រាជធានីភ្នំពេញ ៖ តារាចម្រៀងសម្បូរសាច់ដើមទ្រូង ឆ័យលី ដាឡែន បានបង្ហាញនូវអារម្មណ៏ស្រស់សោភាហាក់បីរំសាយកង្វល់នៅជាមេម៉ាយស្នេហ៏មិនសមប្រកប ។ អ្នកនាងនៅតែប្រកាន់ជំហរ មិនទាន់បើកចិត្តទទួលយកបុរសណាឡើយ ក្រៅពីពង្រឹងមុខរបរ និងការងារសិល្បៈ ។ ធ្លាប់ជាតារាយេរៗតែងកាយខើចលើក្រោម ដាឡែន នៅតែបង្ហាញសាច់ទ្រលុតទ្រលន់ឱ្យគេឯង បានឃើញ ហើយចាត់ទុកថាជាជើងខ្លាំងខាងសម្ញែងដើមទ្រូង ។

តាមការបញ្ជាក់ពី ឆ័យលី ដាឡែន បាន᧨ញួដឹងថា នាងឆ្លៀតមកថតរូបស្អាតៗតេស្តមើលខ្លួនឯង ពេលដល់វ័យចាស់បន្តិចសម្រស់បែបណា ម្យ៉ាងដើម្បីរំលឹកខ្លះៗទម្រង់កាយវិការថត បែបសិចសុីកាលនៅក្មេង និងចាស់ទៅខុសគ្នាអ្វីខ្លះ ។

ដាឡែន បន្តថា សម្រស់រូបថតនេះគឺជាស្នាដៃរបស់ប្អូនប្រុស របស់នាងដែលរៀនជំនាញថតរូប ត្រៀមបើកហាងថតរូប ហើយគេក៏យកនាងមកថតសាកល្បង។ យ៉ាងណានាងក៏សម្លឹងគិតថា ត្រៀមទុនបើកមុខរបរថតរូបនេះជាមួយគាត់ដើម្បីបន្ថែមការងារ ។ ជាពិសេសសម័យឥឡូវ មនុស្សចូលចិត្តថតរូបកម្សាន្តសប្បាយណាស់ទើបគិតឃើញរឿងបែបនេះ ។

ចំពោះរឿងហ៊ានថតរូបសិចសុី ដាឡែន នៅតែយល់ថាខ្លួនចាស់ទុំមិនចង់ប្រជែងក្មេងៗនោះទេ ។ រូបភាពដែលឃើញគ្រាន់តែធ្វើឡើងតាមចិត្តស្រឡាញ់ប៉ុណ្ណោះ ៕

កែសម្រួលដោយ ៖ សំណាង