រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានមានប្រសាសន៍ថា ពុំមានពលរដ្ឋខ្មែរណាម្នាក់មានឆ្លងមេរោគកូរ៉ូណាទេ ដោយថ្លែងក្នុងសន្និសីទសារព័ត៌មាន កាលពីព្រឹកមិញ ថ្ងៃទី៣០ ខែមករានេះ នៅវិមានសន្តិភាព អំពីជំងឺរលាកផ្លូវដង្ហើមថ្មីកូរ៉ូណា (Coronavirus) ។ នេះបើតាមផេកសម្តេចតេជោ ចុះផ្សាយនៅមុននេះ ។
សម្តេចតេជោ ហ៊ុន សែន នាយករដ្ឋមន្ត្រី បានជម្រាបជូនបងប្អូនជនរួមជាតិទូទាំងប្រទេសអោយបានជ្រាបថា មកទល់ថ្ងៃនេះ គឺពុំមានប្រជាពលរដ្ឋខ្មែរណាម្នាក់ឆ្លងជំងឺផ្លូវដង្ហើមថ្មីកូរ៉ូណា (Coronavirus) នេះទេ ។
ប៉ុន្តែទន្ទឹមនឹងនេះ សូមបងប្អូនយកចិត្តទុកដាក់ចំពោះអនាម័យខ្លួនឯងអោយបានខ្ពស់ ហើយត្រូវមានម៉ាស់ (Mask) ទុកប្រើនៅទីកន្លែងណាដែលចាំបាច់ និងលាងសម្អាតខ្លួនប្រាណដៃជើងអោយបានស្អាតល្អជាប្រចាំ ដើម្បីចៀសវាងការឆ្លងរោគខាងលើ និងរោគផ្សេងៗ ៕
ចែករំលែកព័តមាននេះ