រឿងសម្ងាត់ដែលជួយឱ្យលោក John Sculley ជោគជ័យខ្លាំង
យោងទៅតាមលោក ចន ស្គូលី (John Sculley) ដែលជាទីប្រឹក្សាសហគ្រិន វិនិយោគិនក្នុងវិស័យបច្ចេកវិទ្យា និងអតីតនាយកប្រតិបត្តិរបស់ក្រុមហ៊ុន Apple បានឲ្យដឹងថា…
យោងទៅតាមលោក ចន ស្គូលី (John Sculley) ដែលជាទីប្រឹក្សាសហគ្រិន វិនិយោគិនក្នុងវិស័យបច្ចេកវិទ្យា និងអតីតនាយកប្រតិបត្តិរបស់ក្រុមហ៊ុន Apple បានឲ្យដឹងថា…
យោងទៅតាមលោក ចន ស្គូលី (John Sculley) ដែលជាទីប្រឹក្សាសហគ្រិន វិនិយោគិនក្នុងវិស័យបច្ចេកវិទ្យា និងអតីតនាយកប្រតិបត្តិរបស់ក្រុមហ៊ុន Apple បានឲ្យដឹងថា អ្នកមិនចាំបាច់រកយុទ្ធសាស្ត្រច្រើនដើម្បីក្លាយជាមនុស្សជោគជ័យទេ ព្រោះអ្វីដែលអ្នកចាំបាច់ត្រូវដឹង គឺមានតែពាក្យបីម៉ាត់តែប៉ុណ្ណោះ។
ក្នុងពេលថ្មីៗនេះ លោកបានផ្តល់ដំបូន្មានដល់និស្សិតដែលទើបតែបញ្ចប់ការសិក្សាក្នុងសាកលវិទ្យាល័យ Thomas Jefferson University ក្នុងសហរដ្ឋអាមេរិកឲ្យជ្រើសរើសនៅជីវិតដែលមានគោលដៅច្បាស់លាស់ ។
លោកបានយល់ពីសារសំខាន់នៃការរស់នៅដោយមានគោលដៅច្បាស់លាស់ក្នុងទសវត្សឆ្នាំ ១៩៨០ ពេលដែលលោកមហាសេដ្ឋី ប៊ីល ហ្គេតស៍ (Bill Gates) និង ស្ទីវ ចបស៍ (Steve Jobs) ត្រូវបានល្បីឈ្មោះក្នុងផ្នែកជួយអ្នកដទៃតាមរយៈបច្ចេកវិទ្យា ។
លោក ស្គូលី ថែមទាំងចាកចេញពី Pepsi ដើម្បីទៅ Apple ក្នុងឆ្នាំ ១៩៨៣ ថែមទៀតពេលដេលលោក ចបស៍ សួរលោកថា «តើអ្នកចង់លក់ទឹកស្ករអស់មួយជីវិត ឬអ្នកចង់ផ្លាស់ប្តូរពិភពលោកជាមួយនឹងខ្ញុំ?»
លោកបានទទួលស្គាល់ថា លោកមិនបានយល់ពីទស្សនៈនៃការផ្លាស់ប្តូរពិភពលោកនេះទេនាពេលនោះ ប៉ុន្តែបច្ចុប្បន្ននេះ ការរស់នៅជីវិតដោយពោរពេញទៅដោយគោលដៅច្បាស់លាស់ គឺពិតជាសំខាន់ណាស់ ខណៈដែលមនុស្សកាន់តែរវល់ទៅ ហើយវាក៏កាន់តែងាយស្រួលជាងមុនដែរ ។ ប្រសិនបើអ្នកមិនទាន់មានគោលដៅច្បាស់លាស់ណាមួយសម្រាប់ជីវិតក្រៅពីគោលដៅផ្ទាល់ខ្លួនទេ លោក ស្គូលី ផ្តល់យោបល់ឲ្យអ្នកបើកចិត្តឲ្យទូលាយចំពោះអ្វីដែលពិភពលោកមាន ។ មានន័យថា អ្នកគួរតែរក្សាទម្លាប់ពូកែឆ្ងល់ និងបើកចិត្តទទួលយករាល់លទ្ធភាពដែលអាចនឹងកើតមានឡើងក្នុងជីវិត ។
ប្រាកដណាស់ ភាពជោគជ័យមិនមែនជាអ្វីគ្រប់យ៉ាងក្នុងជីវិតទេ ហើយលោក ស្គូលី បានចែករំលែកថាព្រំដែនរវាងភាពជោគជ័យ និងការបរាជ័យគឺពិតជាស្តើងណាស់ ។ ហើយពេលខ្លះទៀត មនុស្សត្រូវបរាជ័យជាមុនសិនទើបអាចជោគជ័យតាមក្រោយបាន ។ ប៉ុន្តែលោកចបស៍ធ្លាប់បាននិយាយថា ពាក់កណ្តាលនៃអ្វីទាំងអស់ដែលបែងចែករវាងសហគ្រិនជោគជ័យ និងសហគ្រិនដែលមិនជោគជ័យគឺភាពអត់ធន់ ៕
ចែករំលែកព័តមាននេះ