Man Utd ពិភាក្សារកអ្នកមកជំនួសគ្រូបង្វឹកបច្ចុប្បន្ន?
តាមប្រភពព័ត៌មាន Soccer Laduma បានឱ្យដឹងថា ស្របពេលដែលក្រុម Manchester United កំពុងតែព្យាយាមរកផ្លូវងើបមុខឡើងលើតារាង ក្រោមការដឹកនាំរបស់ Ole…
តាមប្រភពព័ត៌មាន Soccer Laduma បានឱ្យដឹងថា ស្របពេលដែលក្រុម Manchester United កំពុងតែព្យាយាមរកផ្លូវងើបមុខឡើងលើតារាង ក្រោមការដឹកនាំរបស់ Ole…
តាមប្រភពព័ត៌មាន Soccer Laduma បានឱ្យដឹងថា ស្របពេលដែលក្រុម Manchester United កំពុងតែព្យាយាមរកផ្លូវងើបមុខឡើងលើតារាង ក្រោមការដឹកនាំរបស់ Ole Gunnar Solskjaer ក្លិបយក្សរបស់អង់គ្លេសមួយនេះ ត្រូវបានគេរាយការណ៍ថា បានបើកកិច្ចពិភាក្សារកមើលអ្នកជំនួសគ្រូបង្វឹករូបនេះ។
ក្នុងរដូវកាលនេះ ក្លិបបិសាចក្រហមឈ្នះបានតែ៣លើកប៉ុណ្ណោះក្នុងចំណោម៧ប្រកួតនៃលីគកំពូលរបស់ពួកគេ។ ទោះយ៉ាងណាក៏ដោយ ក្លិបនេះនៅតែបន្តរកផ្លូវងើបមុខវិញ ជាមួយនឹងការហ៊ានជះលុយគ្រប់បែបយ៉ាង ដើម្បីធានាថាក្លិបនេះនៅតែជាក្លិបល្បី។ ប្រសិនបើនៅតែធ្លាក់ជើងបែបនេះទៀត គេនឹងរកវិធីផ្លាស់ប្តូរហើយ។
ប្រសិនបើ United ខកខានមិនបានឈរនៅលើកំពូលតារាងទាំងបួននៅចុងបញ្ចប់នៃយុទ្ធនាការឆ្នាំ ២០១៩-ឆ្នាំ២០២០ មនុស្សជាច្រើនជឿជាក់ថាពេលវេលារបស់ Solskjaer នៅ Old Trafford នឹងខិតចូលមកកាន់តែបញ្ចប់។ ជាលទ្ធផលថៅកែក្លិបបានបើកការសន្ទនាជាមួយលោក Mauricio Pochettino អតីតគ្រូបង្វឹកក្រុម Tottenham Hotspur រួចហើយ ដើម្បីចូលកាន់តំណែងនៅរដូវកាលក្រោយនេះ បើយោងតាមអ្នកសារព័ត៌មានអ៊ីតាលី Alfredo Pedulla ។
គ្រូបង្វឹកសញ្ជាតិអាហ្សង់ទីនរូបនេះ បច្ចុប្បន្នគ្មានក្លិបសម្រាប់កាន់នោះទេ ប៉ុន្តែត្រូវបានគេរាយការណ៍ថា បានទាមទារឱ្យមានការគ្រប់គ្រងពេញលេញលើការផ្ទេរ ប្រសិនបើគាត់នឹងកាន់កាប់តំណែងនៅ Old Trafford ។ Man United ក៏បានពិចារណាលើអតីតគ្រូបង្វឹកក្រុម Juventus លោក Massimiliano Allegri ដែលអាចរកបាននៅពេលនេះដែរ ប៉ុន្តែពួកគេចូលចិត្ត Pochettino ជាជម្រើសដំបូងរបស់ពួកគេ៕ (កែសម្រួលដោយ ៖ ធីតា)
ចែករំលែកព័តមាននេះ