ខេត្តស្វាយរៀង ៖ មានករណីក្រុមជនសង្ស័យបានធ្វើសកម្មភាពកាត់របងបន្លាលួស និងកាត់សោរបង រួចកាត់សោបំបែកទ្វារបន្ទប់លួចយកម៉ូតូមួយគ្រឿងទៅបាត់ដោយសុវត្ថិភាព។
ហេតុការណ៍ខាងលើនេះបានកើតឡើងចន្លោះពីម៉ោង១២ទៅ១រំលងអធ្រាត្រឈានចូលថ្ងៃទី២៩ មករា ឆ្នាំ២០២០ នៅចំណុចផ្ទះមួយកន្លែង ស្ថិតក្នុងភូមិទន្លៀង ឃុំរមាំងថ្កោល ស្រុកស្វាយទាប ។
តាមសមត្ថកិច្ចនគបាលប៉ុស្តិ៍រដ្ឋបាលឃុំរមាំថ្កោលបានឲ្យដឹងថា មានជនសង្ស័យមិនស្គាល់អត្តសញ្ញាណមួយក្រុមបានធ្វើសកម្មភាពកាត់របងលួសបន្លាចូលទៅកាត់សោទ្វាររបង្អួចរួចចូលចាក់សោបំបែកទ្វារបន្ទប់ខាងក្រោមផ្ទះយកម៉ូតូមួយគ្រឿងម៉ាកហុងដា ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ ១BY-៣៩៧៥ ។ ចំណែកម្ចាស់ម៉ូតូឈ្មោះសោម វាសនា ភេទប្រុស អាយុ៣៩ឆ្នាំ រស់នៅភូមិទន្លៀង ឃុំរមាំងថ្កោល ស្រុកស្វាយទាប ខេត្តស្វាយរៀង ។
តាមប្រភពដដែលបានបន្តថា មុននឹងចូលដេក ជនរងគ្រោះបានចាក់សោរបង រួចយកម៉ូតូដាក់ក្នុងបន្ទប់ក្រោមផ្ទះ និងបិទទ្វារចាក់សោរទើបឡើងទៅដេកនៅលើផ្ទះដូចសព្វដង។
តាមប្រភពដដែលបានបន្តទៀតថា លុះដល់វេលាម៉ោង១និង៥នាទីរំលងអាធ្រាត្រ ជនរងគ្រោះបានក្រោកឡើងបត់ជើងតូច ស្រាប់តែឃើញទ្វារបន្ទប់ដាក់ម៉ូតូរបើកក៏ចូលទៅមើល ស្រាប់តែបាត់ម៉ូតូពីក្នុងបន្ទប់ ។ បន្ទាប់មកពេលជនរងគ្រោះទៅមើលរបងឃើញមានស្នាមកាច់សោរបងនិងកាត់របងលួសទៀត ទើបដឹងថាពិតជាជនសង្ស័យចូលលួចម៉ូតូយកទៅបាត់ រហូតដល់ព្រឹកឡើងទើបជនរងគ្រោះទៅដាក់ពាក្យបណ្តឹងនៅប៉ុស្តិ៍នគបាលរដ្ឋបាលឃុំរមាំងថ្កោលឲ្យជួយអន្តរាគមន៍ ។
សូមបញ្ជាក់ថា ប៉ុន្មានខែចុងក្រោយនេះក្រុមជនសង្ស័យបានធ្វើសកម្មភាពកាត់សោរបងចូលលួចម៉ូតូរបស់ប្រជាពលរដ្ឋជាញឹកញាប់ ហើយសមត្ថកិច្ចសូមឲ្យប្រជាពលរដ្ឋប្រុងប្រយត្ន័ទាំងអស់គ្នា៕ (កែសម្រួលដោយ ៖ ធីតា)
ចែករំលែកព័តមាននេះ