ប្រទេសកួរ៉េខាងត្បូង ៖ អាជ្ញាធរសុខាភិបាលកូរ៉េខាងត្បូងរាយការណ៍នាថ្ងៃទី៣១ ខែមករា ឆ្នាំ២០២០ នេះថា ជនជាតិកូរ៉េខាងត្បូង១៨នាក់ ដែលទើបវិលមកដល់ប្រទេសវិញ ក្រោយជម្លៀសចេញពីក្រុងវូហានចិន ត្រួវបានបញ្ជូនទៅកាន់មន្ទីរពេទ្យ…
ប្រទេសកួរ៉េខាងត្បូង ៖ អាជ្ញាធរសុខាភិបាលកូរ៉េខាងត្បូងរាយការណ៍នាថ្ងៃទី៣១ ខែមករា ឆ្នាំ២០២០ នេះថា ជនជាតិកូរ៉េខាងត្បូង១៨នាក់ ដែលទើបវិលមកដល់ប្រទេសវិញ ក្រោយជម្លៀសចេញពីក្រុងវូហានចិន ត្រួវបានបញ្ជូនទៅកាន់មន្ទីរពេទ្យ ព្រោះពួកគេមានរោគសញ្ញាទាក់ទិននឹងវីរុសកូរ៉ូណាថ្មី។
យន្តហោះដែលក្រុងសេអ៊ូលបានជួល នាព្រឹកថ្ងៃទី៣១ មករា បាននាំជនជាតិកូរ៉េខាងត្បូង៣៦៨នាក់មកដល់ព្រលានយន្តហោះក្រុងសេអ៊ូលមកពីក្រុងវូហាន។ ក្នុងចំណោមអ្នកទាំងនោះ១៨នាក់ ត្រូវបានបញ្ជូនទៅមន្ទីរពេទ្យក្រុងសេអ៊ូល ជាវិធានការប្រុងប្រយ័ត្នព្រោះពួកគេមានរោគសញ្ញានានា។
នេះជាការអះអាងប្រាប់បណ្ដាអ្នកកាសែតរបស់អនុរដ្ឋមន្ត្រីសុខាភិបាលលោកគីមហ្គាងលីប។ ចំពោះមនុស្ស៣៥០នាក់ទៀតដែលពុំមានរោគសញ្ញា នឹងបញ្ជូនទៅកាន់ទីតាំងបណ្ដោះអាសន្ននានា ដែលពួកគេនឹងត្រូវស្ថិតនៅទីនោះដាច់ពីគេរយៈពេល២សប្ដាហ៍។
សរុបមនុស្ស១១នាក់មានផ្ទុកវីរុសថ្មីនៅកូរ៉េខាងត្បូង ដោយ៣នាក់បានឆ្លងទាំងពួកគេមិនបានទៅចិន៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ