ខេត្តមណ្ឌលគិរី ៖ បើតាមសេចក្តីរាយការណ៍បឋមបានឱ្យដឹងថា កាំភ្លើងអាការមួយដើម ត្រូវបានប្រជាពលរដ្ឋប្រទះឃើញនៅរន្ធឈើ ដោយសង្ស័យថា ព្រានព្រៃយកទៅប្លុងចោល ដែលករណីនេះបានកើតឡើងកាលពីថ្ងៃទី១៩ ខែមករា ហើយបានយកទៅប្រគល់ជូនសមត្ថកិច្ចនៅថ្ងៃទី២១…
ខេត្តមណ្ឌលគិរី ៖ បើតាមសេចក្តីរាយការណ៍បឋមបានឱ្យដឹងថា កាំភ្លើងអាការមួយដើម ត្រូវបានប្រជាពលរដ្ឋប្រទះឃើញនៅរន្ធឈើ ដោយសង្ស័យថា ព្រានព្រៃយកទៅប្លុងចោល ដែលករណីនេះបានកើតឡើងកាលពីថ្ងៃទី១៩ ខែមករា ហើយបានយកទៅប្រគល់ជូនសមត្ថកិច្ចនៅថ្ងៃទី២១ ខែមករា ឆ្នាំ២០២០ កាលពីម៉ោង៩និង១០នាទីព្រឹក ។
សេចក្តីរាយការណ៍បានឲ្យដឹងថា អនុប្រធានភូមិពូហ៊ូង ឃុំចុងផ្លាស់ បានយកកាំភ្លើងចំនួន១ដើម ម៉ាកអាកាស្វាយបទ លេខ១៦០៦២៧ ហើយត្រូវបានឈ្មោះ អ្យុយ ខាំ ភេទប្រុស អាយុ៣៤ឆ្នាំ ជនជាតិព្នង រស់នៅភូមិពូហ៊ូង ឃុំចុងផ្លាស់ ស្រុកកែវសីមា ដែលរើសបាននៅរន្ធដើមស្រឡៅ ជិតដើមជ័ររបស់ខ្លួន ខណៈដើរដងជ័រទឹកនៅចំណុចព្រៃណាំហាំង។
ក្រោយពេលប្រទះឃើញអាវុធខាងលើ បុរសរូបនេះបានយកទៅប្រគល់ឲ្យអនុប្រធានភូមិពូហ៊ូង នៅថ្ងៃទី២០ ខែមករា ម៉ោង៨និង១៥នាទីយប់ លុះដល់ព្រឹកថ្ងៃទី២២ ខែមករា ទើបលោកអនុប្រធានភូមិពូហ៊ូង បានយកអាវុធនោះមកប្រគល់ជូនសមត្ថកិច្ចនៅប៉ុស្តិ៍នគរបាលរដ្ឋបាលចុងផ្លាស់ ដើម្បីរក្សារទុក៕ (កែសម្រួលដោយ ៖ បុប្ផា)
ចែករំលែកព័តមាននេះ