រាជធានីភ្នំពេញ ៖ ស្ថានភាពជំងឺរបស់ជនជាតិចិន ដែលកើតមានមេរោគជំងឺរលាកផ្លូវដង្ហើមឈ្មោះកូរ៉ូណាគ្មានរោគសញ្ញាធ្ងន់ធ្ងរនោះទេ ។ នេះបើតាមនាយករដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល(CDC)។
នាយករដ្ឋានប្រយុទ្ធនឹងជំងឺឆ្លងបានបញ្ជាក់យ៉ាងដូច្នេះថា៖ រហូតដល់ម៉ោង១២ថ្ងៃត្រង់ថ្ងៃទី២៨ មករា ២០២០ ស្ថានភាពអ្នកជំងឺរលាកសួតបង្កឡេីងដោយមេរោគកូរ៉ាវីរុសប្រភេទថ្មី គាត់មានសុខភាពល្អ គ្មានរោគសញ្ញាអ្វីធ្ងន់ធ្ងរទេ ។ យេីងបានរកឃេីញអ្នកប៉ះពាល់និងជិះយន្តហោះជាមួយអ្នកជំងឺ រហូតពេលនេះពុំមានអ្នកចេញរោគសញ្ញាអ្វីនៅឡេីយដែរ ។
ប្រភពបានបន្តថា មន្ត្រីជំនាញនឹងបន្តតាមដានសុខភាពអ្នកប៉ះពាល់ជាមួយអ្នកជំងឺទាំងអស់ជារៀងរាល់ថ្ងៃ ។ ហេីយគ្រូពេទ្យថែទាំអ្នកជំងឺគ្មានចេញ រោគសញ្ញាអ្វីទេ និងគ្រប់គ្រូពេទ្យបំរេីការនៅមន្ទីរពេទ្យក្រុងព្រះសីហនុ កំពុងបំរេីការងារក្នុងមន្ទីរពេទ្យជាធម្មតា ។ រហូតពេលនេះ ពុំទាន់រកឃេីញករណីជំងឺកូរ៉ូណាវីរុសថ្មីទៀតទេ ។
ជាមួយគ្នានោះដែរ ក្រសួងក៏បានអំពាវនាវដល់ប្រជាពលរដ្ឋដែលមានការសង្ស័យកើតជំងឺរផ្លូវដង្ហើមប្រភេទថ្មីនេះ សូមទាក់ទងលេខ១១៥ ។ សូមជម្រាបថា តាមការសង្កេតបន្ទាប់ពីទទួលបានព័ត៌មានថា នៅកម្ពុជាមានអ្នកឆ្លើងជំងឺកូរ៉ូណា ពិសេសនោះជនជាតិចិននោះ ប្រជាពលរដ្ឋបាននាំគ្នាទិញម៉ាស់ ដើម្បីពាក់ពារជំងឺនេះយ៉ាងច្រើន។ ចំណុចនេះបានធ្វើឲ្យឈ្មួញ ក៏ដូចជាអ្នកយកម៉ាស់មកលក់នាំគ្នាដំឡើងថ្លៃម៉ាស់រហូតដល់ចំនួនខ្ពស់ខុសពីធម្មតា ។
ចែករំលែកព័តមាននេះ