បើយោងតាមប្រភពពី Marca បានធ្វើការបង្ហាញពីប្រវតិ្តខ្លះៗ របស់អ្នកស្លាប់ក្នុងហេតុការណ៍ធ្លាក់ឧទ្ធម្ភាគចក្រឯកជនរបស់ Kobe Bryant កាលពីព្រឹកថ្ងៃអាទិត្យកន្លងទៅ ដែលបណ្តាលឱ្យស្លាប់ជីវិតមនុស្សចំនួន៩នាក់។
Kobe Bryant (៤១ឆ្នាំ) ៖ បានក្លាយជាកីឡាករបាល់បោះក្នុងក្របខ័ណ្ឌ NBA នៅអាយុត្រឹម ១៨ឆ្នាំ និងជាវីរៈបុរសក្លិប Los Angeles Lakers ។ ដោយឡែកក្នុងក្រុមជម្រើសជាតិអាមេរិក Bryant បានឈ្នះមេដាយមាសអូឡាំពិក ២លើក (ទីក្រុងប៉េកាំងឆ្នាំ២០០៨ និងទីក្រុងឡុងដ៍ឆ្នាំ២០១២) ។
Gianna Bryant (១៣ឆ្នាំ)៖ ជាកូនស្រីទី២ ក្នុងចំណោមកូនស្រីទាំងបួនរបស់ Bryant និងជាកីឡាករលេងបាល់បោះក្នុងក្លិប Mamba Academy ។
John Altobelli (៥៦ឆ្នាំ) និងភរិយា Keri Altobelli ៖ លោក John ជាគ្រូបង្វឹកបាល់បោះនៅមហាវិទ្យាល័យ Orange Coast ដែលជាកន្លែងដែលគាត់បានឈ្នះជើងឯកសាកលវិទ្យាល័យចំនួនបួនលើក ។ គ្រួសារ Altobelli រស់នៅ Newport Beach ហើយមានកូនចំនួនបីនាក់។ លោកធ្លាប់បានហោះហើរជាច្រើនលើកជាមួយ Bryant។
Alyssa Altobelli (១៣ឆ្នាំ) ៖ ជាកូនស្រីរបស់ John Altobelli និង Keri ក៏ដូចជាមិត្តភក្តិរបស់ Gianna និងជាកីឡាករក្នុងក្លិប Mamba Academy ។
Sarah Chester (៤៥ឆ្នាំ) និង Payton Chester (១៣ឆ្នាំ) ៖ អ្នកទាំងត្រូវជាម្ដាយនិងកូន ខណៈ Payton ធ្លាប់ជាមិត្តរួមក្រុមរបស់ Gianna នៅ Mamba Academy ។
Christina Mauser (៣៨ឆ្នាំ) ៖ នាងជាជំនួយការគ្រូបង្វឹកក្រុមស្ត្រីនៅ Mamba Academy និងជាគ្រូបង្វឹក Gianna ។ នាងបានរៀបការជាមួយលោក Matt Mauser និងមានចំនួនកូនបីនាក់។
Ara Zobayan (៥០ឆ្នាំ) ៖ ជាអ្នកបើកឧទ្ធម្ភាគចក្រ (Pilot) ឯកជនរបស់ Bryant ហើយក៏ជាអ្នកបើកយន្តហោះផងដែរ។
ចែករំលែកព័តមាននេះ