រាជធានីភ្នំពេញ ៖ បន្ទប់ជួលមួយកន្លែងត្រូវបានអគ្គិភ័យឆាបឆេះផ្សែងហុយទ្រលោមបណ្តាលអោយរបស់របរក្នុងបន្ទប់ទាំងមូលរងការខូចខាតទាំងស្រុង ខណៈដែលម្ចាស់ចាក់សោទុកចោលចាកចេញទៅធ្វើការបាត់ ។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១២និង ៤៥ នាទីថ្ងៃត្រង់ទី០១ខែកុម្ភៈ ឆ្នាំ២០២០ នៅចំណុចផ្ទះលេខ ១១៦H ផ្លូវទន្លេមេគង្គ ភូមិ គៀនឃ្លាំង សង្កាត់ព្រែកលៀប ខណ្ឌជ្រោយចង្វារ ។
ម្ចាស់ផ្ទះដែលត្រូវភ្លើងឆេះឈ្មោះ ហាក់ សេងហួត ភេទប្រុស អាយុ៦៥ឆ្នាំ ដែលបានសាងសង់ជាបន្ទប់ជួល ។ ចំណែកអ្នកជួលផ្ទះ ពុំស្គាល់ឈ្មោះឡើយ ដោយទៅធ្វើការបាត់ ។
តាមព័ត៌មានឱ្យដឹងថា នៅមុនពេលកើតហេតុគេឃើញផ្សែងហុយខ្មួលខ្មាញ់ចេញពីបន្ទប់លេខ ៤ ដែលម្ចាស់ចាក់សោរទុកចោលទៅធ្វើការ ។ ភ្លាមៗបង្កអោយមានការភ្ញាក់ផ្អើលដល់ប្រជាពលរដ្ឋ ក្បែរខាងនាំគ្នា វាយបំបែកកញ្ចក់បង្អួច និងធាក់ទ្វារចូលបាញ់ពន្លត់ពុំអាចទប់ស្កាត់បានក៏បានហៅរថយន្តពន្លត់អគ្គិភ័យចំនួន៣គ្រឿងទៅអន្តរាគមន៍បាញ់ពន្លត់ ហើយ ភ្លើង បានរលត់ទៅវិញ ពុំបណ្តាលអោយឆេះរាលដាល់ឡើយ ។
ទាកទិនការកើតមានអគ្គិភ័យ នេះគេពុំដឹងពីមូលហេតុអ្វីឡើយ តែបើតាមនគរបាលមានការសង្ស័យថា បណ្តាលមកពីម្ចាស់បន្ទប់ជួលដុតធូបសែនថ្ងៃសីល៍ហើយចាក់សោរផ្ទះទុកចោលទៅធ្វើការក៏កើតមានអគ្គិភ័យតែម្តង ។ ទោះបីជាយ៉ាងណាតាមព័ត៌មានខ្លះទៀតថាបណ្តាលមកពីទុស្សេខ្សែភ្លើង ៕
កែសម្រួលដោយ ៖ សំណាង
ចែករំលែកព័តមាននេះ