រាជធានីភ្នំពេញ៖ ក្រសួងកសិកម្ម រុក្ខាប្រមាញ់និងនេសាទបានបង្ហាញការវាយតម្លៃរបស់ខ្លួនថាការបង្កបង្កើនផលស្រូវប្រាំងនៅទូទាំងប្រទេសគិតមកដល់បច្ចុប្បន្ននេះសម្រេចបានជាង៥២ម៉ឺនហិកតា ពោលគឺអនុវត្តបានលើសផែនការដែលបានកំណត់ទុក ។ នេះបើយោងតាមរបាយការណ៍កសិកម្ម រុក្ខាប្រមាញ់និងនេសាទ ប្រចាំឆ្នាំ២០១៩និងទិសដៅអនុវត្តបន្តចេញផ្សាយថ្មីៗនេះ ។ …
រាជធានីភ្នំពេញ៖ ក្រសួងកសិកម្ម រុក្ខាប្រមាញ់និងនេសាទបានបង្ហាញការវាយតម្លៃរបស់ខ្លួនថាការបង្កបង្កើនផលស្រូវប្រាំងនៅទូទាំងប្រទេសគិតមកដល់បច្ចុប្បន្ននេះសម្រេចបានជាង៥២ម៉ឺនហិកតា ពោលគឺអនុវត្តបានលើសផែនការដែលបានកំណត់ទុក ។ នេះបើយោងតាមរបាយការណ៍កសិកម្ម រុក្ខាប្រមាញ់និងនេសាទ ប្រចាំឆ្នាំ២០១៩និងទិសដៅអនុវត្តបន្តចេញផ្សាយថ្មីៗនេះ ។
របាយការណ៍ដដែលបានបញ្ជាក់ថា មកទល់ពេលនេះការងារបង្កបង្កើនផលស្រូវប្រាំង នៅទូទាំងប្រទេសសម្រេចបាន ចំនួន៥២៨.១៣៦ហិកតា ស្មើនឹង១១៤,៩១% នៃផែនការ ៤៥៩.៥៩៤ហិកតា។ ផ្នែកលើលទ្ធផលសម្រេចលើសផែនការកំណត់ទុកក្រសួងបានបន្តជំរុញលើកទឹកចិត្តទៅដល់មន្ទីរត្រូវផ្តោតការយកចិត្តទុកដាក់លើបទដ្ឋានបច្ចេកទេសសំខាន់ៗនិងចាត់វិធានការគ្រប់រូបភាពលើការជំរុញការបង្កើបង្កើនផលស្រូវនិងដំណាំកសិកម្មនៅតាមតំបន់ភូមិសាស្ត្រដែលមានប្រភពទឹក។
តាមរបាយការណ៍ដដែល បង្ហាញថាក្រសួងបានជំរុញដល់គ្រប់អង្គភាពជំនាញទាំងអស់ជាពិសេសមន្ទីរកសិកម្ម រុក្ខាប្រមាញ់និងនេសាទរាជធានីខេត្ត ឱ្យយកចិត្តទុកដាក់គិតគូរទៅលើយន្តការ និងបទដ្ឋានបច្ចេកទេសគនន្លឹះសំខាន់ៗតាមការចាំបាច់ និងសហការចុះអន្តរគមន៍ទាន់ពេលវេលាក្នុងការតាមដានវាយតម្លៃអំពីការប៉ះពាល់និងខូចតខាតដោយគ្រោះធម្មជាតិ ការរាតត្បាតដោយសត្វល្អិតចង្រៃ ការកើតជំងឺផ្សេងៗលើដំណាំកសិកម្មជំងឺឆ្លងសត្វ និងការត្រៀមលក្ខណៈនៅពេលកសិករទទួលរងផលប៉ះពាល់ផ្សេងៗជាយថា
ហេតុ។
បើតាមរបាយការណ៍ក្រសួងកសិកម្ម ចំពោះទិសដៅអនុវត្តបន្តគឺក្រសួងកសិកម្ម រុក្ខាប្រមាញ់ និងនេសាទ បន្តជំរុញដល់អង្គភាពជំនាញក្រោមឱវាទ និងមន្ទីរកសិកម្ម រុក្ខាប្រមាញ់និងនេសាទ រាជធានី ខេត្ត ទាំងអស់ចាត់វិធានការតាមដានគ្រប់រូបភាពដើម្បីជំរុញការបង្កបង្កើនផលស្រូវនិងដំណាំកសិកម្ម ផ្សេងទៀតតាមរយៈការអនុវត្តបច្ចេកទេសកសិកម្ម សមស្របឱ្យបានទាំងបរិមាណ និងគុណភាពតាមផែនការកំណត់ ជាពិសេសនៅតំបន់ភូមិសាស្ត្រដែលមានប្រភពទឹក ស្រោចស្រពគ្រប់គ្រាន់ និងការរក្សាទឹកទុកទៅតាមស្ថានភាពជាក់ស្តែង។
ទាក់ទងនិងវិស័យស្រូវអង្ករនេះ នេះសម្តេច អគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាធ្លាប់មានប្រសាសន៍ថា « នៅក្នុងគោលនយោបាយរបស់យើងគឺជំរុញផលិតកម្មស្រូវនឹងការនាំចេញអង្ករឱ្យបាន១លានតោន។នៅក្នុងគោលដៅទាំង២របស់យើងសម្រេចបានតែ១គោលដៅទេគឺយើងធ្វើឱ្យសល់ស្រូវនៅក្នុងប្រទេសរបស់យើងគឺប្រមាណជិត៦លានតោន។តែនិយាយដល់ការនាំចេញអង្ករយើងមិនដែលនាំចេញបាន១លានតោនទេ»។
សម្តេចតេជោ ហ៊ុនសែនមានប្រសាសន៍ថា «ស្ថិតនៅក្នុងស្ថានភាព ជោគជ័យក្នុងគោលដៅមួយគឺផលិតកម្មស្រូវលើសពីតម្រូវការ។កាលពីឆ្នាំ២០០២យើងនៅខ្វះស្រូវនៅឡើយទេ ប៉ុន្តែក្រោយមកយើងខិតខំធ្វើឱ្យសល់ស្រូវ ១លានតោន, ២លានតោន,៣លានតោន រហូតនៅសល់ជិត៦លានតោន។ប៉ុន្តែដល់ការនាំចេញយើងមកដល់ឆ្នាំនេះគឺមានកំណើនតិចគឺបានប្រហែល៥៨ម៉ឺនឬអាចដល់៦០ម៉ឺនតោនដល់ដំណាច់ឆ្នាំ២០១៩ ប៉ុន្តែនៅមិនទាន់គ្រប់គោលដៅរបស់យើងកំណត់១លានតោននោះទេ»៕ កែសម្រួលដោយ ៖ សុឃាក់
ចែករំលែកព័តមាននេះ