រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា វិឡាកូនកាត់របស់វេជ្ជបណ្ឌិតយោធាម្នាក់ ត្រូវបានអគ្គីភ័យឆាបឆេះផ្អើលទាំងព្រឹក ខណៈពេលដែលម្ចាស់ដុតទៀនធូបសែនថ្ងៃចូលឆ្នាំចិន វៀតណាម ហើយ ទុកចោល ដែលហេតុការណ៍អគ្កីភ័យនេះបង្កអោយមានការភ្ញាក់ផ្អើល…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា វិឡាកូនកាត់របស់វេជ្ជបណ្ឌិតយោធាម្នាក់ ត្រូវបានអគ្គីភ័យឆាបឆេះផ្អើលទាំងព្រឹក ខណៈពេលដែលម្ចាស់ដុតទៀនធូបសែនថ្ងៃចូលឆ្នាំចិន វៀតណាម ហើយ ទុកចោល ដែលហេតុការណ៍អគ្កីភ័យនេះបង្កអោយមានការភ្ញាក់ផ្អើល កាលពីវេលាម៉ោង០៨និង៥០នាទីព្រឹក ថ្ងៃទី២៤ ខែមករានេះ ។
វិឡាកូនកាត់ដែលត្រូវភ្លើង ឆេះលេខ២២៤ ផ្លូវលំភូមិអូរបែកក្អម សង្កាត់អូបែកក្អម ខណ្ឌសែនសុខ រាជធានីភ្នំពេញ ដែលមានម្ចាស់ឈ្មោះសៅ ចំរើន ភេទប្រុស អាយុ៦២ឆ្នាំ ជាវេជ្ជបណ្ឌិតយោធា ។ តាមព័ត៌មានមូលហេតុដែលកើតមានអគ្គីភ័យបណ្តាលមកពីភ្លើងទៀនធូប ដែលម្ចាស់ដុតសែនចូលឆ្នាំ ចិន វៀតណាម ។ នៅព្រឹកនោះម្ចាស់បានដុតធូបនៅកុងម៉ាមួយសន្ទុះ ស្រាប់តែភ្លើងបានឆាបឆេះកុងម៉ា និងឆេះរាលដាល់ទៅដល់ ខោអាវ នៅក្នុងបន្ទប់ បង្កអោយមានការភ្ញាក់ដល់ម្ចាស់ផ្ទះ និងអ្នកជិតខាងនាំគ្នាជួយពន្លត់ ។
នៅក្នុងហេតុការណ៍នេះនគរបាល និងអាជ្ញាធរក៏បានហៅរថយន្តពន្លត់អគ្គីភ័យចំនួន៣គ្រឿងទៅអន្តរាគមន៍បាញ់ពន្លត់អស់ទឹកមួយគ្រឿង ភ្លើងក៏បានរលត់ទៅវិញនៅវេលាម៉ោងប្រមាណ៩និង៣០នាទីព្រឹក ។ តាមនគរបាលការិយាល័យបង្ការ ពន្លត់អគ្គីភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា សំណង់ធ្វើពីថ្មបេតុងជាប្រភេទវីឡាកូនកាត់ត្រូវភ្លើងឆេះបណ្តាលអោយខូចខាត ឆេះពូក និងខោអាវអស់មួយចំនួនតែពុំបណ្ដាលអោយឆេះរាលដាលដល់ផ្ទះអ្នកនៅក្បែរខាងឡើយ ៕ កែសម្រួលដោយ ៖ សុឃាក់
ចែករំលែកព័តមាននេះ