ខេត្តកំពង់ឆ្នាំង ៖ យ៉ាងហោចណាស់មនុស្ស២នាក់បានស្លា.ប់នៅនឹងកន្លែង និងមនុស្ស៣នាក់ទៀតរងរបួសធ្ងន់ ក្នុងហេតុការណ៏គ្រោះថា្នក់ចរាចរណ៍កើតឡើង កាលពីវេលាម៉ោង២និង៣០នាទីរសៀលថ្ងៃទី១០ សីហា នៅលើកំណាត់ផ្លួវជាតិលេខ៥២A ចំណុចមុខប៉ុស្តិ៍នគរបាលរដ្ឋបាលស្វាយជុក ស្ថិតក្នុង ភូមិស្រម៉ ឃុំស្វាយជុក ស្រុកសាមគ្គីមានជ័យ
ខេត្តកំពង់ឆ្នាំង ៖ យ៉ាងហោចណាស់មនុស្ស២នាក់បានស្លាប់នៅនឹងកន្លែង និងមនុស្ស៣នាក់ទៀតរងរបួសធ្ងន់ ក្នុងហេតុការណ៏គ្រោះថា្នក់ចរាចរណ៍កើតឡើង កាលពីវេលាម៉ោង២និង៣០នាទីរសៀលថ្ងៃទី១០ សីហា នៅលើកំណាត់ផ្លួវជាតិលេខ៥២A ចំណុចមុខប៉ុស្តិ៍នគរបាលរដ្ឋបាលស្វាយជុក ស្ថិតក្នុង ភូមិស្រម៉ ឃុំស្វាយជុក ស្រុកសាមគ្គីមានជ័យ ខណៈមនុស្សទាំង៥នាក់ជិះម៉ូតូ២គ្រឿងបុកគ្នាពេញទំហឹង ក្នុងទិសបញ្ច្រាសគ្នា ។
លោក ដួង ហុង អធិការនគរបាលស្រុកសាមគ្គីមានជ័យឱ្យដឹងថា ដោយសារតែជនរងគ្រោះទាំង៥នាក់នោះមានស្លាប់និងរបួសធ្ងន់ មិនអាចសាកសួរព័ត៌មានឱ្យបានច្បាស់នោះទេ តែបានដឹងថា មុនពេលកើតហេតុ មានម៉ូតូមួយគ្រឿងម៉ាកឌ្រីមសេ១២៥ស៊េរី២០១៣ ពណ៌ខ្មៅ ពាក់ស្លាកលេខកំពង់ធំ 1F-6956 ជិះគ្នា២នាក់ ក្នុងដំណើរពីកើតទៅលិច ក្នុងល្បឿនយ៉ាងលឿន លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងទៀតម៉ាកឌ្រីមសេ១២៥ដូចគ្នាស៊េរី២០១១ ពណ៌ខ្មៅ ពាក់ស្លាកលេខ ភ្នំពេញ 1AE-0825 ជិះគ្នា៣នាក់ ក្នុងដំណើរពីលិចទៅកើត ក្នុងល្បឿនយ៉ាងលឿនដូចគ្នា ក៏បានបុកគ្នាយ៉ាងពេញទំហឹង ចំកណ្តាលទ្រូងផ្លូវ បណ្តាលឱ្យមនុស្ស២នាក់បានស្លាប់នៅនឹងកន្លែងកើតហេតុ ចំណែកមនុស្ស៣នាក់ទៀតរងរបួសធ្ងន់ ហើយត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យរាជធានីភ្នំពេញ ។
លោកបន្តថា ជនរងគ្រោះដែលបានស្លាប់ក្នុងហេតុការណ៏គ្រោះថ្នាក់ចរាចរណ៏ខាងលើនេះ ១-ឈ្មោះ សេង ពិសិទ្ឋ អាយុ៣០ឆ្នាំ មានទីលំនៅភូមិអំពិលក្តា ឃុំវាលពន់ ស្រុកថ្ពង ខេត្តកំពង់ស្ពឺ ២-ឈ្មោះ សុំ ប៊ុណ្ណា អាយុ៣៣ឆ្នាំ មានទីលំនៅភូមិតាំងក្រង ឃុំស្វាយជុក ស្រុកសាមគ្គីមានជ័យ រីឯជនរងគ្រោះរបួសធ្ងន់៣នាក់ទៀតពុំទាន់ស្គាល់អត្តសញ្ញាណនៅឡើយទេ ។
លោកអធិការបានបញ្ជាក់ថា គ្រោះថ្នាក់ចរាចរណ៏នេះគឺសង្ស័យថាបណ្តាលមកពីអ្នកបើកម៉ូតូស្រវឹងទាំងអស់គ្នា ចំណែកម៉ូតូទាំង២គ្រឿងដែលរងការខូចខាតស្ទើរទាំងស្រុងកំពុងរក្សាទុកនៅអធិការដ្ឋាននគរបាលស្រុកដើម្បីរង់ចាំការដោះស្រាយតមានីតិវិធី ៕
ចែករំលែកព័តមាននេះ