រាជធានីភ្នំពេញ ៖ អាកាសធាតុនឹងចុះត្រជាក់ចាប់ពីថ្ងៃទី២៨ ខែមករា ដល់ថ្ងៃទី០៣ ខែកុម្ភៈ ឆ្នាំ២០២០ រហូតដល់១៨អង្សាសេ នេះបើតាមក្រសួងធនធានទឹក និងឧតុនិយមបានអះអាង បានចេញផ្សាយនៅថ្ងៃទី២៨ មករានេះ សេចក្តីជូនដំណឹងស្តីពីស្ថានភាពធាតុអាកាស ។
តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើញថា ៖ ចាប់ពីថ្ងៃទី២៨ ខែមករា ដល់ថ្ងៃទី០៣ ខែកុម្ភៈ សម្ពាធទាបឲ្យលើផ្ទៃដីគ្របដណ្តប់លើកម្ពុជា ។ ក្រសួងបន្តថា ស្ថានភាពបែបនេះធ្វើឲ្យ ៖ ១- តំបន់ជួរភ្នំដងរែក និងខ្ពង់រាបឦសានមាន សីតុណ្ហភាពអប្បបរមា មានពី១៨ -២១°C,និងសីតុណ្ហភាពអតិបរមា មានពី២៨-៣០ °C ។ ២- តំបន់វាលទំនាបកណ្តាលមានសីតុណ្ហភាពអប្បបរមា មានពី២២ -២៥ °C និងសីតុណ្ហភាពអតិបរមាមានពី៣១-៣៣ °c ។
ជាមួយគ្នានោះដែរ ក្រសួងក៏បានឲ្យដឹងថា នៅថ្ងៃទី២៩-៣១ ខែមករា ៖ ផ្នែកខ្លះនៃតំបន់វាលទំនាបភាគខាងក្រោមនឹងអាចមានភ្លៀងធ្លាក់ក្នុងកម្រិតខ្សោយ ។ ចំណែកតំបន់មាត់សមុទ្រមានសីតុណ្ហភាពអប្បបរមា មានពី២៤ -២៦°C និងសីតុណ្ហភាពអតិបរមា មានពី៣០-៣២ °C ។ នៅថ្ងៃទី២៨-៣១ ខែមករា ផ្នែកមួយចំនួននៃបណ្តាខេត្តនៅមាត់សមុទ្រនឹងអាចមានភ្លៀងក្នុងកម្រិតខ្សោយទៅមធ្យម ៕ កែសម្រួលដោយ ៖សុឃាក់
ចែករំលែកព័តមាននេះ