រាជធានីភ្នំពេញ ៖ លោកសាំ ពិសិដ្ឋ ប្រធានមន្ទីសាធារណការ និងដឹកជញ្ជូនរាជធានីភ្នំពេញ បានអោយដឹងថា បង្គោលភ្លើងស្តុបផ្លូវជាតិលេខ១ នៅច្បារអំពៅ ដែលត្រូវបានរថយន្តបុកនោះ ពេលនេះត្រូវបានជួសជុល និងដាក់អោយដំណើរការវិញហើយ។
គួររំលឹកថា កាលពីវេលាម៉ោង២៣យប់ថ្ងៃទី២៣ ខែមករា ឆ្នាំ២០២០កន្លងមក មានរថយន្តកុងតឺន័រធុនធំ បានបើកបុករះម៉ូតូចំនួន២គ្រឿង និងបុកបង្គោលភ្លើងស្តុប នៅតាមបណ្តោយផ្លូវជាតិលេខ១ ស្ថិតក្នុងសង្កាត់ច្បារអំពៅ ខណ្ឌច្បាអំពៅ បណ្តាលអោយមនុស្ស២នាក់ បានរងរបួសធ្ងន់ និងបញ្ជូនទៅមន្ទីរពេទ្យភ្លាមៗ ៕ (កែសម្រួលដោយ ៖ ធីតា)
ចែករំលែកព័តមាននេះ