ស៊ុតចូល២គ្រាប់តែ Neymar សុខចិត្តមិនអបអរគ្រាប់បាល់តែបែរជាធ្វើរឿង១នេះវិញ
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមសញ្ជាតិប្រេស៊ីល Neymar បានចូលរួមគោរពវិញ្ញាណក្ខន្ធដល់កីឡាករជើងឯកបាល់បោះ NBA លោក Kobe…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមសញ្ជាតិប្រេស៊ីល Neymar បានចូលរួមគោរពវិញ្ញាណក្ខន្ធដល់កីឡាករជើងឯកបាល់បោះ NBA លោក Kobe…
តាមប្រភពព័ត៌មាន Soccer Laduma បានឱ្យដឹងថា កំពូលតារាឆ្នើមសញ្ជាតិប្រេស៊ីល Neymar បានចូលរួមគោរពវិញ្ញាណក្ខន្ធដល់កីឡាករជើងឯកបាល់បោះ NBA លោក Kobe Bryant ជាមួយនឹងការមិនអបអរសម្រាប់ការស៊ុតបញ្ចូលទីទាំងពីរគ្រាប់របស់ខ្លួននៅក្នុងការប្រកួតជាមួយនឹង Lille កាលពីថ្ងៃអាទិត្យ។
កីឡាករវ័យ ២៧ ឆ្នាំរូបនេះមានភាពរំជើបរំជួលនិងមិនមាននៅក្នុងអារម្មណ៍នោះទេ បើទោះបីជារកបានគ្រាប់បាល់ទាំងពីរគ្រាប់ក្នុងជ័យជម្នះ ២-០ របស់ PSG លើក្រុម Lille បន្ទាប់ពីដឹងថា Kobe Bryant បានស្លាប់ក្នុងគ្រោះថ្នាក់ផ្លូវអាកាស ។
Neymar បានអបអរគ្រាប់បាល់ដំបូងរបស់គាត់នៅតង់ទី១ មុនពេលដឹងថា Bryant បានស្លាប់។ តែសម្រាប់គ្រាប់ទីពីរ Neymar មិនសប្បាយរីករាយនោះទេ ដោយសារតែទើបនឹងដឹងដំណឹងដ៏សោកសៅនេះ ។
កីឡាករជើងខ្លាំងខាងកីឡាបាល់បោះនិងកូនស្រីម្នាក់របស់គាត់ម្នាក់ បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រនៅ Los Angeles ដែលមានអ្នកស្លាប់សរុប៩នាក់។ Neymar បានលើកដៃម្រាម២ និង ម្ខាងទៀតម្រាម៤ ដែលមានន័យថា លេខ២៤។ វាជាលេខអាវរបស់ Bryant។
Neymar បានប្រាប់សារព័ត៌មាន Canal+ ថា៖«ខ្ញុំបានឃើញសារនៅលើបណ្តាញសង្គមនៅពាក់កណ្តាលម៉ោងនៃការប្រកួត។ វាពិតជាគួរឱ្យសោកស្តាយណាស់សម្រាប់ពិភពកីឡា និងសម្រាប់យើងទាំងអស់គ្នា។ មិនត្រឹមតែសម្រាប់អ្នកគាំទ្របាល់បោះប៉ុណ្ណោះទេ ប៉ុន្តែសម្រាប់អ្វីគ្រប់យ៉ាងដែលគាត់បានធ្វើសម្រាប់កីឡា។ ខ្ញុំបានរំលឹកដល់គាត់ ដោយលើកម្រាមដៃប្រាប់ពីលេខអាវរបស់គាត់។ ខ្ញុំសង្ឃឹមថា គាត់បានទៅដល់សុគតិភព»៕
ចែករំលែកព័តមាននេះ