ប្រទេសស៊ីរី ៖ អង្គការសិទ្ធិមនុស្សស៊ីរីOSDHមានប្រភពព័ត៌មានច្រើនក្នុងប្រទេសគូសបញ្ជាក់ថា កងទ័ពស៊ីរីកាលពីថ្ងៃទី២៦មករា បន្តវាយរុលទៅមុខ ឆ្ពោះទៅកាន់ទីក្រុងម៉ាអា រេតអាល់ណូអូម៉ាន ជាទីក្រុងធំទី២នៃខេត្តអ៊ីដលីបនាភាគពាយ័ព្យប្រទេស។ តាមប្រភពនោះថា កងទ័ពស៊ីរីរយៈពេល២៤ម៉ោងចុងក្រោយនេះ…
ប្រទេសស៊ីរី ៖ អង្គការសិទ្ធិមនុស្សស៊ីរីOSDHមានប្រភពព័ត៌មានច្រើនក្នុងប្រទេសគូសបញ្ជាក់ថា កងទ័ពស៊ីរីកាលពីថ្ងៃទី២៦មករា បន្តវាយរុលទៅមុខ ឆ្ពោះទៅកាន់ទីក្រុងម៉ាអា រេតអាល់ណូអូម៉ាន ជាទីក្រុងធំទី២នៃខេត្តអ៊ីដលីបនាភាគពាយ័ព្យប្រទេស។
តាមប្រភពនោះថា កងទ័ពស៊ីរីរយៈពេល២៤ម៉ោងចុងក្រោយនេះ វាយដណ្ដើមយកបានភូមិនិងមូលដ្ឋាន៧ស្ថិតនៅភាគខាងត្បូងខេត្តអ៊ីដលីប ហើយពេលនេះចូលដល់កៀកក្រុងនោះកាន់កាប់ដោយពួកជីហាដ សល់តែប៉ុន្មានរយម៉ែត្រទៀតប៉ុណ្ណោះ។
ខេត្តអ៊ីដលីបនិងផ្នែកមួយចំនួននៃខេត្តអាឡែប ហាម៉ានិងឡាតាគីយេគឹជាមូលដ្ឋានចុងក្រោយស្ថិតក្រោមការត្រួតត្រារបស់ពួកជីហាដនិងពួកឧទ្ទាម ហើយកងទ័ពស៊ីរីបង្ហាញជាច្រើនលើកពីចេតនារបស់ខ្លួនវាយដណ្ដើមយក។ ទីក្រុងម៉ាអារេតអាល់ណូអូម៉ានជាទីក្រុងយុទ្ធសាស្ត្របំផុតមួយ ព្រោះស្ថិតនៅតាមផ្លូវថ្នល់ភ្ជាប់ក្រុងអាឡែបមកក្រុងដាម៉ាស់។
នាយករបស់OSDHលោករ៉ាមីអាប់ដែលរ៉ាហ៍ម៉ានគូសបញ្ជាក់ថា កងទ័ពស៊ីរីពេលនេះចូលមកដល់ច្រកចូលទីក្រុងហើយ។ កងទ័ពស៊ីរីគាំទ្រដោយកងយន្តហោះរុស្ស៊ី បានបង្កើនការវាយប្រហារលើខេត្តអ៊ីដលីបចាប់តាំងពីខែធ្នូមក។ ចាប់តាំងពីពេកនោះមកមនុស្ស៣៥៨.០០០នាក់បានរត់ភៀសខ្លួន ភាគច្រើនជានារីនិងកុមារ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ