អាចធ្វើឲ្យឈឺមែន។ នៅពេលអ្នកគេងភ្លាមក្រោយពីបាយរួច អាស៊ីតក្រពះអាចនឹងកើនឡើង និងបង្កជាការមិនមានផាសុកភាពបាន។ រឿងនេះទំនងជាកើតឡើងជាញឹកញាប់បើសិនជាអ្នកមានបញ្ហាជំងឺច្រាលអាស៊ីតក្រពះ ឬជំងឺ Gastroesophageal Reflux Disease (GERD)។
GERD គឺជាជំងឺរំលាយអាហារមួយប្រភេទដែលកើតឡើងនៅពេលអាស៊ីតក្រពះឧស្សាហ៍ច្រាលឡើងទៅលើបំពង់ក។ ពេលនោះបំពង់លើក្រពះអាចនឹងងាយរលាកដោយសារតែអាស៊ីតនេះតែម្តង។ យោងទៅតាមការសិក្សាមួយក្នុងឆ្នាំ ២០០៥ ដែលចុះផ្សាយក្នុងសារព័ត៌មាន American Journal of Gastroenterology អ្នកជំងឺ GERD ត្រូវបានលើកទឹកចិត្តឲ្យរង់ចាំ ៣ម៉ោងអ៊ីសិនក្រោយពីញ៉ាំអាហាររួច ទើបអាចគេងបាន។
តើអ្វីទៅជាក្រពះមិនកិនអាហារ ឲ្យប្រាកដ? ៖ ក្រពះមិនកិនអាហារគឺជាអាការៈមិនមានផាសុកភាពក្នុងពោះផ្នែកខាងលើ។ ជាមួយគ្នានេះដែរ គេអាចហៅវាម្យ៉ាងវិញទៀតថា Dyspepsia។ ថ្វីបើអាការៈអាចមានលក្ខណៈខុសៗគ្នាពីមនុស្សម្នាក់ទៅមនុស្សម្នាក់ទៀត អាការៈនៃការមិនរំលាយអាហារអាចមានដូចជា៖
១-មានអារម្មណ៍ថាណែនៗក្រោយពីចាប់ផ្តើមញ៉ាំអាហាររួច
២- ណែនៗក្នុងពោះក្រោយបាយរួច
៣- ឈឺពោះ
៤- ហើមពោះ
៥- ផោមច្រើន
៦- ចង្អោ
ក្រពះមិនកិនអាហារជាញឹកញាប់បង្កឡើងដោយ៖
១-ញ៉ាំអាហារលឿនពេក ញ៉ាំអាហារមិនម៉ត់ល្អ
២- ញ៉ាំច្រើនជ្រុលពេក
៣- ញ៉ាំអាហារសម្បូរខ្លាញ់
៤- អាហារហិរ
៥- ជាតិកាហ្វេអ៊ីន
៦- ភេសជ្ជៈមានជាតិហ្គាស
៧- ជក់បារី
៨- គ្រឿងស្រវឹង
៩- ថប់អារម្មណ៍ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ