រាជធានីភ្នំពេញ ៖ ក្រសួងយុត្តិធម៌បានអះអាងបេក្ខជន ឈ្មោះ គង់ ប៊ុនរិទ្ធ ជាសិស្សចៅក្រមជំនាន់ទី១០ពិតជាបានប្រឡងធ្លាក់ ពោលគឺមិនដូចការតវ៉ានោះទេ ។ យោងតាមប្រកាសព័ត៌មានរបស់ក្រសួងយុត្តិធម៌សូមជម្រាបជូនសាធារណជនអំពីព័ត៌មានទាក់ទងនឹងករណីបេក្ខជន…
រាជធានីភ្នំពេញ ៖ ក្រសួងយុត្តិធម៌បានអះអាងបេក្ខជន ឈ្មោះ គង់ ប៊ុនរិទ្ធ ជាសិស្សចៅក្រមជំនាន់ទី១០ពិតជាបានប្រឡងធ្លាក់ ពោលគឺមិនដូចការតវ៉ានោះទេ ។ យោងតាមប្រកាសព័ត៌មានរបស់ក្រសួងយុត្តិធម៌សូមជម្រាបជូនសាធារណជនអំពីព័ត៌មានទាក់ទងនឹងករណីបេក្ខជន ឈ្មោះ គង់ ប៊ុនរិទ្ធ ដែលបានប្រទ្បងធ្លាក់នៅក្នុងការប្រទ្បងប្រជែងជ្រើសរើសសិស្សចៅក្រម ជំនាន់ទី១០ដូចតទៅ៖ យោងតាមការស្រាវជ្រាវ របស់ក្រសួងយុតិ្តធម៌ និងរាជបណ្ឌិតសភាវិជ្ជាជីវៈតុលាការ ដោយមានការចូលរួម ពីអង្គភាពប្រឆាំងអំពើពុករលួយ បេក្ខជនឈ្មោះ គង់ ប៊ុនរិទ្ធ ទទួលបានពិន្ទុមធ្យមភាពស រុបក្នុងវិញ្ញាសារសរសេរ ២៣,២៥ ពិន្ទុ លើ១០០ពិន្ទុ និងទទួលបានលំដាប់លេខរៀងតាមពិន្ទុ នៅលំដាប់លេខរៀងទី១០៣ លើបេក្ខជនចំនួន១២០រូប ដែលបានអនុញ្ញាត ឲ្យទៅប្រទ្បងវិញ្ញាសារផ្ទាល់មាត់ ក្នុងដំណាក់កាលបន្ទាប់។
ក្រសួងបន្តថាបន្ទាប់ពីវិញ្ញាសារផ្ទាល់មាត់ បេក្ខជនរូបនេះបានទទួលនូវពិ ន្ទុមធ្យមភាគសរុប ទាំងវិញ្ញាសារសរសេរ និងវិញ្ញាសារផ្ទាល់មាត់ បូកបញ្ចូលគ្នាបាន ៤០,៩០ពិន្ទុ លើ១០០ ពិន្ទុ និងជាប់ក្នុងលំដាប់លេខរៀងទី៩០។ ឯកសារជាមូលដ្ឋាន ក្នុងការផ្ទៀងផ្ទាត់នេះ ក៏មានការរក្សាទុកដោយរាជបណ្ឌិតសភាវិជ្ជាជីវៈតុលាការ និងអង្គភាពប្រឆាំងអំពើពុករលួយផងដែរ ។ បន្ទាប់ពីមានការតវ៉ារបស់សាមីខ្លួន ក្រសួងយុតិ្តធម៌ និងរាជបណ្ឌិតសភាវិជ្ជាជីវៈតុលាការ ដោយមានការចូលរួមពីអង្គភាពប្រឆាំងអំពើពុករលួយ បានធ្វើការស្រាវជ្រាវ និងត្រួតពិនិត្យផ្ទៃក្នុងទៅលើឯកសារកំណែ ការស្រង់ពិន្ទុ និងការបូកពិន្ទុ ឃើញថាមានភាពត្រឹមត្រូវ និង សុក្រិតភាព១០០% ដោយគ្មានការភ័ន្តច្រទ្បំ ឬភាពមិនប្រក្រតីណាមួយទ្បើយ។
កន្លងមក ក្រសួងយុតិ្តធម៌ រួមជាមួយរាជបណ្ឌិតសភាវិជ្ជាជីវៈតុលាការ ដោយមានការចូលរួមពីអង្គភាពប្រឆាំងអំពើពុករលួយ បានផ្តល់ឱកាសដល់បេក្ខជនដែល បានដាក់ពាក្យសុំតវ៉ាទាំងអស់ អាចជួបជាមួយ គណៈកម្មការចំពោះកិច្ចនេះ ដើម្បីបង្ហាញជូនអំ ពីលទ្ធផលនៃការស្រាវជ្រាវផ្ទៃក្នុង ក៏ដូចជាពន្យល់អំពីគោលការណ៍នានា ទាក់ទងនឹងកិច្ច ដំណើរការនៃការប្រទ្បងប្រជែងសិស្សចៅក្រម ដែលមានចែងក្នុងបទបញ្ជា និងវិធាន នៃការប្រទ្បងប្រជែង ដែលត្រូវបានអនុវត្តចាប់តាំងពីការប្រទ្បងប្រជែងសិស្សចៅក្រម ជំនាន់ទី៧ រហូតដល់បច្ចុប្បន្ន។ គោលការណ៍ទាំងនោះ ត្រូវបានរៀបចំទ្បើងដោយមានការចូល រួមយោបល់ពីអង្គភាពប្រឆាំងអំពើពុករលួយ ដើម្បីធានាតម្លាភាព ភាពត្រឹមត្រូវ និងជំនឿទុកចិត្តសម្រាប់កិច្ចដំណើរការនៃការប្រទ្បងប្រជែងទាំងមូល។
ក្រសួងយុត្តិធម៌បានលើកឡើងទៀតថានៅថ្ងៃទី២៦ ខែធ្នូ ឆ្នាំ២០១៩ គណៈកម្មកា រចំពោះកិច្ច ដោយមានការចូលរួមសង្កេតការណ៍ពីអង្គភាពប្រឆាំងអំពើពុករលួយ បានទទួលជួបបេក្ខជនចំនួន ០៤រូប រួមមាន៖ (១)-ឈ្មោះ សូ ដាវី, (២)-ឈ្មោះ គង់ ប៊ុនរិទ្ធ,(៣)- សើ ស្រីម៉ៅ និង (៤)- វ៉ា វិចិត្រ ដើម្បីបង្ហាញជូននូវលទ្ធផលនៃការស្រាវជ្រាវ របស់គណៈកម្មការចំពោះកិច្ច និងបកស្រាយពន្យល់អំពីហេតុផល និងគោលការណ៍តម្លាភាព នៃការប្រទ្បងប្រជែងក្នុងគ្រប់ដំណាក់កាលនៃវិញ្ញាសារ ព្រមទាំងការធានាជាក់ស្តែងអំពី តម្លាភាពនេះ តាមរយៈការចូលរួមសង្កេតការណ៍ពីអង្គភាពប្រឆាំងអំពើពុករលួយ ដែលត្រូ វបានចាត់ទុកថាជា “កែវភ្នែកនៃតម្លាភាព” សម្រាប់កិច្ចដំណើរការនៃការប្រទ្បងនេះ។
ក្រសួងក៏បានលើកឡើងថា បេក្ខជនចំនួន០៣រូបដែលបានចូលរួមក្នុងជំនួបនេះ បានយល់ព្រមទទួលស្តាប់នូវការពន្យល់អំពីហេតុផល និងគោលការណ៍ទាំងនេះ ពីដើមរហូតដល់ចប់ ព្រមទាំងបានទទួលព័ត៌មានអំពីពិន្ទុដែលជាល ទ្ធផលនៃការប្រទ្បងរបស់ខ្លួន ។ ដោយទ្បែក មានតែបេក្ខជនមួយរូបតែប៉ុណ្ណោះ ឈ្មោះ គង់ ប៊ុនរិទ្ធ ដែលបានស ម្រេចចិត្តចាកចេញពីជំនួបនោះតែឯង ដោយខ្លួនឯង ដោយប្រកាន់ជំហរដាច់ខាត មិនទទួលស្តាប់ហេតុផលការបកស្រាយ និងលទ្ធផលនៃការស្រាវជ្រាវផ្ទៃក្នុងរបស់ គណៈកម្មការចំពោះកិច្ចទ្បើយ។ នៅក្នុងការតវ៉ាអំពីតម្លាភាពនេះ បេក្ខជនឈ្មោះ គង់ ប៊ុនរិទ្ធ ពុំមានបង្ហាញជូនរាជបណ្ឌិតសភាវិជ្ជាជីវៈតុលាការ នូវភស្តុតាងអំពីភាពមិនប្រក្រតីណាមួយ ទាក់ទងនឹងការប្រទ្បងនោះទ្បើយ ក្រៅពីការអះអាងដោយអំនួតថាខ្ញុំ“បានខិតខំធ្វើបាន យ៉ាងល្អលើគ្រប់វិញ្ញាសាទាំងសរសេរ និងវិញ្ញាសារផ្ទាល់មាត់”។
សេចក្តីប្រកាសព័ត៌មានបានលើកឡើងទៀតថាជំនួបជាមួយគណៈកម្មការចំពោះកិច្ចនេះ មានថតជាវីដេអូរក្សាទុកដោយអង្គភាពប្រឆាំងអំពើពុករលួយ។ បេក្ខជនដែលបា នប្រទ្បងធ្លាក់ឈ្មោះ គង់ ប៊ុនរិទ្ធ បានជ្រើសរើសវិធីដើរចេញពីជំនួប ជាមួយគណៈកម្មកា រចំពោះកិច្ចដើម្បីដោះស្រាយលើពាក្យសុំតវ៉ារបស់ខ្លួន ដែលខុសគេពីបេក្ខជនដទៃទៀត ហើយជ្រើសរើសវិធីផ្សេង តាមរយៈ ការប្រើប្រាស់បណ្តាញសង្គមហ្វេសប៊ុក សារព័ត៌មាន និងយន្តការនយោបាយ ទៅវិញ។
ទន្ទឹមនឹងនេះ ក្រៅពីជាបុគ្គលដែលមិននិយាយអំពីហេតុផល និងមានឥរិយាបថច្រទ្បោងខាម, បេក្ខជនឈ្មោះ គង់ ប៊ុនរិទ្ធ បានប្រើប្រាស់នូវពាក្យ សម្តីមិនសមរម្យ ប្រាសចាកពីក្រមសីលធម៌សង្គម នៅក្នុងការបង្ហោះផ្សព្វផ្សាយ និងComment នៅក្នុងបណ្តាញសង្គមហេ្វសប៊ុក ដែលក្រសួងមិនត្រឹមតែមិនអាចទទួលយកបាន ប៉ុន្តែក្រសួងលែងមានភាពចាំបាច់ ក្នុងការឆ្លើយឆ្លងជាមួយបុគ្គលរូបនេះ នៅក្នុងបណ្តាញសង្គមហ្វេសប៊ុកទ្បើយ។ ក្រសួងបានលើកឡើងថា ប្រសិនបើបុគ្គលនេះ ផ្លាស់ប្តូរឥរិយាបថច្រទ្បោងខាមរ បស់ខ្លួន និងឲ្យតម្លៃ ទៅលើហេតុផល ក្រសួងយុតិ្តធម៌ នឹងអនុញ្ញាតឲ្យរាជ បណ្ឌិតសភាវិជ្ជាជីវៈតុលាការ ពិនិត្យ និងពិចារណាក្នុងការទទួលជួបបុគ្គលនេះជាថ្មី។
ក្រសួងយុត្តិធម៌សូមបញ្ជាក់ជាថ្មីថា៖« ការប្រទ្បងប្រជែងសិស្សចៅក្រម ជំនាន់ទី១០ បានប្រព្រឹត្តទៅដោយមានការចូលរួមសង្កេតការណ៍ពេញលេញពីអង្គភាពប្រឆាំងអំពើពុករលួយ នៅក្នុងគ្រប់ដំណាក់កាលនៃការប្រទ្បងប្រជែង ដើម្បីធានានូវតម្លាភាព និងជំនឿទុកចិត្តនៃ កិច្ចដំណើរការប្រទ្បងប្រជែងនេះ ហើយក្រសួងយុតិ្តធម៌ក៏បានបកស្រាយបំភ្លឺអំពីគោល ការណ៍នៃតម្លាភាពនៃកិច្ចដំណើរការប្រទ្បងប្រជែងនេះ ជូនឧត្តមក្រុមប្រឹក្សាពិគ្រោះ និងផ្តល់យោបល់ ហើយសូមស្វាគមន៍ជានិច្ចរាល់មតិយោបល់ផ្នែកបច្ចេកទេស ពីគ្រប់មជ្ឈដ្ឋាន ដើម្បីធ្វើឲ្យកិច្ចដំណើរការប្រទ្បងប្រជែងនេះកាន់តែមានសុក្រិត និងតម្លាភាព ប្រកបដោយជំ នឿទុកចិត្ត។ ក្នុងករណីសាមីខ្លួននៅតែមានភាពមន្ទិលសង្ស័យអំពីតម្លាភាពនៃកិច្ចដំណើរការប្រទ្បងប្រជែងនេះ ក្រសួងយុតិ្តធម៌លើកទឹកចិត្តឲ្យសាមីខ្លួន ពិនិត្យលទ្ធភាពដែលច្បាប់អនុញ្ញាត ធ្វេីការតវ៉ានេះទៅកាន់អង្គភាពប្រឆាំងអំពើពុករលួយ ។
សូមជម្រាបថាបេក្ខជនគង់ ប៊ុនរិទ្ធកាលពេលកន្លងមកបានធ្វើការតវ៉ាដោយបង្ហាញតាម រយៈវីឌីអូឃ្លីបលើបណ្តាញសង្គមថាអត្រាកំណែក្នុងសំណេររបស់មានភាពមិនប្រក្រតី ។ ជាងនេះលោកបានធ្វើកិច្ចសម្ភាសន៍ជាមួយវិទ្យុសម្លេងសហរដ្ឋអាមេរិក វីអូអេ ទៀត ដោយលោកបានស្នើអន្តរាគមន៍ទៅកាន់សម្តេចតេជោ ហ៊ុន សែននាយករដ្ឋមន្ត្រី ចំពោះករណីប្រឡងរបស់លោកទៀតផង៕
ចែករំលែកព័តមាននេះ