តើអ្នកអាចជឿទុកចិត្តមនុស្សដែលអ្នកចង់ចាប់ដៃរកស៊ីជាមួយគ្នាទេ? តើសមាជិកក្នុងក្រុមរបស់អ្នកពិតជាជឿជាក់លើគោលដៅ និងអ្វីដែលអ្នកចង់មើលឃើញពិតប្រាកដទេ? ទាំងនេះ គឺជាសំណួរសំខាន់ៗដែលអាចជះឥទ្ធិពលលើឱកាសក្នុងការជោគជ័យ និងការរកលុយរបស់អ្នក ។ ដើម្បីឆ្លើយនឹងសំណួរខាងលើបាន លោក រ៉ូប៊ីន…
តើអ្នកអាចជឿទុកចិត្តមនុស្សដែលអ្នកចង់ចាប់ដៃរកស៊ីជាមួយគ្នាទេ? តើសមាជិកក្នុងក្រុមរបស់អ្នកពិតជាជឿជាក់លើគោលដៅ និងអ្វីដែលអ្នកចង់មើលឃើញពិតប្រាកដទេ? ទាំងនេះ គឺជាសំណួរសំខាន់ៗដែលអាចជះឥទ្ធិពលលើឱកាសក្នុងការជោគជ័យ និងការរកលុយរបស់អ្នក ។
ដើម្បីឆ្លើយនឹងសំណួរខាងលើបាន លោក រ៉ូប៊ីន ឌ្រីក (Robin Dreeke) ដែលជាអតីតប្រធានកម្មវិធីវិភាគអាកប្បកិរិយារបស់ FBI បានចែករំលែកពីវិធីក្នុងការឲ្យអ្នកដឹងថាមនុស្សជុំវិញអ្នកពិតជាជឿជាក់លើអ្នក និងចង់ឲ្យអ្នកជោគជ័យពិតមែន ឬទេ ។
១. ពួកគេសម្របរបៀបធ្វើការឲ្យស្របទៅនឹងល្បឿននៃការធ្វើការរបស់អ្នក៖
ជាទូទៅ មនុស្សតែងតែមានស្តាយធ្វើការ ឬល្បឿននៃការបញ្ចប់ការងារខុសៗគ្នា ហើយពួកគេមិនងាយនឹងផ្លាស់ប្តូរវិធីរបស់ខ្លួនឡើយលុះត្រាតែពួកគេពិតជាគោរពស្រលាញ់អ្នកដឹកនាំរបស់ពួកគេពិតមែន ។
២. ពួកគេរកវិធីពង្រឹងទំនាក់ទំនងជាមួយនឹងអ្នក៖
អ្នកដទៃចង់ឃើញអ្នកជោគជ័យពេលដែលពួកគេព្យាយាមរកអ្វីដែលអ្នកទាំងពីរចូលចិត្ត ឬហៅអ្នកឲ្យចូលរួមកម្មវិធីសំខាន់ៗ ឬកិច្ចការដែលសំខាន់ៗរបស់ពួកគេជាដើម ។ ពួកគេនឹងព្យាយាមកាត់បន្ថយគម្លាតរវាងទំនាក់ទំនងផ្ទាល់ខ្លួន និងទំនាក់ទំនងនៅកន្លែងធ្វើការដែរដោយចែករំលែកបទពិសោធន៍ ឬរឿងរ៉ាវផ្សេងៗដែលពួកគេបានជួបប្រទះពីមុនមកជាដើម ។
៣. ពួកគេចូលរួមក្នុងគម្រោងពិបាកៗជាមួយអ្នក៖
មានករណីខ្លះ គម្រោងមួយចំនួនគឺប្រៀបដូចជារឿងឈឺក្បាលសម្រាប់អ្នកដទៃ ប៉ុន្តែប្រសិនបើមនុស្សទាំងនោះជឿជាក់លើអ្នក ពួកគេអាចនឹងស្ម័គ្រចិត្តជួយអ្នក ។ ឧទាហរណ៍មួយទៀតគឺការស្ម័គ្រចិត្តធ្វើការថែមម៉ោងដោយមិនគិតថ្លៃ ។
៤. ពួកគេនិយាយល្អពីអ្នកទាំងនៅមុខ និងក្រោយខ្នង៖
ការជួយលើកមុខលើកមាត់នេះមិនត្រឹមតែបង្ហាញពីជំនឿចិត្តរបស់ពួកគេលើអ្នកទេ តែក៏បង្ហាញពីចិត្តទូលាយ និងទឹកចិត្តល្អរបស់ពួកគេដែរ ។ ហើយមនុស្សទាំងនេះពិតជាមានតម្លៃណាស់សម្រាប់អ្នកនិងក្រុមហ៊ុនអ្នកដូច្នេះអ្នកគួរតែបង្ហាញអំណរគុណទៅវិញដោយស្មោះត្រង់ដែរ ។
៥. ពួកគេសប្បាយរីករាយដោយស្មោះត្រង់ចំពោះការសម្រេចរបស់អ្នក៖
ពួកគេធ្វើដូច្នេះព្រោះពួកគេគិតថាភាពជោគជ័យរបស់អ្នកក៏ជាភាពជោគជ័យរបស់ពួកគេដែរ ។ ប្រសិនបើពួកគេមិនបង្ហាញអារម្មណ៍អ្វីពេលដែលអ្នកសម្រេចបានអ្វីទេនោះ វាអាចបង្ហាញថាពួកគេខឹង ឬច្រណែននឹងអ្នក ៕ កែសម្រួលដោយ ៖ សុឃាក់
ចែករំលែកព័តមាននេះ