Zidane អាចនឹងចាកចោល Real Madrid ម្តងទៀត?
តាមប្រភពព័ត៌មាន Soccer Laduma បានឱ្យដឹងថា ដំណឹងក្រៅផ្លូវការមកពីបារាំងបានធ្វើឱ្យមានការភ្ញាក់ផ្អើល ដែលលើកឡើងថា Zinedine Zidane អាចនឹងសម្រេចចិត្តចាកចេញពី Real…
តាមប្រភពព័ត៌មាន Soccer Laduma បានឱ្យដឹងថា ដំណឹងក្រៅផ្លូវការមកពីបារាំងបានធ្វើឱ្យមានការភ្ញាក់ផ្អើល ដែលលើកឡើងថា Zinedine Zidane អាចនឹងសម្រេចចិត្តចាកចេញពី Real…
តាមប្រភពព័ត៌មាន Soccer Laduma បានឱ្យដឹងថា ដំណឹងក្រៅផ្លូវការមកពីបារាំងបានធ្វើឱ្យមានការភ្ញាក់ផ្អើល ដែលលើកឡើងថា Zinedine Zidane អាចនឹងសម្រេចចិត្តចាកចេញពី Real Madrid ម្តងទៀត។ ដំណឹងនេះបានមកពីគេហទំព័រ soccerlink.fr ដែលបានរាយការណ៍ថា គ្រូបង្វឹក Real Madrid មានការអាក់អន់ចិត្តជាមួយនាយកក្លិប លោក Florentino Perez ។
តាមរបាយការណ៍ Zidane មិនបានភ្លេចទេ ថាលោក Perez ចង់នាំ លោក Jose Mourinho ត្រឡប់មកវិញជាច្រើនដងមកហើយកាលពីមុន ហើយ Paul Pogba គឺជាហេតុផលមួយទៀតដែលធ្វើឱ្យលោក Zidane មានការទាស់ចិត្ត។ គ្រូបង្វឹកជនជាតិបារាំងរូបនេះត្រូវបានគេនិយាយថាមានការទទូចចង់បានកីឡាករ Pogba ដែលជាម្ចាស់ពាន FIFA World Cup ឆ្នាំ២០១៨ តែលោក Perez មិនយល់ស្រប ហើយបែរជាទៅយកកីឡាករខ្សែបម្រើ Santiago Bernabeu។
ជាលទ្ធផល លោក Zidane ត្រូវបានគេរាយការណ៍ថា កំពុងថ្លឹងថ្លែងលទ្ធភាពនៃការចុះចេញពីតំណែងជាលើកទី២ នៅចុងបញ្ចប់នៃរដូវកាលនេះ។ កន្លងមកលោកធ្លាប់បានលាឈប់ពីមុខតំណែងនៅ Real កាលពីខែឧសភា ឆ្នាំ២០១៨ បន្ទាប់ពីដឹកនាំក្លឹបឱ្យឈ្នះពានរង្វាន់ UEFA Champions League ចំនួន ៣ លើកជាប់ៗគ្នានិងទទួលបានពានរង្វាន់ចំនួន៩។
ទោះបីជាយ៉ាងណាក៏ដោយ គាត់បានវិលត្រឡប់មកវិញនៅខែមីនាឆ្នាំ ២០១៩ ហើយចាប់តាំងពីពេលនោះមកគាត់បានបន្ថែមពានរង្វាន់ទី ១០ របស់គាត់ក្នុងនាមជាគ្រូបង្វឹក Real បន្ទាប់ពីបានឈ្នះពានរង្វាន់ Spanish Super Cup នៅឆ្នាំនេះ។
ជាមួយគ្នានេះដែរប្រធានសហព័ន្ធបាល់ទាត់បារាំង លោក Noel Le Graet ជឿជាក់ថាលោក Zidane គឺជាអ្នកស្នងដំណែងដ៏ល្អឥតខ្ចោះសម្រាប់គ្រូបង្វឹកបច្ចុប្បន្នរបស់បារាំង លោក Didier Deschamps ។
គួរបញ្ជាក់ផងដែរថា បច្ចុប្បន្ន Real កំពុងឈរនៅលើកំពូលតារាង LaLiga ដោយមាន ៣ ពិន្ទុនាំមុខក្រុមលេខ២ Barcelona ។ ពួកគេបានចាញ់តែមួយប្រកួតប៉ុណ្ណោះនៅរដូវកាលនេះ៕
ចែករំលែកព័តមាននេះ