ប្រទេសចិន ៖ ក្រុងប៉េកាំងបានសម្រេចកាលពីថ្ងៃទី២៧មករា ពន្យារពេលថ្ងៃឈប់សម្រាកបុណ្យចូលឆ្នាំថ្មីចិន ក្នុងក្របខណ្ឌនៃបណ្ដាវិធានការតស៊ូប្រឆាំងការឆ្លងរាលដាលនៃវីរុសកូរ៉ូណាថ្មី ដែលតុល្យការនៅចិនចំនួនអ្នកបាត់បង់ជីវិត ឡើងដល់៨០នាក់ហើយ ។ វិធានការនេះត្រូវបានប្រកាន់យក ដើម្បីកាត់បន្ថយការប្រមូលផ្ដុំមនុស្សនិងរាំងខ្ទប់ការឆ្លង។…
ប្រទេសចិន ៖ ក្រុងប៉េកាំងបានសម្រេចកាលពីថ្ងៃទី២៧មករា ពន្យារពេលថ្ងៃឈប់សម្រាកបុណ្យចូលឆ្នាំថ្មីចិន ក្នុងក្របខណ្ឌនៃបណ្ដាវិធានការតស៊ូប្រឆាំងការឆ្លងរាលដាលនៃវីរុសកូរ៉ូណាថ្មី ដែលតុល្យការនៅចិនចំនួនអ្នកបាត់បង់ជីវិត ឡើងដល់៨០នាក់ហើយ ។
វិធានការនេះត្រូវបានប្រកាន់យក ដើម្បីកាត់បន្ថយការប្រមូលផ្ដុំមនុស្សនិងរាំងខ្ទប់ការឆ្លង។ នេះជាការអះអាងរបស់រដ្ឋាភិបាលចិនក្នុងសេចក្ដីប្រកាសមួយ ដែលក៏កម្រិតផងដែរចលនារបស់ប្រជាជនពិសេសបំផុតក្នុងដំណាក់កាលសំខាន់នេះប្រចាំឆ្នាំ។ ពលរដ្ឋចិនតាមធម្មតាត្រូវត្រឡប់មកធ្វើការវិញ ថ្ងៃទី៣១ មករា ក្រោយពីសម្រាក៧ថ្ងៃ ជាឱកាសនៃការធ្វើដំណើររបស់មនុស្សច្រើនរយលាននាក់ក្នុងទូទាំងប្រទេស។
រដ្ឋាភិបាលកណ្ដាលចិនប្រកាសនាថ្ងៃទី២៧ មករាថា ក្នុងទូទាំងប្រទេសមានអ្នកឆ្លងវីរុស២៧៤៤នាក់់ហើយមនុស្ស២៤នាក់ថែមទៀតបាត់បង់ជីវិត ក្នុងខេត្តហ៊ូបី ជាចំណុចកណ្ដាលនៃការឆ្លង។ ពុំមានអ្នកបាត់បង់ជីវិតថ្មីនៅខាងក្រៅតំបន់នេះឡើយ។
មុននេះបណ្ដាអ្នកទទួលខុសត្រូវជាន់ខ្ពស់ខាងសុខាភិបាលចិនថ្លែងថា លទ្ធភាពនៃការឆ្លងវីរុសមានកាន់តែខ្លាំង ក៏ទោះបីនៅមិនទាន់ដល់កម្រិតនៃការឆ្លងវីរុស SRAS ដែលបណ្ដាលឲ្យមនុស្សបាត់បង់ច្រើនរយនាក់កាលពីដើមទសវត្សឆ្នាំ២០០០។ កាលពីយប់ថ្ងៃទី២៥ មករា ប្រធានាធិបតីចិន លោកស៊ីជីនពីងបានទទួលស្គាល់ថា សភាពការណ៍ពិតជាធ្ងន់ធ្ងរ ដោយលោកព្រមានថា ការឆ្លងដែលលេចចេញកាលពីខែធ្នូ នៅក្រុងវូហាន ភាគកណ្ដាលប្រទេសមានល្បឿនកាន់តែលឿន។
នាយកអង្គការសុខភាពពិភពលោក WHO លោកTEDROS ADHANOM GHEBREYESUS ប្រកាសថា លោកមកកាន់ចិន ដើម្បីពិភាក្សាជាមួយអាជ្ញាធរប្រទេសនេះពីបណ្ដាវិធានការទប់ស្កាត់ការឆ្លង។ ទោះបីយ៉ាងណា ការសិក្សាលើបណ្ដាអ្នកឆ្លងវីរុសដំបូងៗបង្ហាញថា អត្រានៃការមនុស្សបាត់បង់ជីវិត ដោយសារវីរុស2019 nCoV មានខ្សោយ។ សម្រាប់លោក GUI XI’EN អ្នកឯកទេសខាងជំងឺឆ្លងនៃសាកលវិទ្យាល័យវូហានយល់ថា ចំនួនអ្នកឆ្លងអាចមានច្រើនបំផុតក្នុងរង្វង់ថ្ងៃទី៨កុម្ភៈ មុនពេលចុះថយវិញ។
ការឆ្លងរាលដាលនៃវីរុសនោះបានទៅដល់អឺរ៉ុប និងអូស្ត្រាលីហើយ ម្នាក់នៅកាណាដា ។សហរដ្ឋអាមេរិក ដែលមានអ្នកឆ្លងឡើង៥នាក់ បានប្រកាសរៀបចំការជម្លៀសបុគ្គលិកការទូត និងបណ្ដាពលរដ្ឋអាមេរិកដែលស្ទះជាប់នៅវូហាន ដោយបញ្ជូនយន្តហោះមួយទៅនាថ្ងៃទី២៨ មករា។ ប្រទេសដទៃៗទៀត បានទាក់ទងជាមួយចិន ដើម្បីជម្លៀសពលរដ្ឋពួកគេចេញដែរ ។ បារាំងប្រកាសនាថ្ងៃទី២៦ មករាថា នឹងរៀបចំការធ្វើមាតុភូមិនិវត្តន៍ជនជាតិគេ តាមផ្លូវអាកាសដោយផ្ទាល់ហើយ អ្នកទាំងនេះនឹងដាក់ឲ្យនៅដាច់ពីគេរយៈពេល១៤ថ្ងៃ ។
កាលពីថៃ្ងទី២៦ មករា ចិនបានហាមឃាត់បណ្ដោះអាសន្នការធ្វើពាណិជ្ចកម្មសត្វព្រៃក្នុងបណ្ដាទីផ្សារ ភោជនីយដ្ឋាន និងបណ្ដាទីតាំងពាណិជ្ជអនឡាញ។ ពពួកសត្វព្រៃដែលតាមធម្មតាត្រួវគេប្រមាញ់ យកមកលក់ពោរពាសតាមទីផ្សារ ហើយពពួកសត្វព្រៃត្រូវគេសង្ស័យជាអ្នកផ្ទុកវីរុស ដែលប្ដូររូបចម្លងមកមនុស្ស។ ពស់ ក្រពើ និងសត្វព្រៃឯទៀតៗ អាចកុម្ម៉ង់ទិញតាម TAOBAO ជាប្រព័ន្ធអនឡាញរបស់ក្រុមហ៊ុនអាលីបាបា ។
ប៉ូលិសហុងកុងគូសបញ្ជាក់ថា ពួកបាតុករស្និទ្ធប្រជាធិបតេយ្យ ពេលដែលទីក្រុងនោះកំពុងតែចាត់បណ្ដាវិធានការទប់ស្កាត់ ការឆ្លងរាលដាលនៃវីរុសកូរ៉ូណា កាលពីថ្ងៃទី២៦ ខែមករា បែរជានាំគ្នាគប់ដបសាំងដុតអគារមួយនៅក្រុងហុងកុង ដែលគេជ្រើសរើសសម្រាប់ជាកន្លែងដាក់បណ្ដាមនុស្សសង្ស័យផ្ទុកវីរុស។
ប៉ូលិសនិយាយថា អំពើបែបនោះ ជាការគំរាមកំហែងធ្ងន់ធ្ងរមួយដល់សន្តិសុខ។ អាជ្ញាធរហុងកុងបានប្រកាសថា ការឆ្លងរាលដាលនៃវីរុស ដែលចាប់ផ្ដើមនៅភាគកណ្ដាលចិន ជាបញ្ហាបន្ទាន់សាធារណៈមួយ រួចប្រកាសពីវិធានការទប់ស្កាត់មួយចំនួន។ សម្រាប់ពេលនេះមានមនុស្ស៦នាក់រកឃើញឆ្លងជំងឹនោះនៅហុងកុង ។
វីរុសកូរ៉ូណាថ្មីក្រៅពីចិន មានអ្នកឆ្លង៨នាក់នៅថៃ ហុងកុង៦នាក់ ម៉ាកាវ៥នាក់ អូស្ត្រាលី៤នាក់ ជប៉ុន៤នាក់ ម៉ាឡេស៊ី៤នាក់ សិង្ហបុរី៤នាក់ បារាំង៥នាក់ កូរ៉េខាងត្បូង៣នាក់ តៃវ៉ាន់៣នាក់ អាមេរិក៥នាក់ វៀតណាម២នាក់ នេប៉ាល់ម្នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ