នៅពេលចាប់ផ្តើមនៃទសវត្សថ្មីនេះ ក្រុមហ៊ុន Hyundai Group បានបង្ហាញពីផែនការរបស់ខ្លួនសម្រាប់ការផលិតរថយន្តអគ្គិសនីបន្ថែមទៀត ពីចំនួន២៤ប្រភេទក្នុងគម្រោងចាស់ ទៅដល់៤៤គ្រឿងសម្រាប់រថយន្ត Hybrid និង អគ្គិសនីសុទ្ធនៅឆ្នាំ២០២៥។ នៅពេលនេះ យើងបានដឹងថាពេលណាយើងអាចរំពឹងថានឹងឃើញរថយន្តអគ្គិសនីចេញពីក្រុមហ៊ុន Kia ដែលជាយីហោមួយនៅក្រោមក្រុមហ៊ុន Hyundai Group។
យោងតាម Kia បានឱ្យដឹងថា គម្រោងរបស់យីហោនេះនឹងដាក់ឱ្យមានរថយន្តអគ្គិសនី១១ប្រភេទ នៅឆ្នាំ២០២៥ ជាមួយនឹងការកំណត់ភាគហ៊ុនរថយន្តអគ្គិសនីលើពិភពលោកឱ្យបាន៦.៦%។ ដើម្បីសម្រេចរឿងនេះ ម៉ូដែលអគ្គិសនីដំបូងរបស់ Kia នឹងមានមុខនៅឆ្នាំ២០២១។ វាមិនដូចទៅនឹងរថយន្ត Kia Niro អគ្គិសនី និង Kia Soul អគ្គិសនីនោះទេ ដោយសារតែវានឹងមិនមែនត្រឹមតែជារថយន្តអគ្គិសនី ដែលមានជម្រើស Hybrid ឬប្រើសាំង ដូចម៉ូដែលផ្សេងៗឡើយ។
នាពេលបច្ចុប្បន្នក្រុមហ៊ុន Kia ផ្តល់ជូននូវរថយន្តអគ្គិសនីជាច្រើនរួមទាំងរថយន្ត Niro EV និងរថយន្ត Kia Soul EV ដែលចេញនាពេលខាងមុខ ទោះបីជាការមកដល់របស់ Kia Soul EV ត្រូវបានគេលើកទៅឆ្នាំ២០២១ក៏ដោយ។ ប៉ុន្តែការលក់របស់រថយន្ត Niros បានត្រឹមតែ ២៤៤២១គ្រឿងប៉ុណ្ណោះនៅឆ្នាំ២០១៩។ នេះគឺរាប់បញ្ចូលទាំងរថយន្ត Hybrid និង Plug-in Hybrid ប្រើឆ្នាំងសាក។ នេះគឺតិចណាស់ បើធៀបទៅនឹងការលក់របស់រថយន្ត Sportages បាន ៨៩២៧៨គ្រឿង និង Kia Soul ប្រើសាំង បាន ៩៨០៣៣គ្រឿង នៅឆ្នាំ២០១៩ដូចគ្នា។
ក្រុមហ៊ុនផលិតរថយន្តគ្រោងនឹងផ្លាស់ប្តូរអ្វីៗទាំងអស់នេះ ហើយនៅចុងឆ្នាំ ២០២៥ ក្រុមហ៊ុន Kia ចង់បាន ២៥% នៃការលក់របស់ខ្លួនជារថយន្តជួយបរិស្ថាន និង២០% ជារថយន្តអគ្គិសនីសុទ្ធ។ សម្រាប់ទីផ្សារពិភពលោក (លើកលែងតែទីផ្សារចិន) Kia ចង់លក់រថយន្តអគ្គិសនីឱ្យបាន៥សែនគ្រឿង នៅឆ្នាំ២០២៦ និង ១លានគ្រឿងនៃរថយន្តជួយបរិស្ថាន។
ដើម្បីអាចសម្រេចគោលបំណងនេះបាន ក្រុមហ៊ុន Kia Motors នឹងវិនិយោគទឹកប្រាក់សរុបចំនួន ២៥ពាន់លានដុល្លារអាមេរិក នៅក្នុងគម្រោង S និង ការអភិវឌ្ឍនៃរថយន្តអគ្គិសនី នៅចប់ឆ្នាំ២០២៥។ គេសង្ឃឹមថា នឹងអាចរកប្រាក់ចំណេញមកវិញចំនួន ៦%៕ (កែសម្រួលដោយ ៖ ធីតា)
ចែករំលែកព័តមាននេះ