Mourinho សម្លឹងឃើញកីឡាកររបស់ Leicester City
តាមប្រភពព័ត៌មាន Soccer Laduma បានឱ្យដឹងថា រហូតមកដល់ពេលនេះ Tottenham Hotspur ទើបតែបានចុះកុងត្រាមួយលើកប៉ុណ្ណោះ នៅក្នុងខែមករា ប៉ុន្តែពេលនេះលោក…
តាមប្រភពព័ត៌មាន Soccer Laduma បានឱ្យដឹងថា រហូតមកដល់ពេលនេះ Tottenham Hotspur ទើបតែបានចុះកុងត្រាមួយលើកប៉ុណ្ណោះ នៅក្នុងខែមករា ប៉ុន្តែពេលនេះលោក Jose Mourinho ត្រូវបានគេរាយការណ៍ថា កំពុងសម្លឹងឃើញកីឡាករដែលបានចូលលេងនៅ Premier League កាលពីមុន។
ក្លិបរបស់លោក Mourinho ទើបតែឈ្នះបាន៤ប្រកួតក្នុងចំណោម១១ប្រកួតរបស់លោក ក្នុងការទទួលបន្ទុក Spurs ហើយភារកិច្ចរបស់លោកកាន់តែពិបាកខ្លាំង បន្ទាប់ពីខ្សែប្រយុទ្ធឆ្នើម Harry Kane បានរងរបួសសរសៃពួរ។
ជាលទ្ធផលអ្នកប្រកួតវគ្គផ្តាច់ព្រ័ត្រពានរង្វាន់ UEFA Champions League ឆ្នាំ ២០១៨-ឆ្នាំ២០១៩ ត្រូវបានគេរាយការណ៍ថាកំពុងស្វែងរកខ្សែប្រយុទ្ធថ្មី។ យោងតាមសារព័ត៌មាន The Telegraph បានឱ្យដឹងថា ក្រុម Spurs ឥឡូវនេះគឺដេញតាមប្រម៉ាញ់កីឡាករ Islam Slimani របស់ Leicester City។ កីឡាករវ័យ៣១ឆ្នាំរូបនេះបានចូលរួមជាមួយក្លិបកញ្ជ្រោង ក្នុងតម្លៃបំបែកកំណត់ត្រាក្លិបចំនួន ២៩ លានផោន កាលពីឆ្នាំ ២០១៦ ប៉ុន្តែរកបានតែ១៣គ្រាប់ប៉ុណ្ណោះក្នុង៤៦ប្រកួតសម្រាប់ក្លិប។
រដូវកាលនេះគាត់កំពុងខ្ចីជើងនៅ AS Monaco ដែលទម្រង់លេងរបស់គាត់មានភាពប្រសើរឡើង។ រហូតមកដល់ពេលនេះគាត់បានរកគ្រាប់បាល់បាន៧គ្រាប់ក្នុងការបង្ហាញខ្លួនចំនួន១៤លើកនៅប្រទេសបារាំង ។ ខណៈដែលលោក Mourinho និង Spurs យល់ថានឹងបង្កើនកម្លាំងរបស់ខ្លួន ការទិញយក Slimani អាចជាជម្រើសមួយផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ