លេងមែនទែន Porsche ចង្កូត​កណ្តាល​​ម៉ាស៊ីន​ស្រោបសុទ្ធតែមាស


ប្រសិនបើ​គេ​ចង់​ច្នៃ​រថយន្ត Porsche ឱ្យ​ប្លែក​ខុស​គេ និង លេចធ្លោ​ជាងគេ វា​ជា​រឿង​ពិបាក​បន្តិច ព្រោះថា​ទីផ្សារ​គឺ​លក្ខណៈ​ចង្អៀត​។ តែ​សម្រាប់​រថយន្ត Porsche 550 Spyder ដែល​ច្នៃ​ដោយ John Sarkisyan និង បងប្រុស​របស់​គេ គឺ​ពិតជា​មិន​សរសើរ​មិន​បាន​។

នៅ​មុន​ពេល​រថយន្ត Porsche 718 Spyder ស៊ីដាច់​គេ​ក្នុង​ត្រកូល Spyder គេ​ល្បី​រថយន្ត Porsche 550 ដែល​មាន​ផលិត​នៅ​ចន្លោះ​ឆ្នាំ ១៩៥៣ ទៅ ១៩៥៦​។ Sarkisyan និង បងប្រុស​របស់​គេ មានឈ្មោះ​ល្បី​ដោយសារ​តែ​ច្នៃ​រថយន្ត​ថ្លៃ​ៗ​ជា​ច្រើន ដូច​ជា Mercedes-Benz 300 SL Gullwing ដោយ​ប្រើប្រាស់​តួ​រថយន្ត SLK​។ នៅ​ពេល​នេះ គេ​បាន​ច្នៃ​រថយន្ត 550 ឱ្យទៅ​ជា​រថយន្ត Porsche ចង្កូត​កណ្តាល និង មើលទៅ​ស្រ​ដៀង​ទៅ​នឹង​រថយន្ត McLaren F1​។

Sarkisyan និយាយ​ថា​៖ «​ការ​ច្នៃ​រថយន្ត​ឱ្យទៅ​ជា​រថយន្ត​កៅអី​កណ្តាល ពិតជា​រឿង​ពិបាកធ្វើ​ណាស់​។ ខ្ញុំ​តែងតែ​ចង់​ធ្វើ​វា ដោយ​ហេតុផល​ខ្លះ​ហើយ​ខ្ញុំ​មិនដឹង​ថា​ហេតុ​អ្វី​ទេ​។ វា​មិន​ស្រួល​ទេ ហើយ​អ្នក​មិន​អាច​មាន​អ្នកដំណើរ​ណា​ម្នាក់​នៅ​ក្នុង​នោះ​ទេ ប៉ុន្តែ​វា​ធ្វើ​ឱ្យ​អ្នកមាន​ភាព​លេចធ្លោ​»​។

គេ​បាន​ហៅ​រថយន្ត​នោះ ថា​ជា​រថយន្ត​សម្រាប់​មនុស្ស​អាត្មា​និយម​។ នេះ​មាន​ន័យ​ថា សម្រាប់​អ្នកទិញ​រថយន្ត​នេះ គឺ​គិតតែ​ពី​ខ្លួនឯង​តែ​ប៉ុណ្ណោះ​។ មុន​ដំបូង Sarkisyan គិត​ថា​ចង់​ច្នៃ​រថយន្ត​នេះ​ទៅ​ជា​ពណ៌​ស តែ​ក្រោយមក​ក៏​សម្រេចចិត្ត​ថា​ពណ៌​ត្នោត​ស្អាត​ជាង​។ វា​ត្រូវ​បាន​បង្កើត​ឡើង​ដោយ​យក​ម៉ូ​ដ​តាម Mercedes S-Class​។

តួ​របស់​រថយន្ត​គឺ​ធ្វើ​ឡើង​ពី​សរសៃ​អុ​ប​ទិ​ក (Fiberglass) ជាមួយនឹង​កញ្ចក់​ខាង​មុខ​តូច​មួយ ដែល​គ្រាន់តែ​សម្រាប់​បាំង​មុខ​របស់​អ្នក​បើក​ប៉ុណ្ណោះ​។ វា​មាន​ពូក​ស្បែក​ពណ៌​ទឹកក្រូច ជាមួយនឹង​ម៉ាស៊ីន​ស្រោបមាស​។ នេះ​គឺ​ពិតជា​ធ្វើ​ឱ្យ​វា​មាន​តម្លៃ​មែនទែន ៕

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ