តាម​ប្រភព​ព័ត៌មាន Soccer Laduma បានឱ្យ​ដឹង​ថា កីឡាករ Lionel Messi បាន​បំបែក​កំណត់​ត្រា​ពេញ​មួយ​អាជីព​របស់​គាត់ ប៉ុន្តែ​ថ្មី​ៗ​នេះ​កំពូល​តារា​ឆ្នើម​របស់​ក្រុម FC Barcelona បាន​ឈាន​ដល់​គោលដៅ ដែល​មិន​គួរ​ឱ្យ​ជឿ​សូ​ម្បី​តែ​ស្តង់ដារ​ពិភពលោក​ផ្ទាល់​របស់​គាត់​ក៏​ដោយ​។

កាលពី​ដើមខែ Messi បាន​បំផុស Barca ឱ្យ​ឈ្នះ ១-០ លើ Granada ក្នុង​អ្វី​ដែល​ជា​ការ​ប្រកួត​ដំបូង​របស់​អ្នកចាត់ការ​ថ្មី Quique Setien ទទួល​បន្ទុក​ក្លិប​។

នៅ​ពេល​ធ្វើ​ដូចនេះ​កីឡាករ​វ័យ ៣២​ឆ្នាំ​រូប​នេះ​បាន​កត់សំគាល់​ព្រឹត្តិការណ៍​ដ៏​គួរ​អោយ​កត់សំគាល់​ក្នុង​ការ​រក​គ្រាប់​បាល់​អោយ​ក្លិប​បាន ៥០០​គ្រាប់​ក្នុង​ការ​បង្ហាញខ្លួន ៥០០​លើក​ចុង​ក្រោយ​របស់​គាត់ (​ឥឡូវនេះ​គឺ​នៅ ៥០១ បន្ទាប់​ពី​ការ​បរាជ័យ​ក្នុង​លទ្ធផល ២-០ កាលពី​ចុង​ស​ប្តា​ហ៍​មុន​ទៅ​លើ Valencia)​។

នេះ​ត្រូវ​បាន​បញ្ជាក់​ដោយ​គណនី Twitter ទួ​រ​គី​របស់ Barca ដែល​ក៏​បាន​គូសបញ្ជាក់​ផង​ដែរ​ថា​លោក​បាន​បំបែក​កំណត់​ត្រា​ស៊ុត Assist ចំនួន​២០០​ដង​ទៀត ក្នុង​រយៈពេល​ដូច​គ្នា​។

គួរ​បញ្ជាក់​ផង​ដែរ​ថា កីឡាករ​អន្តរជាតិ​អា​ហ្ស​ង់​ទី​នរូ​ប​នេះ​អាច​នឹង​ចាប់ផ្តើម​ប្រកួត​នា​រាត្រី​ថ្ងៃ​ព្រហស្បតិ៍​នៅ​ពេល​ដែល​ក្រុម Blaugrana ធ្វើ​ជា​ម្ចាស់ផ្ទះ Leganes ក្នុង​វគ្គ ១៦ ក្រុម Copa del Rey៕