តាមប្រភពព័ត៌មាន Soccer Laduma បានឱ្យដឹងថា បន្ទាប់ពីបានបន្តការស៊ុតបាល់បញ្ចូលទីជាមួយនឹងគោលដៅដ៏អស្ចារ្យប្រឆាំងនឹងក្រុម Roma នៅយប់ថ្ងៃពុធនេះ កំពូលតារាឆ្នើមរបស់ក្រុម Juventus កីឡាករ…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីបានបន្តការស៊ុតបាល់បញ្ចូលទីជាមួយនឹងគោលដៅដ៏អស្ចារ្យប្រឆាំងនឹងក្រុម Roma នៅយប់ថ្ងៃពុធនេះ កំពូលតារាឆ្នើមរបស់ក្រុម Juventus កីឡាករ Cristiano Ronaldo ទទួលបានការកោតសរសើរបន្ថែមទៀតចំពោះទម្រង់លេងដ៏ល្អដែលគាត់មាន។
កីឡាករវ័យ៣៤ឆ្នាំរូបនេះ បានរកគ្រាប់បាល់បញ្ចូលទីក្នុងជ័យជម្នះ ៣-១ របស់ក្រុម Bianconeri លើក្រុម Roma ក្នុងវគ្គ១៦ក្រុមចុងក្រោយ Coppa Italia ជាមួយនឹងការខិតខំប្រឹងប្រែងយ៉ាងអស្ចារ្យនៅនាទីទី២៦ នៃការប្រកួត។
Ronaldo រកបានគ្រាប់បាល់១៩គ្រាប់ហើយសម្រាប់រដូវកាលនេះ ជូនដល់ក្លិបសេះបង្កង់ Juventus។ បន្ទាប់ពីក្រុមយក្សអុីតាលីមានលក្ខណៈគ្រប់គ្រាន់សម្រាប់ការប្រកួតវគ្គពាក់កណ្តាលផ្តាច់ព្រ័ត្រនៃការប្រកួតយកពាន អ្នកចាត់ការទូទៅ Maurizio Sarri បានកោតសរសើរចំពោះអតីតកីឡាករ Real Madrid ដោយនិយាយថា ក្រុមបានប្តេជ្ញាចិត្តជួយដល់ Ronaldo ឱ្យឈ្នះពាន Ballon d’Or លើកទី៦។
លោក Sarri បាននិយាយថា «Ronaldo ស្ថិតក្នុងស្ថានភាពកាយសម្បទានិងផ្លូវចិត្តដ៏អស្ចារ្យ។ គាត់កំពុងតែមានល្បឿនគួរឱ្យចាប់អារម្មណ៍និងមានជំនាញអស្ចារ្យ។ គាត់មានកាយសម្បទាមាំមួន។ បើនិយាយពីការរកគ្រាប់បាល់វិញគឺគាត់ល្អណាស់។ គាត់យកចិត្តទុកដាក់យ៉ាងខ្លាំងចំពោះរឿងរ៉ាវតូចៗ។ Ronaldo គឺជាជើងឯក ដែលយើងចង់ជួយគាត់អោយឈ្នះពានរង្វាន់ Ballon d’Or ទី៦។ បើបានពាននេះមែន វានឹងធ្វើអោយយើងទាំងអស់គ្នាសប្បាយចិត្ត» ។
គួរបញ្ជាក់ផងដែរថា អតីតតារាឆ្នើមរបស់ក្រុមបិសាចក្រហម Manchester United បានព្យាយាមលេងយ៉ាងលំបាក់លំបិននៅពាក់កណ្តាលរដូវកាលដំបូងនៃយុទ្ធនាការនេះ ប៉ុន្តែរកគ្រាប់បាល់បាន១១គ្រាប់ក្នុងការប្រកួត Serie A ចំនួន៧លើកកន្លងមក៕ (កែសម្រួលដោយ ៖ ធីតា)
ចែករំលែកព័តមាននេះ