ប្រទេសអ៊ីស្រាអែល ៖ ក្រុមរដ្ឋអ៊ិស្លាមអះអាងកាលពីថ្ងៃទី២៧មករា ក្នុងសារមួយថាក្រុមគេចង់បើកដំណាក់កាលថ្មីនៃជីហាដរបស់ខ្លូន ដោយសំដៅជាពិសេសលើអ៊ីស្រាអែល។ ការអំពាវនាវនេះធ្វើឡើងខណៈប្រធានាធិបតីអាមេរិក លោកដូណាល់ត្រាំជួបកាលពីថ្ងៃទី២៧មករា ជាមួយមិត្តរបស់លោក នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូ មុនពេលលោកបង្ហាញផែនការសន្តិភាពតំបន់…
ប្រទេសអ៊ីស្រាអែល ៖ ក្រុមរដ្ឋអ៊ិស្លាមអះអាងកាលពីថ្ងៃទី២៧មករា ក្នុងសារមួយថាក្រុមគេចង់បើកដំណាក់កាលថ្មីនៃជីហាដរបស់ខ្លូន ដោយសំដៅជាពិសេសលើអ៊ីស្រាអែល។
ការអំពាវនាវនេះធ្វើឡើងខណៈប្រធានាធិបតីអាមេរិក លោកដូណាល់ត្រាំជួបកាលពីថ្ងៃទី២៧មករា ជាមួយមិត្តរបស់លោក នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូ មុនពេលលោកបង្ហាញផែនការសន្តិភាពតំបន់ ដែលអ៊ីស្រាអែលចាត់ទុកថាប្រវត្តិសាស្ត្រ តែពួកប៉ាឡេស្ទីនបដិសេធដាច់ណាត់ជាមុនរួចទៅហើយ។
ប្រមុខថ្មីរបស់ក្រុមរដ្ឋអ៊ិស្លាមអាប៊ូអ៊ីប្រាហ៊ីមអាល់គូរ៉ាជី បានប្ដេជ្ញាចាប់ផ្ដើមដំណាក់កាលថ្មីដែលគ្មានអ្វីក្រៅពី ការប្រយុទ្ធប្រឆាំងពួកជ្វីហ្វឲ្យសមនឹងអ្វីដែលពួកគេបានធ្វើចំពោះបណ្ដាជនអ៊ិស្លាម។ នេះជាការអះអាងរបស់អ្នកនាំពាក្យក្រុមរដ្ឋអ៊ិស្លាម អាប៊ូហាមហ្សាអែលគូរ៉ាជី ក្នុងសារមានរយៈពេល៣៧នាទីផ្សាយតាមបណ្ដាញតេឡេក្រាម។
អ្នកនាំពាក្យរូបនេះបន្តថា កងទាហានរបស់កាលីហ្វាត ទោះជានៅទីណាផ្ដោតជាប់លើទីក្រុងហ្សេរុយសាឡឹម។ នាប៉ុន្មានថ្ងៃខាងមុខ ប្រសិនបើនោះជាបំណងរបស់ព្រះជាម្ចាស់ពួកគេនឹងឃើញ អ្វីដែលពួកអ្នកនឹងមិនអាចបំភ្លេចបាន ដោយចង់និយាយសំដៅលើការវាយប្រហារជាយថាហេតុ។
មុនពេលបាត់បង់ដែនដីកាន់កាប់របស់ខ្លួននាខែមីនាឆ្នាំ២០១៩ ក្រុមរដ្ឋអ៊ិស្លាមបានបង្កើតរដ្ឋកាលីហ្វាតមួយលើដែនដីដ៏ធំ ដែលខ្លួនកាន់កាប់នៅស៊ីរិនិងអ៊ីរ៉ាក់ ដែលក្នុងដែនដីទាំងនេះមានប្រជាជនរហូតដល់៧លាននាក់។
ទោះជារងការបាត់បង់ដែនដីកាន់កាប់ នៅស៊ីរី និងអ៊ីរ៉ាក់តែក្រុមរដ្ឋអ៊ិស្លាមនៅមានវត្តមានច្រើនដែរ នៅតាមដងទន្លេEUPHRATEនិងក្នុងវាលខ្សាច់ដ៏ធំល្វឹងល្វើយ។ ក្រុមនោះក៏មានសាខាជាច្រើននៅអាហ្វ្រិកនិងនៅអាស៊ី ហើយតែងធ្វើការវាយប្រហារបង្ហួរឈាមនានា៕ ដកស្រង់ចេញពីវេបសាយ ៖ yahoo (កែសម្រួលដោយ៖ បុប្ផា)
ចែករំលែកព័តមាននេះ