សហរដ្ឋអាមេរិក-ម៉ិកស៊ិក ៖ ផ្លូវរូងក្រោមដីមួយដែលបំពាក់ឧបករណ៍នានា សម្រាប់ការរត់ពន្ធគ្រឿងញៀន ត្រូវបានរកឃើញគួរឲ្យភ្ញាក់ផ្អើល នៅព្រំដែនរវាងសហរដ្ឋអាមេរិក និងម៉ិកស៊ិក។ នេះជាការអះអាងរបស់ប៉ូលិសសហព័ន្ធអាមេរិកទទួលបន្ទុកខាងតស៊ូប្រឆាំងការរត់ពន្ធគ្រឿងញៀនកាលពីថ្ងៃទី២៩ ខែមករា ឆ្នាំ២០២០។
អ្នកនាំពាក្យម្នាក់របស់ប៉ូលិសនៃអង្គភាពនោះនិយាយថា ផ្លូវរួងក្រោមដីនេះចាប់ផ្ដើមត្រង់កន្លែងមួយស្ថិតនៅចម្ងាយយ៉ាងតិច១០០ម៉ែត្រ ពីព្រំដែនខាងផ្នែកម៉ិកស៊ិកហើយបន្តជីក ក្រោមតំបន់សាន់់ឌីយេហ្គោអាមេរិក ដោយច្រកក្រោមដីនោះមានប្រវែងសរុប១,២គីឡូម៉ែត្រ ជាផ្លូវក្រោមដីវែងបំផុតពុំធ្លាប់រកឃើញនៅភាគនិរតីសហរដ្ឋអាមេរិក។
ភាពស្មុ័គ្រស្មាញនៃផ្លូវរូងក្រោមដីនោះ បង្ហាញពីការតាំងចិត្តរបស់ពួកអ្នករត់ពន្ធគ្រឿងញៀន និងពីធនធានហិរញ្ញវត្ថុច្រើនរបស់ពួកគេ។ ប្រាកដណាស់ផ្លូវរូងក្រោមដីបែបនេះ ត្រូវបំពាក់ដោយប្រព័ន្ធអគ្គិសនី ប្រព័ន្ធបញ្ចូលខ្យល់ព្រមទាំងប្រព័ន្ធផ្លូវដែក និងរទេះសម្រាប់ដឹកដៀវ។
ការរកឃើញផ្លូវរូងក្រោមដីនេះជាផ្លែផ្កានៃការតាមដានស៊ើបអង្កេតជាច្រើនឆ្នាំមកហើយ។ រូងនេះមានកម្ពស់ប្រមាណជា២ម៉ែត្រ ហើយជីកក្នុងជម្រៅ២០ម៉ែត្រកាត់ក្រោមដីក្រុងសាន់ឌីយេហ្គោ។ ក្មានមនុស្សណាម្នាក់ត្រូវបានចាប់ខ្លួនឡើយ ក្នុងក្របខណ្ឌនៃការរកឃើញនោះ ហើយក៏គ្មានចាប់រិបអូសអ្វីដែរ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា) (ប្រភពវីដេអូ ៖ CBS Evening News)
ចែករំលែកព័តមាននេះ