នាំយក៨ពាន់ម៉ាស់ទៅចែកជូនមន្ត្រីរាជការ និងភ្ញៀវនៅច្រកទ្វារអន្តរជាតិបាវិត
- ស្វាយរៀង
ខេត្តស្វាយរៀង ៖ លោកសុខ រស់ អភិបាលរងខេត្តស្វាយរៀង និងតំណាងឱ្យលោកម៉ែន វិបុល អភិបាលខេត្តស្វាយរៀង នាព្រឹកថ្ងៃទី១ ខែកុម្ភៈ…
ខេត្តស្វាយរៀង ៖ លោកសុខ រស់ អភិបាលរងខេត្តស្វាយរៀង និងតំណាងឱ្យលោកម៉ែន វិបុល អភិបាលខេត្តស្វាយរៀង នាព្រឹកថ្ងៃទី១ ខែកុម្ភៈ…
ខេត្តស្វាយរៀង ៖ លោកសុខ រស់ អភិបាលរងខេត្តស្វាយរៀង និងតំណាងឱ្យលោកម៉ែន វិបុល អភិបាលខេត្តស្វាយរៀង នាព្រឹកថ្ងៃទី១ ខែកុម្ភៈ ឆ្នាំ២០២០ នេះ បាននាំយកម៉ាស់ចំនួន៨ពាន់ម៉ាស់ទៅប្រគល់ជូនដល់លោកឧត្តមសេនីយ៍ត្រីខាត់ សារ៉ាត់ ប្រធានប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបាវិត និងលោកម៉ែន ចាន់រ៉ា ប្រធានស្នាក់ការច្រកទ្វារព្រំដែនអន្តរជាតិបាវិត ដើម្បីចែកជូនដល់បុគ្គលិក មន្ត្រីរាជការបំរើការងារនៅច្រកទ្វារព្រំដែនអន្តរជាតិបាវិត ព្រមទាំងភ្ញៀវជាតិ-អន្តរជាតិដែលធ្វើដំណើរឆ្លងតាត់ច្រកទ្វាព្រំដែនអន្តរជាតិបាវិតចូលមកកម្ពុជា ដើម្បីការពារឆ្លងជំងឺរលាកផ្លូវដង្ហើមប្រភេទថ្មី (កូរ៉ូណាវីរុស)។
សូមរំលឹកផងដែរ កាលពីថ្ងៃទី៣១ មករា ឆ្នាំ២០២០ លោកសុខ ដារ៉ូ ប្រធានសភាពាណិជ្ជកម្មខេត្តស្វាយរៀងបាននាំម៉ាស់ចំនួន៨ពាន់ម៉ាស់ទៅប្រគល់ជូនរដ្ឋបាលសាលាខេត្ត សម្រាប់ចែកជូនប្រជាពលរដ្ឋដោយឥតគិតថ្លៃ ដើម្បីចូលរួមចំណែកទប់ស្កាត់ការឆ្លងរាលដាលនៃជំងឺរលាកផ្លូវដង្ហើមថ្មី (កូរ៉ូណាវីរុស) ដោយមានលោកម៉ែន វិបុល អភិបាលខេត្ត បានទទួលសម្រាប់យកទៅផ្តល់ជូនក្រុមការងារ និងចែកជូនប្រជាពលរដ្ឋ ព្រមទាំងភ្ញៀវជាតិនិងអន្តរជាតិដែលធ្វើដំណើរពីប្រទេសវៀតណាមចូលមកតាមច្រកទ្វារព្រំដែនអន្តរជាតិបាវិតឆ្លងកាត់ទៅរាជធានីភ្នំពេញ ដើម្បីទប់ស្កាត់ការឆ្លងរាលដាលនៃជំងឺរលាកផ្លូវដង្ហើមប្រភេទថ្មី (កូរ៉ូណាវីរុស)៕ (កែសម្រួលដោយ ៖ ធីតា)
ចែករំលែកព័តមាននេះ