រាជធានីភ្នំពេញ ៖ ការប្រកួតប្រដាល់ក្នុងកម្មវិធី«កម្ពុជា សង្វៀនគុនខ្មែរ»ក្នុងប្រភេទទម្ងន់៦០គីឡូក្រាមរដូវកាលទី៣វគ្គ ១នៅលើសង្វៀនទូរទស្សន៍ស៊ីអិនស៊ីថ្ងៃសៅរ៍ទី២៥ មករា សប្ដាហ៍នេះឈានចូលដល់សប្ដាហ៍ទី២ហើយ។ សម្រាប់ការប្រកួតនៅក្នុងសប្ដាហ៍ទី១កន្លង មកនេះ កីឡាករកម្ពុជា២រូបគឺអេលីត…
រាជធានីភ្នំពេញ ៖ ការប្រកួតប្រដាល់ក្នុងកម្មវិធី«កម្ពុជា សង្វៀនគុនខ្មែរ»ក្នុងប្រភេទទម្ងន់៦០គីឡូក្រាមរដូវកាលទី៣វគ្គ ១នៅលើសង្វៀនទូរទស្សន៍ស៊ីអិនស៊ីថ្ងៃសៅរ៍ទី២៥ មករា សប្ដាហ៍នេះឈានចូលដល់សប្ដាហ៍ទី២ហើយ។
សម្រាប់ការប្រកួតនៅក្នុងសប្ដាហ៍ទី១កន្លង មកនេះ កីឡាករកម្ពុជា២រូបគឺអេលីត សាន់ មកពី
ក្លិបប៉ែនកាក់គុនខ្មែរ និងរ៉ែន រាជ មកពីក្លិបអង្គរ មានជ័យខេត្តសៀមរាបបានធ្លាក់ចេញពីព្រឹត្តិ
ការណ៍មួយនេះក្រោមកណ្ដាប់ដៃកីឡាករថៃ។ដោយឡែកនៅក្នុងសប្ដាហ៍នេះ កីឡាករកម្ពុជា២រូបទៀតគឺតាញ់ មករា មកពីសមាគមកីឡាប្រដាល់ក្រសួងការពារជាតិ និងបាង កាយ៉ាក មកពីសមាគមកីឡាប្រដាល់ក្រសួងកសិកម្មនឹងត្រូវចូលខ្លួនមកប្រកួតជាមួយកីឡាករថៃ។
អ្នកនិយមទស្សនាកីឡាប្រដាល់កំពុងតែទន្ទឹង រង់ចាំមើលថាតើកីឡាករកម្ពុជាទាំង២រូបនេះ អាចសម្រេចគោលដៅរបស់ខ្លួនយកឈ្នះគូប្រកួតបានឬអត់ ខណៈកីឡាករថៃដែលពួកគេត្រូវ ជួបនាពេលនេះហាក់មានសមត្ថភាពខ្លាំងពិបាក ផ្ដួលអ៊ីចឹងនោះ ។ ទោះបីយ៉ាងណា កីឡាករកម្ពុជា
ហាក់បង្ហាញពីទំនុកចិត្តខ្ពស់ក្នុងជំនួបជាមួយ កីឡាករថៃដោយសារតែពួកគេមានពេលវេលាគ្រប់គ្រាន់ក្នុងការហ្វឹកហាត់គួបផ្សំនឹងទឹកចិត្ត ចង់សងសឹកឱ្យកីឡាករមិត្តរួមជាតិផង ធ្វើឱ្យ ឱកាសឈ្នះកាន់តែមានភាគរយខ្ពស់ថែមទៀត។
គួររំលឹកថា កម្មវិធីប្រកួតប្រដាល់«កម្ពុជា សង្វៀនគុនខ្មែរ»នេះតម្រូវយកអ្នកឈ្នះ៤នាក់មិនថាកីឡាករកម្ពុជាឬកីឡាករថៃនោះទេ ដើម្បីឡើងទៅប្រកួតនៅវគ្គបន្តដណ្ដើមចំណាត់ថ្នាក់លេខ១ប្រចាំវគ្គ ។ កីឡាករកម្ពុជាពីររូបបាន បាត់បង់ឱកាសឡើងទៅប្រកួតនៅវគ្គបន្តដូច្នេះគេសង្ឃឹមលើកីឡាករកម្ពុជាតាញ់ មករា និងបាង កាយ៉ាក ថាពិតជាអាចយកឈ្នះកីឡា ករថៃតាមរយៈបទពិសោធន៍ប្រកួតយូរឆ្នាំ។ នៅក្នុងការប្រកួតលើកនេះកីឡាករតាញ់ មករា ត្រូវ ជួបប្រកួតជាមួយកីឡាករថៃឃុនភុនណយ សុីសំអាង និងបាង កាយ៉ាក ត្រូវជួបប្រកួត ជាមួយកីឡាករថៃប្រាបផៃរី ផ្សាណនយីម ដែលសុទ្ធតែជាជើងខ្លាំងដូចគ្នានៅក្នុងពិភពប្រដាល់។
រីឯគូប្រកួតមិត្តភាពនៅក្នុងសប្ដាហ៍នេះមានកីឡាករជើងចាស់ មឿន សុខហ៊ុច មកពីក្លិបពុទ្ធសេរីវង្សពោធិសែនជ័យ ប្រកួតជាមួយកីឡាករថៃ តាក់សិលា ឆ.ហាផាយ៉ាក ក្នុងប្រភេទទម្ងន់៦៣,៥គីឡូក្រាម និងកីឡាករ ចិត្រ សុភី មកពីក្លិបរស្មីភូមិគាបខេត្តបន្ទាយមានជ័យ ប្រកួត ជាមួយកីឡា ករ សេក គឹមអាន មកពីក្លិបអង្គរមានជ័យខេត្តសៀមរាប ៕ (កែសម្រួលដោយ ៖ បុប្ផា)
ចែករំលែកព័តមាននេះ