រដ្ឋមន្ត្រីក្រសួងរ៉ែអះអាងថា ឆ្នាំ២០២០ កម្ពុជាលែងខ្វះអគ្គិសនីប្រើប្រាស់ហើយ
រាជធានីភ្នំពេញ ៖ រដ្ឋមន្ត្រីក្រសួងរ៉ែ និងថាមពល លោក ស៊ុយ សែន បានអះអាងថា នៅឆ្នាំ២០២០ កម្ពុជា…
រាជធានីភ្នំពេញ ៖ រដ្ឋមន្ត្រីក្រសួងរ៉ែ និងថាមពល លោក ស៊ុយ សែន បានអះអាងថា នៅឆ្នាំ២០២០ កម្ពុជា…
រាជធានីភ្នំពេញ ៖ រដ្ឋមន្ត្រីក្រសួងរ៉ែ និងថាមពល លោក ស៊ុយ សែន បានអះអាងថា នៅឆ្នាំ២០២០ កម្ពុជា លែងខ្វះអគ្គិសនីប្រើប្រាស់ដូចឆ្នាំមុនទៀតហើយ ។ លោក បានអះអាងសារជាថ្មីនេះ បន្ទាប់ពីរដ្ឋសភា និងព្រឹទ្ធសភាពបានអនុម័តច្បាប់ចំនួន៦ទាក់ទិននឹងបង្កើតស្ថានីយអគ្គិសនី និងសម្រេចទិញពីប្រទេសឡាវ ។
សេចក្តីព្រាងច្បាប់ចំនួន៦ ទាក់ទង និងការធានាទូរទាត់របស់រាជរដ្ឋាភិបាលឲ្យក្រុមហ៊ុនឯកជនចំនួន៤ សម្រាប់ការសាងសង់ស្ថានីយអគ្គិសនីដើរដោយព្រះអាទិត្យដោយមានអានុភាពសរុប១៤០ មេហ្គាវ៉ាត់ និងការធានាទិញថាមពលអគ្គិសនីផលិតដោយធ្យូងថ្មទំហំ២៤០មេហ្គាវ៉ាត់ពីប្រទេសឡាវជាស្ថាពរ ។
លោកស៊ុយ សែម រដ្ឋមន្ត្រីក្រសួងរ៉ែ និងថាមពលបានឲ្យដឹងថា សម្រាប់ឆ្នាំ ២០២០ នេះតទៅ កម្ពុជាលែងខ្វះខាតអគ្គិសនីប្រើប្រាស់ទៀតហើយ មិនដូចឆ្នាំ២០១៩ កន្លងមកនេះ បានជួបប្រទះបញ្ហាខ្វះខាតអគ្គិសនីយដោយមានការផ្តាច់ការផ្គត់ផ្គង់នៅតំបន់មួយចំនួន ។ លោកស៊ុយ សែម ត្រូវបានគេហទំព័រមួយស្រង់សំដីផ្សាយ នៅថ្ងៃទី ២១ ខែមករានេះ ឱ្យដឹងបន្តថា ក្រសួងតែងតែធ្វើផែនការមេមួយយ៉ាងម៉តចត់ ដើម្បីឱ្យអ្នកវិនិយោគ ឬរដ្ឋាភិបាលខ្លួនឯង ធ្វើការវិនិយោគប្រភពអគ្គិសនីមួយឱ្យបានពិតប្រាកដ និងរៀបចំបណ្តាញខ្សែមួយឱ្យបានត្រឹមត្រូវ ដើម្បីផ្គត់ផ្គង់អគ្គិសនីនៅទូទាំងប្រទេស ។
លោកពន្យល់ថា មូលហេតុដែលមានការខ្វះខាតអគ្គិសនីនៅក្នុងឆ្នាំ២០១៩ ដោយសារកម្ពុជាត្រូវការថាមពលអគ្គិនីយខ្ពស់ដែលមានបន្ទុកខ្លាំង គឺមានចំនួន១៨០០ មេហ្គាវ៉ាត់នៅក្នុងរដូវប្រាំ តែមកដល់ពេលបច្ចុប្បន្ននេះ ក្រោយពីបានរៀបចំផែនការមេថ្មីដោយបានធ្វើការសិក្សាជាមួយនឹងអ្នកជំនាញការលើសេចក្តីត្រូវការលើសហគ្រាសធុនធំ អាជីវកម្មធុនតូច និងមធ្យម និងនៅតាមខ្នងផ្ទះរបស់ប្រជាពលរដ្ឋសម្រាប់ឆ្នាំ ២០២០ សេចក្តីត្រូវការអគ្គិសនីនៅក្នុងបន្ទុកអតិបរិមាណចំនួន ២២១៤ មេហ្គាវ៉ាត់ សម្រាប់ប្រើប្រាស់នៅក្នុងរដូវប្រាំងនេះ ដោយបានកើនឡើងខ្ពស់ជាងឆ្នាំ២០១៩ ។
លោកបន្ថែមថា«បច្ចុប្បន្ននេះ យើងបានដាក់ឱ្យដំណើងរោងចក្រធ្យូងថ្មមួយនៅខេត្តព្រះសីហនុ ដែលមានថាមពល ១៥០ មេហ្គាវ៉ាត់ នាំចូលពីប្រទេសថៃ ២៣០ មេហ្គាវ៉ាត់ នាំចូលពីប្រទេសឡាវ មានចំនួន៧០ មេហ្គាវ៉ាត់ និងមកពីវ៉ារីអគ្គិសនីដនសាហុងមានចំនួន១៩៥ មេហ្គាវ៉ាត់ ដាក់ឱ្យដំណើររោងចក្រថាមពលអគ្គិសនីដើរដោយព្រះអាទិត្យ នៅខេត្តកំពង់ស្ពឺមានចំនួន ៨០ មេហ្គាវាត់ ពីខេត្តអាតាពើចំនួន ១០០ មេហ្គាវ៉ាត់ទៀត រោចក្រអគ្គិសនីដើរដោយប្រេងខ្មៅចំនួន ៤០០ មេហ្គាវ៉ាត់ ដែលកំពុងដំណើរការសាង់នៅស្រុកល្វាឯម ខេត្តកណ្តាល ។
លោកបន្ថែមថា «សម្រាប់ឆ្នាំ ២០២០ នេះ កម្ពុជាត្រូវការអគ្គិសនីបន្ថែមប្រមាណ ៤១៤ មេហ្គាវ៉ាត់ ខណៈយើងមានជាង៧០០ មេហ្គាវ៉ាត់សម្រាប់ផ្គត់ផ្គង់នៅក្នុងប្រទេស ។ ដូច្នេះអាចនិយាយបានថា សម្រាប់ឆ្នាំ ២០២០ នេះ មិនអាចខ្វះខាតនោះទេនារដូវប្រាំងនេះ ព្រោះគម្រោងអគ្គិសនីមានលើសេចក្តីត្រូវការ» ។ បើតាមលោក ស៊ុយ សែម បញ្ជាក់ថា មកដល់ពេលនេះ ការតបណ្តាញអគ្គិសនីសម្រេចបានប្រមាណ ៩២ ភាគរយ សម្រាប់ឱ្យពលរដ្ឋប្រើប្រាស់គម្រោងភូមិនៅទូទាំប្រទេស ហើយតាមផែនការ គឺនឹងតបណ្តាញឱ្យចប់នៅត្រឹមឆ្នាំ២០២០នេះ ឱ្យពលរដ្ឋបានប្រើប្រាស់គ្រប់ខ្នងផ្ទះ ៕
ចែករំលែកព័តមាននេះ