌាក៏បានចាប់ផ្តើមជ្រើសរើសសត្វមាន់ និងកម្ទេចចោលពងមាន់ ដើម្បីការពារការផ្ទុកវីរុសផ្តាសាយបក្សី។
ហើយប្រភេទមេរោគផ្សេង ដែលជាវីរុស H5N8 បានរីករាលដាលពាសពេញអឺរ៉ុបខាងកើតក្នុងប៉ុន្មានសប្តាហ៍ថ្មីៗនេះ។ ការផ្ទុះឡើងចុងក្រោយបង្អស់នេះកើតឡើងចំពេល ដែលប្រទេសចិនកំពុងរកវិធីព្យាបាលវីរុសឆ្លងវីរុសថ្មី ដែលបានរាលដាលពាសពេញពិភពលោកនៅទីក្រុង Wuhan ក្នុងខេត្ត Hubei៕ (កែសម្រួលដោយ ៖ ធីតា)
ចែករំលែកព័តមាននេះ