ខេត្តកណ្ដាល ៖ សេចក្តីរាយការណ៍បឋមបានឲ្យដឹងថា យុវជនម្នាក់មិនដឹងជាយ៉ាងម៉េចឲ្យតែបានស្រាចូលក្នុងខ្លួន ដឹងតែកាចសាហាវដូចខ្លាតែងរករឿងវាយបំផ្លិចបំផ្លាញទ្រព្យសម្បត្តិរបស់បុរសជាជាងជួសជុលម៉ូតូ និងទូរទស្សន៍ចំនួន៣លើករួចមកហើយ ហេតុការណ៍នេះបានកើតឡើង កាលពីវេលាម៉ោង៦និង៣០នាទីល្ងាច ថ្ងៃទី០១ ខែកុម្ភៈនេះ…
ខេត្តកណ្ដាល ៖ សេចក្តីរាយការណ៍បឋមបានឲ្យដឹងថា យុវជនម្នាក់មិនដឹងជាយ៉ាងម៉េចឲ្យតែបានស្រាចូលក្នុងខ្លួន ដឹងតែកាចសាហាវដូចខ្លាតែងរករឿងវាយបំផ្លិចបំផ្លាញទ្រព្យសម្បត្តិរបស់បុរសជាជាងជួសជុលម៉ូតូ និងទូរទស្សន៍ចំនួន៣លើករួចមកហើយ ហេតុការណ៍នេះបានកើតឡើង កាលពីវេលាម៉ោង៦និង៣០នាទីល្ងាច ថ្ងៃទី០១ ខែកុម្ភៈនេះ នៅក្នុងភូមិចំបក់កោង ឃុំទួលព្រេច ស្រុកអង្គស្នួល ខេត្តកណ្តាល ។ ផ្ទុយទៅវិញការអត់ឱនមិនប្ដឹងនេះបែរជាធ្វើឲ្យជននេះញ៉ាមលែងខ្លាចញញើតនរណាទាំងអស់ ហើយបានប្រព្រឹត្តនៅទង្វើដដែលនេះជាលើកទៅ៤ទៀត និងរឹតតែខ្លាំងជាងមុនទៀតផង ។
ដោយបានកាន់កាំបិតក្នងដៃស្រែកឡូឡារត់ចូលទៅវាយ និងកាប់បំផ្លិចបំផ្លាញទ្រព្យសម្បត្តិបុរសជាជាងជួសជុលម៉ូតខាងលើ និងបានគម្រាមកំហែងកាប់សម្លាប់ រួចយកប្រេងម៉ាស៊ីនចាក់ស្រោចលើជញ្ជាំងផ្ទះជាងនេះ ប្រុងដុតចោលថែមទៀតផង ។ បន្ទាប់ពីទទួលរងនូវរឿងដដែលៗបែបនេះបានធ្វើឲ្យបុរសដែលជាជាងទ្រាំលែងបានក៏បានប្ដឹងឲ្យនគរបាលឃាត់ខ្លួននាំទៅកាន់ផ្នែកព្រហ្មទណ្ឌនគរបាលស្រុកអង្គស្នួល ដើម្បីសាកសួរ និងកសាងសំណុំរឿងចាត់ការតាមច្បាប់តែម្ដង ។
ជនសង្ស័យខាងលើនេះឈ្មោះ សៀ ស៊ន់ អាយុ២៣ឆ្នាំ មានទីលំនៅក្នុងភូមិកើតហេតុខាងលើ ជាមុខសញ្ញាសេពគ្រឿងញៀនដោយធ្លាប់ត្រូវបានឪពុកម្ដាយយកទៅដាក់នៅក្នុងមណ្ឌលបន្សាបគ្រឿងញៀនចំនួន៣ដងរួចមកហើយ ប៉ុន្តែមិនព្រមកែខ្លួនទាល់តែសោះ ។ ក្រោយពេលចាប់ខ្លួននគរបាលដកហូតយកបានកូនកាំបិតចំនួន៣ ក្នុងនោះរួមមានកាំបិតចិតបន្លែ២ និងកាំបិតបុ័ងតោគ្មានដង១ ព្រមទាំងម៉ាស៊ីនទូរទស្សន៍បែក១បន្ទះ ។ ដោយឡែកបុរសដែលជាជាងជួសជុលម៉ូតូ និងទូរទស្សន៍ឈ្មោះ ជា រស្មី អាយុ៣២ឆ្នាំ មានទីលំនៅក្នុងភូមិជាមួយគ្នាខូចខាតបែកទូតាំងលក់ដូរ១ ។
តាមប្រភពព័ត៌មានបានឲ្យដឹងថា ជនសង្ស័យខាងលើមិនដឹងជាយ៉ាងម៉េចទេ ឲ្យតែពេលផឹកស្រវឹងម្ដងៗតែងតែស្រែកឡូឡារករឿងអ្នកភូមិ ជាពិសេសបានរករឿងវាយបំផ្លាញទ្រព្យសម្បត្តិរបស់បុរសដែលជាជាងជួសជុលម៉ូតូ និងទូរទស្សន៍នេះចំនួន៣លើករួចមកហើយ ។ លុះដល់ថ្ងៃកើតហេតុក្រោយពីការផឹកស៊ីស្រវឹងជននេះបានបន្តរករឿងកាន់កាំបិតក្នុងដៃយ៉ាងក្លាហានចូលទៅកាប់ និងវាយបំផ្លាញទូតាំងដាក់សម្ភារៈ និងគម្រាមកាប់សម្លាប់ជនរងគ្រោះបង្កឲ្យមានការភ្ញាក់ផ្អើលពេញភូមិតែម្ដង ។
ប្រភពដែលបានបន្តថា មិនតែប៉ុណ្ណោះជនខាងលើបានយកប្រេងម៉ាស៊ីនចាក់ស្រោចលើជញ្ជាំងផ្ទះជាងម៉ូតូប្រុងដុតចោល ប៉ុន្តែត្រូវបានអ្នកភូមិជួយចាប់ទាន់បន្ទាប់មកអ្នកភូមិបានរាយការណ៍ជូននគរបាលប៉ុស្តិ៍ទួលព្រេច ឲ្យចុះទៅជួយអន្តរាគមប៍ឃាត់ខ្លួនបានភ្លាមៗរួចនាំទៅសាកសួរនៅផ្នែកព្រហ្មទណ្ឌស្រុកអង្គស្នួលចាត់ការតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ